TARIH-TƏZKIRƏ
ikkinqi ⱪisim
Sulayman Hudadin danaliⱪ soraydu
1
1
Dawudninj oƣli Sulayman ɵz padixaⱨliⱪida ⱪuwwǝtlinǝtti, qünki
Tǝnjrisi Hudawǝndǝ uninj bilǝn bolup, uni naⱨayiti uluƣ ⱪildi.
2
Sulayman
ⱨǝmmǝ Israilni minjbexi bilǝn yüzbexilarni, ⱨakimlar bilǝn barqǝ Israildiki
hanidanlarninj baxliri bolƣan ⱨǝmmǝ hojilarni ⱪiqⱪirip,
3
ɵzi bilǝn ⱨǝmmǝ
jamaǝt Gibiyonninj ⱪurbanliⱪ egizlikigǝ bardi, qünki Hudawǝndininj
bǝndisi Musa bayawanda ǝtkǝn jamaǝt qediri, yǝni Hudaninj qediri anda
bar idi.
4
Əmma Hudaninj ǝⱨdǝ sanduⱪi bolsa Dawud uni Ⱪiryat-Yearimdin
elip qiⱪip, ɵzi xuninjƣa tǝyyar ⱪilƣan jayda ⱪoyƣanidi, qünki Dawud u
sanduⱪⱪa Yerusalemda qedir tikkǝnidi.
5
Lekin Bezalǝl bǝn-Uri bǝn-Hur
ǝtkǝn mis ⱪurbangaⱨi Hudawǝndininj qedirininj aldida ⱪoyulƣanidi. Uninj
üqün Sulayman bilǝn jamaǝt Hudawǝndidin soriƣili u yǝrgǝ bardi.
6
Anda
Sulayman qiⱪip, jamaǝt qedirininj utturida turƣan mis ⱪurbangaⱨida bir
minj kɵydüridiƣan ⱪurbanliⱪni Hudawǝndininj aldida ɵtküzdi.
7
Xu keqidǝ Huda Sulaymanƣa kɵrünüp, uninjƣa: «Sanja beridiƣinimni
mǝndin soriƣin» dedi.
8
Sulayman Hudaƣa eyttiki:
«Sǝn atam Dawudⱪa qonj mǝrⱨǝmǝt kɵrsitip, meni uninj orniƣa padixaⱨ
ⱪildinj.
9
Əmdi, ǝy Rǝb Huda, atam Dawudⱪa ⱪilƣan sɵzünjdǝ turƣin, qünki
sǝn meni toliliⱪi yǝrdiki topidǝk nurƣun bolƣan bir hǝlⱪⱪǝ padixaⱨ ⱪildinj.
10
Uninj üqün bu ⱪowmni baxlap, ularninj arisida qiⱪix-kirixkǝ manja
ⱨekmǝt wǝ pǝm bǝrgin. Bolmisa xunqǝ qonj ⱪowminjƣa kim ⱨakimliⱪ
ⱪilalaydu» dedi.
11
Huda Sulaymanƣa eytti:
«Sǝn ɵz kɵnjlünjdǝ mundaⱪ niyǝt ⱪilip, haⱨi ɵzünj üqün dɵlǝt ya mal ya
izzǝt tilimǝy, haⱨi düxmǝnlirinjninj janlirini yoⱪitixni ya ɵmrünjninj uzun
boluxini sorimay, bǝlki mǝn seni üstigǝ padixaⱨ ⱪilƣan ⱪowmimƣa toƣra
ⱨɵküm ⱪilƣili ⱨekmǝt wǝ pǝm tiligininj üqün,
12
ⱨekmǝt wǝ pǝm sanja
TARIH-TƏZKIRƏ 2-ⱪisim
4
berildi. Dɵlǝt, mal, izzǝt sanja ⱨǝm berimǝn. Xundaⱪki, sǝndin ilgiri ɵtkǝn
padixaⱨlarninj ⱨeqbiri xunqilik tapmiƣandur, ⱨǝm sǝndin keyin ⱨeqkim
xunqilik tapmaydu» dedi.
Sulaymanninj bayliⱪliri
13
Sulayman Gibiyonninj ⱪurbanliⱪ egizlikidin ketip, jamaǝt qediridin yenip
Yerusalemƣa kelip, Israilƣa sǝltǝnǝt ⱪilƣili baxlidi.
14
Sulayman ⱨarwa bilǝn
atliⱪlar tǝyyar ⱪilip yiƣdurdi. Uninj bir minj tɵt yüz ⱨarwisi bolup, on ikki
minj atliⱪ bar idi. Bularni ⱨǝm ⱨarwilar üqün tǝyinlǝngǝn xǝⱨǝrlǝrdǝ, ⱨǝm
Yerusalemda padixaⱨninj ⱪexida ⱪoydi.
15
Padixaⱨ undaⱪ ⱪildiki, kümüx bilǝn
altun Yerusalemda tax bilǝn barawǝr sanilip, kedir yaƣiqi pǝs tüzlǝnjliklǝrdǝ
nurƣun bolƣan üjmǝ yaƣiqi bilǝn barawǝr sanaldi.
16
Sulayman alƣan
atlar Misirdin kǝltürülgǝnidi. Padixaⱨninj sodigǝrliri bir tayin miⱪdarni
tohtitilƣan baⱨaƣa alatti.
17
Misirdin elip kǝlgǝn ⱨǝr ⱨarwininj baⱨasi altǝ
yüz xeⱪǝl kümüx bolup, ⱨǝrbir atninj baⱨasi bir yüz ǝllik xeⱪǝl kümüx idi.
Xundaⱪ ⱨǝm hittiylarninj ⱨǝmmǝ padixaⱨliriƣa wǝ Arram padixaⱨliriƣa u
sodigǝrlǝrninj ⱪoli bilǝn at ⱨarwilar kǝltürüldi.
18
Sulayman Hudawǝndininj
ismiƣa bir bǝyt wǝ ɵzigǝ padixaⱨliⱪ ordisini yasiƣili oylap tohtatti.
Hudawǝndininj bǝytini yasaxⱪa tǝyyarliⱪ ⱪilinidu
2
1
Uninj üqün Sulayman yük kɵtürgili yǝtmix minj adǝm, taƣlarda tax
kǝskili sǝksǝn minj adǝm wǝ ularninj üstidǝ turƣili üq minj altǝ yüz
adǝmni sanap tǝyinlidi.
2
Andin Sulayman Tirninj padixaⱨi Huramƣa sɵz
ǝwǝtip eytⱪuzdiki: «Atam Dawud olturƣili bir ɵy yasiƣinida sǝn uninjƣa
kedir yaƣiqini ǝwǝttinj ǝmǝsmu? Uninjƣa ⱪilƣandǝk manja ⱨǝm ⱪilƣin.
3
Əmdi meninj Tǝnjrim Hudawǝndininj ismiƣa bir bǝyt yasap, uninjƣa
muⱪǝddǝs ⱪilay. Anda uninj aldida huxbuy isriⱪ kɵydürülüp, tǝⱪdim nanliri
ⱨǝmixǝ ⱪoyuⱪluⱪ turup, ⱨǝr ǝtǝ ahxamda, xabat künliridǝ, yenji aylarda wǝ
Tǝnjrimiz Hudawǝndininj ⱨeytlirida kɵydüridiƣan ⱪurbanliⱪ kǝltürülsun,
qünki Israilƣa ǝbǝdkiqǝ xundaⱪ buyrulƣandur.
4
Mǝn yasaydiƣan bǝyt qonj bolsun, qünki Hudayimiz baxⱪa mǝbudlardin
qonjdur.
5
Kim uninjƣa bir bǝyt yasiyalaydu? Asmanlar bilǝn asmanlarninj
asmani uni siƣduralmaydu. Mǝn kimdurmǝnki, uninjƣa bir bǝyt
yasiyalaymǝn, bǝlki uninj aldida huxbuy isriⱪ yandurmaⱪ üqün uni yasay.
6
Əmdi altun, kümüx, mis, tɵmürninj ⱨünirini bilip, sɵsün, toⱪ ⱪizil wǝ kɵk
rǝnjlik bǝytninj ixiƣa ⱪabil bolup, nǝⱪix ⱪilixⱪa usta bolƣan bir kixini manja