23
BURDA BĠR ĠGĠD ÖLDÜ...
Telman Xasay oğlu Həsənov 1973-cü ildə dünyaya
göz açıb. Kənd orta məktəbinin səkkizinci sinfini bitirdikdən
sonra Ağdam rayonunda 136 N-li taxniki peşə məktəbinə daxil
olmuşdu. Eyni zamanda idmanla, karate ilə məşğul olurdu.
Gələcəkdə ali təhsilli idmançı olmaq istəyirdi. Lakin tale buna
imkan vermədi.
Müharibə alovları Qarabağ torpaqlarını kəndbəkənd
bürüyəndə Telmanın 14 yaşı vardı. Yaşının az olmasına baxmayaraq həmişə
kəndin müdafiəçiləri arasında olur, onlara əlindən gələn köməkliyi göstərirdi.
Müharibənin günü – gündən genişlənməsinə, erməni quldurlarının azğınlaşması
Xasay kişini, Süsən xalanı narahat edirdi. Axı bu ixtiyar valideynlər dünyanın düz
vaxtı oğul dağını görmüşdülər.
Dərdim bir-iki deyil,
Yüküm qəm yükü deyil,
Hər kimin dərdi varsa,
Mənimki təki deyil.
Bəli, dilə gətiriləsi dərdlərdən deyil, Süən xalanın dərdi. Beş oğul iki qız
böyütmüşdü. Oğulları bir-birindən boylu-buxunlu idi. Tale onun sinəsinə üç oğul
dağı çəkmişdi. Nə edəsən, fələyin çərxi dönəndə birdən dönür, dərd gələndə
batmanla gəlir. Yaxşı ki, nə Süsən ana, nə də ömür gün yoldaşı Xasay kişi həyat
eşqini itirməmişdi. Onlar öz ümidlərini ailənin son beşiyi Telmana bağlamışdılar.
Qarabağ torpağında ermənilərin həyasızlıqlarını getdikcə artır,
torpaqlarımıza təcavüzləri genişlənirdi. Telman da u neçə ildə kəndi döyüşçüləri ilə
müxtəlif əməliyyatlarda olur, getdikcə mətinləşirdi. Günlərin bir günüdə ot
sahəsində Telmanın əmisi Qəzənfər və xalası oğlu Vaqifi quldurlar vəhşicəsinə
qətlə yetirmişdi. Kolanı elinə baş vermiş bu ilk hadisə az qala bütün Qarabağı
bürümüşdü. Qisasçılıq hissi Telmanı rahat buraxmırdı. 18 yaşı tamam olan kimi
könüllü olaraq həqiqi əsgəri xidmətə yollandı. Üç aylıq hərbi təlimdən sonra
Ş.Mirzəyev adına özünümüdafiə batalyonunda vuruşmağa başladı. Fiziki hazırlığı,
qorxmazlığı, zirəkliyi ilə döyüşçü yoldaşlarına elə ilk günlərdən nümunə göstərirdi.
Komandanlığın və döyüşçü yoldaşlarının hörmətini qazanan Telmana həmişə
təcrübəli döyüşçü kimi məsul tapşırıqlar verilir, döyüş zamanı ən ağır mövqenin
müdafiəsi ona tapşırılırdı. O, Fərrux, Manikli, Canyataq, Gülyataq, Dəhraz,
Naxçıvanik, Sırxavənd kəndlərinin quldurlardan təmizlənməsində düşmənlə
üzbəüz dayanmışdır.
1992-ci il avqustun 27-si idi. Ağdərənin Qazançı kəndi uğrunda ağır
döyüşlər gedirdi.
24
Axı biçarə ana lap elə dünən öz əli ilə oğluna və silahdaşlarına sovqat
aparıb qayıtmışdı. O gün döyüş yoldaşları Telmanı o qədər tərif etmişdilər ki,
Süsüən ananın nigarançılığı birə beş azalmışdı.
Bəs indi nə demək idi. Allah, yoxsa doğrudan da biçarə ananın bəxti
tərsinə yazılıbmış?! Bu da daha bir oğul dağı.
Bulaq başdan qaradır,
Dibi daşdan qaradır,
Məni soruşan olsa,
Baxtım başdan qaradır.
Hər dağı çəkmək olar. Bala dağı çəkilməzdir deyirlər. Telman kimi igidin
dərdini təkcə Süsən ana və Xasay kişi yox, onu tanıyan həmyerlilərinin hamısı,
qohum-qardaşları, döyüş dostları da göynəyə- göynəyə çəkirlər.
Ağdam Uzundərə Şəhidlər Xiyabanında dəfn edilib.
“YURDDA GERĠYƏ YOL YOXDUR”
İnqilab Əyyub oğlu Əliyev müharibənin ağrısını,
acısını lap uşaq vaxtlarından dadmışdı. Böyük Vətən
müharibəsi onu ata üzünə həsrət qoymuşdu.
Qarabağın üzərində əsən küləklər, erməni
quldurlarının törətdikləri vəhşiliklər, başqaları kimi İnqilabı
da çox narahat edirdi. Müharibədən söz düşəndə uşaqlıq
illərini yada salırdı. “Getsin o günlər bir də gəlməsin” –
deyirdi.Qonşu Ballıqaya ermənilərinin atdığı güllə İnqilabın
həyət-bacasından keçirdi. Düşmən gülləsindən evinin divarları deşik-deşik
olmuşdu. “Baba-yurdundan geriyə yol yoxdur” – deyirdi.
İnqilab dəfələrlə bu yerləri tanıyan adam kimi bələdçilik etmişdi. Doğma
yurda baş çəkmişdi. Erməni quldurlarının pis əməllərinin canlı şahidi olmuşdu.
Cəbhələrdəki uğurlar İnqilabı çox sevindirirdi. Əsgərlərimiz 1992-ci ilin payızında
Sırxavənd istiqamətində uğurlu döyüşlər aparırdı. Əldən-ələ keçən Sırxavəndin
daşı daş üstünə qalmamışdı. Söz düşəndə İnqilab deyirdi ki, təki quru torpağımıza
qayıdaq. Atalar yaxşı deyib: “Sən saydığını say, gör fələk nə sayır”.
Vətən təəssübü ilə yaşayan İnqilab Əliyev 1992-ci ilin sentyabrında
sürdüyü maşında minaya düşdü.
İnqilab beş qız, bir oğul atası idi. Oğlu Yaşar bu gün atasının yolunu
davam etdirir.
Məzarı Ağdam Uzundərə Şəhidlər Xiyabanındadır.
25
ANAMA DEYĠN GÖZLƏMƏSĠN
Nuru Çərkəz oğlu Ağayev 1970-ci ilin yanvarın 13-də
anadan olub. Nuru Ağayevlər ailəsinin ikinci oğul payı idi. O
gəlişi ilə Çərkəz əmiyə, Fənar xalaya bir dünyaya sevinc
gətirmişdi. İncə dodaqlarında təbəssüm dolaşan, qaraqaş,
qaragöz, qaraşın, suyuşirin balaca Nuru hamının sevimlisi oldu.
Əldən-ələ, qucaqdan-qucağa gəzdi. Əzizlənə-əzizlənə, oxşana-
oxşana böyüdü. Orta məktəbi doğma Sırxavənd kəndində qurtardı. Ucaboylu,
mehriban, mülayim davranışlı, şən, nikbin təbiətin Nuru dostlarının sevimlisi oldu.
1988-ci ilin yazında Nuru hərbi xidmətə çağrılır. İki illik əsgərlik borcunu
Ukraynanın Xmelnitski vilayətində başa vurur. O vaxtlar erməni daşnakları
Xankəndində, İrəvan Tetar meydanında gecə-gündüz “Qarabağ bizimdir” deyə
qışqırırdılar. Günü-gündən bütün Qarabağ torpağını bürüyən erməni quldurlarının
bəd əməlləri Nurunu narahat edirdi. Onun gecəsi-gündüzü fikir içində keçirdi.
Nurunun uşaqlıq və əsgərlik yoldaşı Həsən Abdullayev deyir:
-Nuru ilə uşaqlığımız bir yerdə keçib, orta məktəbi də bir yerdə
qurtarmışıq. Tale elə gətirdi ki, əsgərlik borcumuzu da bir hərbi hissədə başa
vurduq. İki illik əsgərlik dövründə bir günümüz bir il kimi görünürdü. Nuru
təşkilatçılığı və bacarığı ilə hamımızdan fərqlənirdi. Biz vətənə tez qayıtmaq üçün
yollar axtarırdıq. Nuru ilə dəfələrlə qaçmaq istədik. Amma baş tutmadı. Moskva
televiziyası ilə verilən xəbərlər bizi daha da əsəbiləşdirirdi. Elə ona görə də erməni,
rus uşaqları ilə dəfələrlə rotamızda mübahisələrimiz düşmüşdü. Nuru
vətənpərvərliyi ilə yanaşı, həm də əvəzedilməz dost idi. Dost yolunda canından
keçməyə hazır idi. Əlinə düşən bir tikəni bizsiz yeməzdi.
1990-cı ilin mayında Nuru doğma Sırxavəndə qayıtdı. Nuru ilk gündən
torpaqlarımızın müdafiəsinə qalxdı. Polad bilək, boy-buxunlu bu igid az müddətdə
kənd camaatının hörmətini qazandı. Qarlı-şaxtalı günlərdə vətənin keşiyini çəkdi.
Sırxavəndinin bir ovuc torpağı üçün canından-qanından keçməyə hazır oldu.
Dəfələrlə düşmən hədəfini susdurdu. Çətin əməliyyatlarda şücaətlər göstərirdi.
Neçə erməni quldurunu məhv etdi. Sırxavəndin özünümüdafiə batalyonunun
qorxmaz, bacarıqlı bir əsgəri kimi ad-san çıxardı.
Nuru qoçaqlığına, igidliyinə görə sonralar Ağdərə polisinə qəbul edilmişdi.
O, hiss edirdi ki, Vətənin azadlığı, müstəqilliyi yolunda lazım gəlsə canından
keçməlisən. Ona görə də hər bir döyüşdə irəliyə can atırdı.
Nuru Ağdərə bölgəsində hər bir kəndin, məntəqənin, qəsəbənin ermənim
quldurlarından azad edilməsində gedən ölüm-dirim savaşlarında igidliklər
göstərmişdi.
Son dəfə yanvarın əvvəlində evlərinə baş çəkir. Evdə: “elə vaxtında
gəlmisən” – dedilər. Üç gündən sonra yəni yanvarın 13-də ad günüdür. Keçən il də
sənə ad günü keçirmədik. Amma bütün dost – tanışlara xəbər vermişik. Sənin ad
Dostları ilə paylaş: |