1-rasm
Tok barglaridagi xloroz belgilarining ko’rinish
Shingildagi gul va meva bandlarida qo‘ng‘ir, keyin qora dog‘lar hosil bo‘ladi, yoz oxirida ularning ba’zilari to‘kilib ketadi. Zararlangan mevasi oq rangli uzum qo‘ng‘ir, qora rangli uzum qizg‘ish tusga kiradi.
Uzumboshining bandi va mevasi chirishi, shingillar to‘kilishi tufayli xosilning 30-70 foizi yo‘qolishi mumkin. Vino ishlab chiqarishda kasallikning asosiy zarari uzum xomashyosi sifatining buzilishidir. Kuchli zararlangan uzumdan olingan vinoning tiniqlanishi qiyinlashadi, ta’mi buziladi. Bunday vino oksidlanishga va bakteriyalar bilan zararlanishga moyil bo‘lib, uni uzoq muddat davomida saqlash mumkin bo‘lmaydi.
Kasallik qo‘zg‘atuvchi zamburug‘ sklerotsiylar, mo‘miyolashgan uzum mevalari hamda mitseliy shaklida zararlangan novdalar va tinim davridagi kurtaklarda qishlaydi.
Bahorda konidiyalar hosil bo‘ladi va ular yomg‘ir hamda shamol bilan barg va yosh shingillarga tushadi va ularni birlamchi zararlaydi. Konidiyalar 1-30 °S dagi suv tomchisida yoki 90 foiz va undan va yuqoriroq havo namligi kuzatilganda o‘sadi.
Dostları ilə paylaş: | 
