Əxlaqi şüurun inkişafı. Gənclik yaşında mənlik şüurunun formalaşması ilə yanaşı, əxlaqi şüur da inkişaf edir. Burada əxlaqi dünyagörüşünün formalaşması əsaslı rol oynayır. Gənclər borc, şərəf, şəxsi qürur hissi, vicdan, təvazökarlıq kimi mürəkkəb əxlaqi kateqoriyaların mahiyyətini dərk edirlər, lakin tədqiqatlar göstərir ki, onlara rəhbərlik edilmədikdə gənclər bu qəbil- dən olan müəyyən anlayışların mahiyyətini şərh edərkən səhvlərə, nöqsanlara yol verirlər.
Psixoloq A.V.Krutetskinin tədqiqatı göstərir ki, IX-X sinif şagirdlərinin 67 faizi təvazökarlığı düzgün başa düşür və onu şəxsi ləyaqət hissi kimi dərk edirlər. Amma borc, vicdan, qürur kimi əxlaqi məfhumları şagirdlərin 44,5 faizi düzgün anlayır (V.İ.Barski). Bu yaşda şagirdlər əxlaqi keyfiyyətləri düzgün qiymətləndirsələr də, müəllim və valideynləri aldatmağa meyl edirlər.
Dostları ilə paylaş: |