1.İnnovasiya anlayışı və onun müəyyən edilməsinə baxışlar

2. İnnovasiyaların təsnifatı
İnnovasiyalar kompleksli və sistemli səciyyəyə malikdir. Bununla əlaqədar onların müxtəlif əlamətlərə görə təsnifatını aparmağa ehtiyac yaranır.
Tətbiq obyektlərinə görə innovasiyanın aşağıdakı tipləri ayrılır:
- Məhsul innovasiyaları. Bunlara yeni və faydalı xassələri olan məhsulların yaradılması, habelə istehsal olunan məhsul və xidmətlərin xassələrində əhəmiyyətli dəyişikliklərin həyata keçirilməsi aid edilir.
- Proses (texnoloji) innovasiyalar. Bunlara Məhsulların və ya xidmətlərin istehsal və çatdırılma metodlarında əhəmiyyətli dəyişikliklərin aparılması aid edilir. Bu halda yeni və ya təkmilləşdirilmiş texnoloji proseslərin yaradılması və tətbiqi həyata keçirilir.
- Təşkilatı innovasiyalar. Bunlar yeni təşkilati formaların tətbiqi sferasına aid edilir. Bu işgüzar praktikada, iş yerlərinin təşkilində və ya müəssisənin xarici əlaqələrində dəyişikliklər ola bilər. Nəticədə menecment sistemi təkmilləşir.
- Marketinq innovasiyaları. Bunlar yeni və ya əhəmiyyətli dərəcədə yaxşılaşdırılmış marketinq metodlarının reallaşdırılmasını əhatə edir. Bu metodda məhsulların dizayn və qablaşdırılmasında əhəmiyyətli dəyişiklikləri, məhsul satışı və təqdimatının, onların satış bazarlarına yeridilməsinin yeni üsullarının istifadəsini, yeni qiymət strategiyalarının formalaşdırılmasını əhatə edir.
- Sosial innovasiyalar. Bunlar insan həyatı sferalarında yeniləşmə prosesini, sosiumun ( idarəetmə sistemi, xeyriyyəçilik, xidmət vəs.) yendən təşkilini əhatə edir.
Həyata keçirilmə tempinə görə innovasiyalar yavaş, sürətli, sıçrayışlı tiplərə bölünür.
İntensivlik dərəcəsinə görə zəif, ahəngdar, kütləvi innovasiyalar fərqləndirilir.
Miqyaslarına görə kontnentlərarası, transmilli, regional, iri, orta, kiçik innovasiyalar ayrılır.
Səmərəlilik formasına görə iqtisadi, ekoloji, sosial, inteqral innovasiya tipləri mövcuddur.
Bəzən müəssisədə struktur səciyyəsinə görə də innovasiyaların tipləri müəyyən edilir. Belə hallarda aşağdakılar ayrılır:
- Müəssisənin “girişində” innovasiyalar
- Müəssisənin “şıxışında” innovasiyalar
-Müəssisənin bir sistem kimi strukturunda innovasiyalar.

3. İnnovasiya menecmentinin predmeti və vəzifələri

İnnovasiya menecmenti innovasiya proseslərinin, innovasiya fəaliyyətinin səmərəliliyinin yüksəldilməsinə yönəldilmiş, müasir idarəetmə prinsipləri, metodları və formalarının məcmusudur.