45
A Z Ə R B A Y C A N V Ə K İ L İ ‐ VIII nömrə
Buna görə də kompensasiya ödənilməlidir. Lakin tələb olunan məbləğ həddindən çoxdur. Məhkəmə
Konvensiyanın 41‐ci maddəsinin tələblərinə uyğun olaraq ədalətli şəkildə qiymətləndirmə apararaq
ərizəçiyə mənəvi ziyana görə ödənilməli olan vergilər də daxil olmaqla 10 000 avro məbləğində
kompensasiya ödənilməsini qət edir.
B. Məhkəmə xərcləri
55. Ərizəçi həmçinin ölkə məhkəmələri və Avropa Məhkəməsində işə baxılması ilə bağlı çəkdiyi
xərc və məsrəflərə görə 3000 avro məbləğində kompensasiyanın verilməsini tələb etmişdir. Tələb
konkretləşdirilməmiş və ya hər hansı sənədlə təsdiq edilməmişdir.
56. Hökumət ərizəçinin tələbini əsaslandırmadığını bildirmişdir.
57. Məhkəmənin presedent hüququna görə ərizəçinin çəkdiyi xərc və məsrəflər yalnız o zaman ona
ödənilir ki, bu xərc və məsrəflərin həqiqətən də və zəruri olaraq çəkildiyi müəyyən edilsin və məbləği
ağlabatan olsun. Məhkəmə qeyd edir ki, ərizəçi işinə Avropa Məhkəməsində baxılması zamanı vəkillə
təmsil olunmuşdur və vəkilin Məhkəmə tərəfindən xahiş olunduğu kimi müvafiq sənədlər və qeydlər
təqdim etdiyi mübahisə doğurmur. Belə olan halda Məhkəmə xərc və məsrəflərə görə ərizəçiyə 2000
avro məbləğində kompensasiya verilməsini münasib hesab edir (bax: “Rzaxanov Azərbaycana qarşı
(Rzakhanov v. Azerbaijan, no. 4242/07, § 92, 4 July 2013)).
C. Faizlərin ödənilməsi
58. Məhkəmə ödənilməyən məbləğə görə faiz dərəcəsinin Avropa Mərkəzi Bankının faiz dərəcəsinə
uyğun olaraq hesablanmasını və bura üç faiz əlavə edilməsini münasib hesab edir.
YUXARIDAKILARI NƏZƏRƏ ALARAQ, MƏHKƏMƏ YEKDİLLİKLƏ
1. Ərizəni mümkün elan edir;
2. Konvensiyanın 3‐cü maddəsinin prosessual‐hüquqi aspektinin pozulduğunu qət edir;
3. Konvensiyanın 3‐cü maddəsinin maddi‐hüquqi aspektinin pozulmadığını qət edir;
4. Qərara alır ki,
(a) Konvensiyanın 44‐cü maddəsinin 2‐ci bəndinə uyğun olaraq cavabdeh dövlət qərarın qüvvəyə
minməsindən sonra üç ay ərzində tutulacaq faiz də daxil olmaqla aşağıdakı məbləğlərdə vəsaiti
ödəmənin həyata keçirilməsi zamanı mövcud olan məzənnəyə uyğun olaraq Azərbaycan manatı ilə
ödəməlidir:
(i) tutulacaq vergi də nəzərə alınmaqla mənəvi ziyana görə 10 000 (on min) avro;
(ii) tutulacaq vergi də daxil olmaqla xərc və məsrəflərə görə 2000 (iki min) avro;
(b) yuxarıda qeyd edilən üç ayın keçməsindən sonra ödəmənin həyata keçirilməsinə qədər
gecikdirilən müddət üçün yuxarıda göstərilən məbləğdən Avropa Mərkəzi Bankının faiz dərəcəsinə
uyğun olaraq faizlər ödənilməli və buna üç faiz də əlavə edilməlidir.
5. Ərizəçinin ədalətli kompensasiya tələbinin digər hissələrdə rədd edilməsini qət edir.
Qərar Məhkəmənin Prosedur Qaydalarının 77‐ci Qaydasının 2 və 3‐cü bəndlərinə uyğun olaraq 15
yanvar 2015ci ildə ingilis dilində və yazılı şəkildə tərtib edilmişdir.
Soren Nilsen
İzabel Berro‐Lefevr
Bölmə katibi
Sədr
A Z Ə R B A Y C A N V Ə K İ L İ ‐ VIII nömrə
46
Yerli mətbuat səhifələrindən
Avropa İnsan Hüquqları Məhkəməsinin ərizə forması
dəyişikliyə uğramışdır
Cari ilin oktyabrında Avropa İnsan Hüquqları Məhkəməsinə
təqdim olunacaq ərizələrin məzmununda əhəmiyyətli
dəyişikliklər qəbul olunmuşdur.
Məhkəmənin Plenumu tərəfindən qəbul olunmuş bu
dəyişikliklər forma mahiyyətli olduğundan ərizələrin
baxılma proseduruna əhəmiyyətli heç bir təsir
göstərməyəcəkdir. Bunula belə dəyişikliklərə riayət
olunmaması ərizənin qəbulundan imtina olunmasına əsas
verəcəkdir.
Dəyişikliklərin məzmununun nədən ibarət olması barədə Vəkillər Kollegiyasının Rəyasət Heyətinin
üzvü, vəkil Anar Bağırov qeyd edib ki, “Hüquqi şəxs olan ərizəçilər adından ərizəni imzalayan şəxslər
onların imza səlahiyyətini təsdiq edən sənədləri (hüquqi şəxsin təsis sənədini və ya digər növ
etibarnaməni) ərizəyə əlavə etməlidirlər. Təmsilçilik hüquqi verən bu sənədlərin formasına dair
xüsusi tələb yoxdur, sadəcə üzv ölkənin yerli qanunvericiliyinə, hüquq praktikasına əsasən tərtib
olunmalıdır. Ümumiyyətlə isə, adı çəkilən dəyişikliyin səbəbi Məhkəməyə müraciətlərin
konkretləşdirilməsi, ərizəçilərin niyyətlərinin əsaslığının müəyyən edilməsi, habelə Məhkəmənin
iş yükünün azaldılmasıdır.”
Məsələnin fərdi ərizəçilərə münasibətdə hansı qaydada tətbiq olunacağına dair Anar Bağırov “Əgər
ərizəçi vəkil tərəfindən təmsil olunursa, həmin vəkilin kimliyinin identifikasiyası mümkün olmalıdır.
Belə olan halda, ərizəçi ilə vəkil ərizə formasında xüsusi bölməyə imza atacaqlar. Bu vaxta kimi
vəkil heç vaxt ərizəyə imza çəkmirdi. Lakin 1 yanvardan sonra isə çəkəcəkdir və bununla faktiki
olaraq öz təmsilçiliyini təsdiq etmiş olacaqdır. Eyni zamanda yeni ərizə formasına əsasən, ərizəçi
öz doğum yerini də qeyd edəcəkdir” deyib.
Qeyd olunmalıdır ki, AİHM‐nə təqdim olunan ərizənin formasına sonuncu dəyişiklik 1 yanvar
2014‐cü ildə edilmişdir və 1 yanvar 2016‐cı ilədək göndəriləcək ərizələr əvvəlki qaydalara əsasən
tərtib olunacaqdır.
Dini
radikalizmə
qarşı
qanunvericilik
sərtləşdirilmişdir
Son dönəmlər ölkəmizdə dini ekstremizm hallarının
yayğınlaşması, bir sıra ölkə vətəndaşlarının xaricə
gedərək radikal dini qurplaşmalara qoşulmaları,
habelə xarici dini dairələrin maraqlarının ölkəmizdə
təbliğatı ölkəmizdə oturuşmuş ictimai münasibətlərin
təməlini sarsıtmaqla onun stabilliyini təhlükə altına
qoymuşdur. Qeyd olunanlar ilə əlaqdar, bu günlərdə
ölkə qanunvericliyinin təkmilləşdirilməsi üzrə bir sıra
qanunvericilik aktlarına dəyişikliklər edilmiş, “Dini
ekstremizmə qarşı mübarizə haqqında” yeni qanun qəbul olunmuşdur. Qeyd olunan dəyişikliklər
aşağıdakılarıdan ibarətdir: