Ümumdünya BMT Assosiasiyaları Federasiyası,
Minilliyin Layihəsi
2007 Gələcəyin Durumu
39
3.
Əhali artımını və resursları (ehtiyatları) necə tarazlaşdırmalı
Dünya əhalisi yüksək ölüm sayından və yüksək doğum sayından aşağı ölüm sayına və
aşağı doğum sayına doğru dəyişir. Bu gün 6.6 milyard insanın yarısı şəhərlidir; 2050-ci
iləcən isə 2/3-si şəhərli ola bilər. Şəhər əhalisinin təqribən 1/3 hissəsi xarabalıqlarda
yaşayır və 2030-cu iləcən xarabalıq sakinlərinin sayı ikiqat artacaq. Dünyadakı uşaqların
25%-i protein-enerji çatışmamazlığından əziyyət çəkir, bu da əqli inkişafın zəifləməsiə
səbəb olur. 2050-ci ildə dünya əhalisinin ¼-nin (Afrika istisna olmaqla) yaşı 6-dan yuxarı
olacaq. BMT-nin orta proqnozuna əsasən 2045-ci ildə yaşı 60-dan yuxarı olanların sayı
yaşı 15-dən aşağı olanların sayından çox olacaq. Bu gün yaşlı insanların təqribən 65%-i
inkişaf etməkdə olan ölkələrdə yaşayır; 2050-ci ilədək bu göstərici təqribən 80% olacaq.
Dünya ilk olaraq varlandı, sonra yaşlandı, lakin inkişaf etməkdə olan ölkələr vaxtın idarə
olunmasında daha çox çətinliklərlə üzləşəcəklər. Baxmayaraq ki, onlar o qədər də sürətlə
yaşlanmırlar. Təqaüd, səhiyyə sistemləri və mədəniyyət dəyişməyə məcburdur. BMT-nin
aşağı proqnozuna əsasən, 2050-ci ilədək əhalinin sayı düşməyə başlamamışdan daha
2.8 milyard nəfər arta və 2100-cü ilədək 5.5 milyarda çata bilər,
lakin texnoloji
irəliləyişlərin bu proqnozları növbəti 50 il ərzində dəyişərək insanlara bu gün mümkün
olan həyatdan daha uzun və daha səmərəli həyat sürmək imkanı verəcəyi ehtimal olunur.
BMT-nin Ərzaq və Kənd Təsərrüfatı Təşkilatının dəyərləndirmələrinə əsasən aclıq üzrə
MİM-nə nail oluna bilər, lakin bu bilavasitə ac insanların azaldılması ilə yox, əhalinin
artması ilə şərtənir. Doyunca qidalanmayan insanların mütləq sayı 90-cı illərin
əvvəllərindən bu yana cəmi 3 milyon azalıb, halbuki 70-ci illərdə 37 milyon, 80-cı illərdə
isə 100 milyon azalmışdı. 2001-2003-cü illərdə onların sayı 90-cı illərdəkinin əvəzini
çıxmaqla 23 milyon çoxalıb. Dünyada hələ də 854 milyon doyunca qidalanmayan insan
var. İqlim dəyişikliyi və monokulturalar kənd-təsərrüfatının yaşaması üçün çox mühüm
olan biomüxtəlifliyi korlayır. Əhali artımını azaldan amillərin hələ də gücləndirilməyə
ehtiyacı vardır. Gəlirlərin artması, savadlılığın artırılması, uşaq ölümü hallarının azalması,
qadınların təhsil alması və onlara səlahiyyələrin verilməsi, urbanizasiya
və ailə
planlaşdırması bu amillərə aiddir.
Bütün balıq ehtiyatlarının ¼-i tükənib. BMT-nin Ərzaq və Kənd Təsərrüfatı Təşkilatının
dəyərləndirmələrinə əsasən şəhərin su ilə bağlı tələbləri artdığı halda kənd təsərrüfatına
2030-cu ilədək əlavə 2 milyard nəfəri qidalandırmaq üçün tələb olunan suyun miqdarı
60% artırılmalıdır. Kənd təsərrüfatı torpaqlarının təqribən 40%-i orta və 9%-i isə yüksək
dərəcədə korlanıb və ümumi məhsuldarlıq 13% azalıb. Daha düzgün insan-təbiət vəhdəti
sayəsində kifayət qədər qidalanma, sığınacaq, su və sanitar xidmətlər olmadan,
miqrasiyalar, münaqişələr və xəstəliklər qaçılmaz görünür. “UN-HABITAT”-ın verdiyi
məlumata əsasən şəhər yoxsullarının 1/3-i iqlim dəyişikliyi səbəbindən meydana gəlmiş
“ekoloji qaçqınlardır”.
Problem olduğu zənn edilən urbanizasiya öz əlverişliliyinə və miqyasın
müsbət effektinə
görə insan şəraitini yaxşılaşdıran başlıca amillərdən biridir. Şəhərlərdə mənzillə, suyla,
sanitar xidmətlər və yaxın zamanda ikiqat artacaq digər şəhər infrastruktur tələblərilə
təmin olunma üçün yaradıcı maliyyə modelləri işlənib hazırlanır. Gənc nəslin çiyinlərində
olan iqtisadi yükü azaltmaq və həyat səviyyəsinə dəstək vermək üçün insanlar daha uzun
müddət işləyəcək və uzaqdan idarə olunan işlərin, natamam işlərin və iş yerlərinin
rotasiyasının bir çox formalarını yaradacaqlar. Nanotexnologiyalar məhsul buraxılışının
hər vahidi üzrə material sərfiyyatını azaldır, lakin məhsulun faydasını və davamlılığını
artırır. İKT dünya miqyasında real zaman məkanında tələb və resurslar arasında optimal
tarazlığın tapılması üçün yararlıdır. Yağış suları ilə suvarılan kənd təsərrüfatına,
suvarmanın
idarə edilməsinə, məhsul göstəricisinin artması, quraqlığa dözümlü olan bitki
sortlarının yetişdirilməsi üçün genetik mühəndisliyə ehtiyac duyulacaq. Hal-hazırda,
inkişaf edən ölkələrdə kənd təsərrüfatı şumluq torpaqların 80%-indən istifadə edir. Bu
Ümumdünya BMT Assosiasiyaları Federasiyası, Minilliyin Layihəsi
2007 Gələcəyin Durumu
40
torpaqların 20%-i suvarılır. Məhsuldar şumluq torpaqları əldə saxlamaq üçün kütləvi
səylərə ehtiyac var. Heyvani zülala olan tələbat 2020-ci ilədək 50% arta bilər və bu da
genetik cəhətdən şəklini dəyişmiş ərzağa, akva-mədəniyyətə (insan istehlakı üçün
müxtəlif heyvan və bitkilərin yetişdirilməsi) və heyvanın
böyüdülməsi zərurəti olmadan
heyvanların gövdə hüceyrələrindən istifadə etməklə ət toxumalarının istehsal edilməsinə
kütləvi sərmayələrin qoyulmasına təkan verə bilər. Səhra sahil xətləri boyunca dəniz suyu
ilə işləyən kənd təsərrüfatı proqramlarının həyata keçirilməsi bioyanacaqlar, kağız
sənayesi üçün maddə, insanlar və heyvanlar üçün qida istehsal olunmasını təmin etməklə
yanaşı, həmçinin karbonun sorulmasına səbəb ola və təmiz suyun istifadəsini azalda
bilər.
3-cü Çağırışa o
vaxt ciddi cavab veriləcək ki, dünya əhalisinin illik artımı 30 milyondan
aşağı düşəcək, ac insanların sayı yarıbayarı azalacaq, körpə ölümü yarıbayarı azalacaq
və yaşlanmaya doğru yönələn yeni yanaşmalar iqtisadi cəhətdən yaşamağa qabil olacaq.
R
EGIONAL
M
ÜLAHIZƏLƏR
:
A
FRIKA
:
Afrika bu gün yaş medianı 20-dən aşağı olan yeganə regiondur və 2050-ci ilədək
60 və 60-dan daha çox yaşı olan əhalinin faizi 10%-dən bir az çox olacaq. Şəhər
ərazilərinin idarə olunması keyfiyyətini xeyli azaldan amillərdən biri QİÇS-dir. Bu xəstəlik
Botsvanada həyat davamlılığını 35 yaşa endirib. Halbuki, 1985-ci ildə bu göstərici 67
olub. Münaqişələr hələ də inkişaf məqsədilə qoyulan sərmayələrin qarşısını alır,
məhsuldar şumluq torpaqları korlayır, qaçqınların meydana gəlməsinə, qitə boyu ərzaq
böhranlarının baş verməsinə səbəb olur və təbii resursların daha yaxşı idarə olunmasının
qarşısını alır.
A
SIYA VƏ
O
KEANIYA
:
Çində 2005-ci ildə 60 və 60-dan daha yuxarı yaşı olan 144 milyon
insanın 2050-ci ildə 438 milyona çatacağı gözlənilir.
Ultrasəsli müayinənin geniş
yayılması, abortların asanlıqla başa gəlməsi və adət üzrə oğlanlara üstünlük verilməsi
səbəbindən Çində hər doğulan 118 oğlana 100 qız düşürdü. Çin ən tez 2010-cu ildə işçi
qüvvəsinin çatışmamazlığı ilə üzləşə bilər. 2050-ci ilədək Hindistanda Çindən daha çox
insan olacaq və bu gün Hindistanda aşağı-Sahara Afrikasındakından daha çox ac uşaq
var. Dünyada ən çox yaşlı əhaliyə malik ölkə Yaponiyadır. Yaponiyada hal-hazırda 43
olan yaş medianı 2050-ci ilədək 55-ə çata bilər. Bu, Yaponiyanın öz mühacir işçi
siyasətlərini dəyişməyə və robotlaşdırılmış işçi qüvvəsi cəlb etməyə vadar edəcək. İl
ərzində 7 000 dollardan çox qazanan asiyalılar sayca ABŞ-ın, Kanadanın və Avropanın
ümumi əhalisini ötüb keçir. Bu da tayı-bərabəri olmayan bir istehlak üçün özül deməkdir.
Yeni məşğullluq konsepsiyaları hal-hazırda yaşları 25-dən aşağı olan və ənənəvi
məşğuliyyət axtarışında çətinliklə üzləşən ərəblərin 60%-i arasında
hökm sürən siyasi
səbatsızlığın qarşısının alınması üçün gərəkli ola bilər.
Sinqapur növbəti 40-50 il ərzində yaşlanma tendensiyaları ilə mübarizə aparmaq
məqsədilə 2 milyon mühacir toplamağı planlaşdırır.
A
VROPA
: Avropanın yaşlanan əhalisi, durğun artım, 2050-ci ilədək əhalinin
layihələşdirilmiş şəkildə 70 milyon azaldılması və gənc əhalinin azlığı təqaüd və sosial
sığorta sistemlərində, daha çox uşaq üçün təşviqedici vasitələrdə və mühacir əməyində
baş verən artımlarda dəyişikliklərin meydana gəlməsinə təkan verərək, beynəlxalq
münasibətlərə, mədəniyyətə və sosial quruluşa təsir göstərəcək.