Ümumdünya Poçt Konvensiyası
Ödənilmiş kompensasiyanın göndəricidən və ya ünvançıdan geri alınma imkanı
Yüklə 303,3 Kb.
|
- Bu səhifədəki naviqasiya:
- ELEKTRON POÇTU
- MƏKTUB KORRESPONDENSİYASI BARƏDƏ MÜDDƏALAR: POÇT MÜDİRİYYƏTLƏRİ ARASINDA MÜNASİBƏTLƏR
- Göndərişlərin mübadiləsi
- Hərbi hissələrlə aparılan bağlı depeş mübadiləsi
- Xidmətlərin öz işini müvəqqəti dayandırması
- MƏSULİYYƏTİN MÜƏYYƏNLƏŞDİRİLMƏSİ
- TRANZİT XƏRCLƏRİ VƏ SON XƏRCLƏR
- Tranzit xərcləri şkalaları
- Məsafələr 1 kq brutto üçün xərclər 1 2
- Məsafələr 1.2. Dəniz yolları, dəniz mili (d.m.) ilə Bir dəniz mili 1852 km-ə
Ödənilmiş kompensasiyanın göndəricidən və ya ünvançıdan geri alınma imkanı
1. Əgər kompensasiya ödənildikdən sonra əvvəllər itirilmiş hesab olunan sifarişli və ya qiymətli elan edilmiş göndəriş və ya içindəkinin bir hissəsi tapılmışdırsa, bu halda ödənilmiş kompensasiya məbləğinin geri qaytarılması şərti ilə, üç ay ərzində göndərişin göndəriciyə və ya ünvançıya verilə biləcəyi barədə ona məlumat verilir. Eyni zamanda ondan göndərişin kimə təqdim edilməli olduğu barədə sorğu edilir. İmtina halında və ya müəyyən edilmiş müddət ərzində cavab alınmadığı halda göstərilən qayda ünvançı barədə və ya şəraitdən asılı olaraq, göndərici barədə tətbiq edilir. 2. Əgər göndərici və ya ünvançı göndəriş almaqdan imtina edirsə, bu halda həmin göndəriş Müdiriyyətin və ya lazımi halda, ziyanı ödəmiş Müdiriyyətin ixtiyarına keçir. 3. İtmiş hesab olunan qiyməti elan edilmiş göndəriş sonradan tapıldıqda, içindəkinin dəyəri ödənilmiş kompensasiya məbləğindən aşağı olduğu aşkar edilərsə, qəsdən artıq qiymətin elan edilməsindən irəli gələn nəticələrdən asılı olmayaraq, göndərici göndərişin ona çatdırılması zamanı kompensasiya məbləğini geri qaytarmalıdır.
Fəsil 6
ELEKTRON POÇTU Maddə 39
Ümumi müddəalar
1. Poçt Müdiriyyətləri öz aralarında elektron poçtu xidmətində iştirak etmək barədə razılıq əldə edə bilərlər. 2. Elektron poçtu — poçt xidmətinin elə bir növüdür ki, burada göndəricidən fiziki və ya elektron şəkildə qəbul edilmiş məlumatların orijinala uyğun olaraq və bir neçə saniyə ərzində ötürülməsi üçün elektrik kanallarından istifadə olunur və ya məlumatlar ünvançıya fiziki və ya elektron şəkildə çatdırılır. Məlumat fiziki formada qəbul edildiyi halda o, elektron yolu ilə, bir qayda olaraq, mümkün qədər ən uzaq məsafələrə ötürülür və ünvançı üçün mümkün qədər ən münasib fiziki formada bərpa edilir. Fiziki formada olan məlumat ünvançıya bağlı şəkildə, məktub korrespondensiyası göndərişi kimi təqdim edilir. 3. Elektron poçtu üzrə tariflər Müdiriyyətlər tərəfindən dəyərə və bazar tələblərinə uyğun olaraq təyin edilir.
Maddə 40
Faks rabitəsi xidməti
1. Bürofaks tipli xidmətlər qamması mətn və illüstrasiyaları orijinala uyğun olaraq, faks xidməti vasitəsilə ötürməyə imkan verir. Maddə 41
Teleçap xidməti
1. Xidmətlər qamması EHM-də (fərdi Kompüter, mərkəzi EHM elektron maşına) tərtib olunmuş mətn və illüstrasiyaların ötürülməsini həyata keçirməyə imkan verir. ÜÇÜNCÜ HİSSƏ MƏKTUB KORRESPONDENSİYASI BARƏDƏ MÜDDƏALAR: POÇT MÜDİRİYYƏTLƏRİ ARASINDA MÜNASİBƏTLƏR Fəsil 1
MƏKTUB KORRESPONDENSİYASI GÖNDƏRİŞLƏRİNİN İŞLƏNİLMƏSİ Maddə 42
Xidmətin keyfiyyəti sahəsində məqsədlər
1. Müdiriyyətlər daxil olan və ya çıxan prioriter və aviagöndərişlərin, eləcə də yerüstü və qeyri-prioritet göndərişlərin işlənilməsi müddətini təyin etməlidir. Bu müddət onların daxili xidmətlərinin müvafiq göndərişlərinə tətbiq edilən müddətlərdən az münasib olmamalıdır. 2. Qəbul və təyinat Müdiriyyətləri tərəfindən təyin edilmiş müddətləri oriyentir kimi qəbul edərək və daşınma vaxtını nəzərə alaraq qəbul Müdiriyyətləri xaricə göndərilən prioritet və aviagöndərişlər üzrə xidmətin keyfiyyəti sahəsində məqsədləri dərc etməlidir. 3. Poçt Müdiriyyətləri təyin edilmiş müddətlərə əməl edilməsini Beynəlxalq Büro və ya Regional İttifaqlar tərəfindən təşkil olunmuş sorğular vasitəsi ilə, yaxud ikitərəfli razılaşmalar əsasında vaxtaşırı olaraq yoxlayır. 4. Təyin edilmiş müddətlərə əməl edilməsini həmçinin Poçt Müdiriyyətləri tərəfindən digər nəzarət sistemləri vasitəsi ilə də xüsusi halda xarici nəzarət yoxlayışları zamanı müntəzəm olaraq yoxlamaq lazımdır. 5. İmkan daxilində Müdiriyyətlər xidmətin keyfiyyətinə nəzarət sistemini beynəlxalq poçt depeşləri istər daxil olan, istərsə də çıxan üzrə tətbiq edirlər; burada söhbət, imkan daxilində, qəbul anından çatdırma anına qədər keçirilən tam nəzarətdən gedir. 6. Bütün üzv ölkələr öz beynəlxalq poçt xidmətlərinin istismarında onlar üçün sorğu əhəmiyyəti olan qəbulun son müddətləri barədə aktuallaşdırılmış məlumatı Beynəlxalq Büroya təqdim edirlər. 7. İmkan daxilində məlumatlar prioritet və qeyri-prioritet poçt axınları üçün ayrı-ayrılıqda təqdim edilməlidir.
Maddə 43
Göndərişlərin mübadiləsi
1. Müdiriyyətlər, onlardan birinin və ya bir neçəsinin vasitəçiliyi ilə göndərişləri bir-birinə istər bağlı depeşlərdə, istərsə də açıq tranzitlə xidmətin tələbatına və rahatlığına uyğun olaraq göndərir. 2. Əgər poçtun daşınması hər hansı bir ölkədən tranzitlə keçməklə, bu ölkənin Poçt Müdiriyyətinin iştirakı olmadan həyata keçirilirsə, həmin Müdiriyyət bu barədə qabaqcadan məlumatlandırılmalıdır. Tranzitin bu cür forması tranzit ölkənin Poçt Müdiriyyətinin üzərinə məsuliyyət qoymur. 3. Müdiriyyətlər öz aralarında müvafiq razılaşma əldə etdikləri şəraitdə, yerüstü poçt depeşlərini hava yolu ilə məhdud prioritetlə göndərmək hüququna malikdir və bu Müdiriyyətlər həmin depeşləri öz ölkələrinin aeroportlarında alırlar. 4. Mübadilə Reqlamentin müddəaları əsasında həyata keçirilir.
Maddə 44 Hərbi hissələrlə aparılan bağlı depeş mübadiləsi
1. Bağlı depeşlərlə mübadilə digər ölkələrin quruyol, dəniz və ya hava yolları xidmətlərinin vasitəsi ilə aşağıdakılar arasında həyata keçirilə bilər: 1.1. üzv ölkələrdən birinin poçt müəssisələri ilə Birləşmiş Millətlər Təşkilatının sərəncamında olan hərbi bölmələrin komandanlıqları arasında; 1.2. bu hərbi bölmələrin komandanlıqları arasında; 1.3. üzv ölkələrdən birinin Poçt müəssisələri və həmin ölkənin ölkə xaricində yerləşən dəniz və ya hava bölmələrinin, hərbi gəmi və ya təyyarələrinin komandanlıqları arasında; 1.4. eyni bir ölkənin dəniz, hava bölmələrinin hərbi gəmi və ya təyyarələrinin komandanlıqları arasında. 2. 1-ci paraqrafda göstərilən depeşlərə yığılmış məktub korrespondensiyası göndərişləri yalnız bu depeşləri alan və ya göndərən hərbi bölmələrin və ya qərargahların, eləcə də gəmi və ya təyyarə ekipajlarının üzvləri tərəfindən göndərilə və ya alına bilər. Bu göndərişlərə tətbiq edilən tariflər və göndərilmə şərtləri sərəncamında hərbi bölmənin olduğu yaxud gəmi və ya təyyarələrin məxsus olduğu ölkənin Poçt Müdiriyyətlərinin qaydalarına uyğun müəyyən edilir. 3. Xüsusi razılaşma istisna edilməklə, hərbi bölməni öz sərəncamına götürmüş yaxud hərbi gəmi və ya təyyarənin məxsus olduğu ölkənin Müdiriyyəti depeşlərin tranzit üzrə xərclərini, son xərcləri və hava daşınması xərclərini müvafiq Müdiriyyətlərə ödəməyə borcludur.
Maddə 45
Xidmətlərin öz işini müvəqqəti dayandırması
1. Əgər fövqəladə şərait nəticəsində hər hansı Poçt müdiriyyəti müvəqqəti olaraq xidmət işini tam və ya qismən dayandırmağa məcburdursa, o, bu barədə marağı olan Müdiriyyətlərə dərhal xəbər verməlidir. Fəsil 2
MƏSULİYYƏTİN MÜƏYYƏNLƏŞDİRİLMƏSİ Maddə 46
Poçt rəhbərlikləri arasında məsuliyyətin müəyyənləşdirilməsi
1. Əks hal sübut olunmayınca, məsuliyyət, göndərişi qeyd-şərtsiz qəbul edərək və təhqiqatın aparılması üçün bütün lazımi vasitələr əlində olmaqla, bu göndərişin nə ünvançıya çatdırılmasını, nə də digər Müdiriyyətə düzgün qaydada ötürülməsini (bu həqiqətən də olmuşdursa) müəyyənləşdirə bilməyən Müdiriyyətin üzərinə düşür. 2. Əgər itki, oğurluq və ya zədələnmə halları göndərilmə zamanı baş vermişdirsə və bu hadisələrin hansı ölkənin ərazisində və ya xidmətində baş verdiyini müəyyən etmək mümkün deyildirsə, bu halda müvafiq Müdiriyyətlər ziyanı bərabər hissələrlə (yarıbayarı) ödəyir. 3. Bir Müdiriyyətin digər Müdiriyyətlərə görə məsuliyyəti heç bir halda, bu Müdiriyyət tərəfindən qəbul olunmuş qiymət elan edilməsinin ən yüksək həddindən artıq ola bilməz. 4. Qiyməti elan edilmiş göndərişlər xidmətini təmin etməyən Poçt Müdiriyyətləri qiyməti elan edilmiş göndərişlərin bağlı depeşlərdə daşınması zamanı bu göndərişlərə görə sifarişli göndərişlər üçün nəzərdə tutulmuş qaydada məsuliyyət daşıyır. Poçt Müdiriyyətləri istifadə etdikləri gəmilərdə və təyyarələrdə qiymətli əşyaların daşınmasına görə məsuliyyət daşımadığı hallarda da, həmin qayda tətbiq edilir. 5. Əgər itki, oğurluq və ya zədələnmə halları qiyməti elan edilmiş göndərişlər xidmətini təmin etməyən aralıq Müdiriyyətin ərazisində və ya xidmətində baş vermişdirsə, bu halda qəbul Müdiriyyəti aralıq Müdiriyyətin bağlamadığı ziyanı ödəyir. Ziyanın ölçüsünün aralıq Müdiriyyət tərəfindən qəbul olunmuş qiymət elan edilməsinin ən yüksək həddindən artıq olduğu hallarda da, eyni qayda tətbiq edilir. 6. Ləğv edilməsi mümkün olmayan gömrük rüsumları və digər vergilər göndərişin itkisi, oğurlanması və ya zədələnməsi üçün məsuliyyət daşıyan Müdiriyyətin hesabına aid edilir. 7. Kompensasiyanı ödəmiş Müdiriyyət bu ödənişi almış şəxsin hüquqlarını ödənişin məbləği hüdudlarında təmsil etməklə, lazımi halda ziyanı ünvançıdan və ya göndəricidən yaxud üçüncü şəxslərdən ala bilər.
Fəsil 3
TRANZİT XƏRCLƏRİ VƏ SON XƏRCLƏR 1. 50-ci maddənin şərtlərinə əməl edilməklə iki Müdiriyyət arasında və ya eyni bir ölkənin iki müəssisəsi arasında, bir və ya bir neçə digər Müdiriyyətin xidmətlərinin (üçüncü xidmətlər) vasitəçiliyi ilə mübadilə olunan bağlı depeşlərin daşınmasına görə tranzit xərclərin ödənişi tutulur. Bu ödəniş quruyol və dəniz tranziti xidmətlərinin göstərilməsinə görə olan kompensasiyadır. 2. Açıq tranzitlə göndərilən göndərişlər üçün həmçinin tranzit xərcləri alına bilər. Tətbiq üsulları Reqlamentdə müəyyənləşdirilmişdir.
Maddə 48 Tranzit xərcləri şkalaları:
2. Poçt İstismarı Şurası birinci paraqrafda xatırladılan şkalaları iki Konqres arasındakı müddətdə yenidən nəzərdən keçirmək və dəyişdirmək hüququna malikdir. Tranzit əməliyyatlarını həyata keçirən Müdiriyyətlərə ədalətli qaydada bölünmüş kompensasiyaları təmin edən metodologiya sayəsində keçirilən yenidənbaxılma etibarlı və xarakterik iqtisadi və maliyyə məlumatlarına əsaslanmalıdır. Mümkün dəyişiklik haqqında qərar Poçt İstismarı Şurasının müəyyən etdiyi tarixdən qüvvəyə minir.
Maddə 49
Yüklə 303,3 Kb. Dostları ilə paylaş:
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||