Sanaat geografiyasi pa’ninin’ obekti ha’m predmeti joba

Sorawlar ha’m tapsırmalar

1. 
   Aymaqlıq o’ndirislik kompleksler tu’siniginin’ tiykarın salıwshılar.
   
2. 
   Ne sebepten AO’K-ler ekonomikalıq ta’repten na’tiyjeli esaplanadı.
   
3. 
   AO’K-ler ha’m energiya o’ndiriw tsiklleri arasındag’ı o’zgeshelikler nelerden ibarat.
   
4. 
   Respublikamızda ju’zege kelgen AO’K-lerge sıpatlama berin’.
   
5. 
   Ne sebepten burıng’ı awqam da’wirinde AO’K-ler ideyası u’lken na’tiyje bermegen.
   

TA’BIYIY SHARAYATTIN’ SANAATTIN’ JAYLASIWI HA’M RAWAJLANIWINA TA’SIRI
Reje:
1. Sanaattqa territoriyanın’ ta’siri.
2. Sanaatqa paydalı qazılma baylıqtın’ ta’siri.
3. Sanaatqa klimattın’ ta’siri
Sanaattqa territoriyanın’ ta’siri. O’ndiristin’ jaylasıwı ha’m rawajlanıwına geografiyalıq qorshag’an ortalıq u’lken ta’sir etip, ta’biyg’ıy sharayatlardı (relef, klimat, ta’biyiy suwlardı, o’simliklerdi h.t.b.) ha’m ja’miyettin’ o’ndiris qatnasıqları na’tiyjesinde payda bolg’an jag’daylardı (xalıqtın’ bir orıng’a toplanıwı, qala ha’m elatli punktlerdın’ payda bolıwı, o’ndiris ka’rxanaları, jollar, ta’biyattı rekultivaciyalaw, suw saqlag’ıshlardı qurıw ha’m t.b.) tu’sinemiz. Geografiyalıq (ta’biyiy) ortanıqtin’ bul keyingi elementleri ekonomikalıq sharayatlar dep atalıp, bular sanaattın’ rawajlanıwı ha’m jaylasıwına ayırım waqıtları ta’biyg’ıy jag’daylarg’a qarag’anda ko’birek ta’sir etedi.
Ta’biyg’ıy sharayatlar o’ndiristin’ ha’r qıylı tarawlarına birgelikli ta’sir etpeydi. Al onın’ elementleri ha’r ta’repleme tu’sirin tiygiziwi mu’mkin.
Sanaattı jaylastırıwg’a territoriya u’lken ta’sir etedi. Eger diyxanshılıqta jer tiykarinan tiykarg’ı o’ndiris quralı retinde qatnassa, al sanaatta jer o’ndiris protsesinde jaylasqan orin retinde xızmet etedi. Degen menen ha’zirgi zamang’ı iri mashina qurilisi, metallurgiya sanaatı karxanalari onlag’an km² territoriyanı iyelep, olardın’ ayırım tsexların, o’ndiris maydanshalarin jaylastırıwg’a qolaylı relef forması qurılıstı arzanlastırıwg’a, ekspluatatsiyalaw da’wirin qısqartıwg’a ja’rdem beredi. Sonlıqtanda qurılıs ka’rxanasın qurıwda onı jaylastıriwda relef formasın tan’lap alıw ju’da’ a’hmiyetli.