Science and Innovation International scientific journal

2022 
№ 1
834 
Alqissa, base buqalamunluq qildi. 
Ruboiylar qofiyalanishiga ko`ra 2 ga bo`linadi: ruboiyi xosiy va ruboiyi 
tarona. Ruboiyi xosiy a-a-b-a tarzida, ruboiyi tarona esa a-a-a-a tarzida 
qofiyalanadi. Navoiyning o`zbekcha ruboiylarining 95 foizi, forsiy ruboiylarining 
hammasi ruboiyi taronaga to`g`ri keladi. “Mahbub ul-qulub”dan olingan 
yuqoridagi ruboiy ham ruboiyi taronada yozilgan. Ya`ni to`rttala misra ham: 
“dunluq”, “zabunluq”, “Rahnamunluq”, “Buqalamunluq” – o`zaro qofiyalangan. 
Ushbu ruboiyda “inson Alloh tomonidan yuborilgan har qanday sinovga – hoh 
shodlik bo`lsin, hoh g`am bo`lsin sabr bilan chidashi kerakligi” haqidagi g`oya 
ilgari surilgan. Xalqimiz donoligi bo`lmish “oyning o`n beshi yorug`, o`n beshi 
qorong`u” degan maqolga ham to`g`ri keladi. 
G`urbatda g`arib shodmon bo`lmas emish,
El anga shafiqu mehribon bo`lmas emish.
Oltun qafas ichra gar qizil gul butsa, 
Bulbulg`a tikandek oshyon bo`lmas emish. 
Bu ruboiy “G`aroyib us-sig`ar”dan olingan bo`lib, shoir uni hozirgi 
Eronning Mashhad shahrida musofirlikda yurgan vaqtlarida yozganligi aytiladi. 
Buni ruboiy mazmunidan ham bilish mumkin. Ya`niki, ruboiyning birinchi va 
ikkinchi misrasida: “musofirlikda inson xursand bo`la olmasligi, o`zga yurt 
vakillari begonaga mehribonlik qilmasliklari”, – aytilgan. Buning dalili sifatida 
esa: “bulbul qafas oltindan bo`lsa ham o`zining tikonli erkin vataniga alishmasligi” 
– keltirilgan. Buni dastlabki ikki satrda aytilgan umumiy fikrning qiyosiy isboti 
deyish mumkin. Yuqorida ta`kidlaganimizdek, Navoiy ruboiylarining 95 foizi 
taronai ruboiyda yozilgan. Ushbu ruboiy esa qolgan 5 foiz tarkibidagi 
ruboiylardan. Ya`ni, ruboiyi xosiyda yozilgan.
O`lsam yasamang munda mozorimni mening, 
 
Yuklab eliting jismi firog`imni mening, 
 
O`tru chiqarib ahli diyorimni mening, 
 
Ko`yida qo`yung tani nizorimni mening. 

---

ISSN: 2181-3337
SCIENCE AND INNOVATION 
INTERNATIONAL SCIENTIFIC JOURNAL