III FƏSİL. MÜASİR DÖVRDƏ MALİYYƏ MENECMENTİNİN
ALƏTLƏRİNİN TƏKMİLLƏŞDİRİLMƏSİNİN ZƏRURİLİYİ VƏ
ƏHƏMİYYƏTİ
3.1. Müəssisə maliyyəsinin idarə olunmasında istifadə edilən alətlərin
təkmilləşdirilməsi
Müəssisələrdə maliyyənin idarəolunması – dinamik sistemdir, daima inkişaf
edir və təkmilləşir. Maliyyənin idarəolunması sisteminin fəaliyyəti konkret tarixi
və iqtisadi şəraitə uyğunlaşmasından asılıdır. Maliyyənin idarəolunma sisteminə
eyni zamanda mövcud təsərrüfat subyektinin xüsusiyyətləri də təsir göstərir. Qeyd
etmək lazımdır ki, hər hansı bir müəssisənin maliyyə fəaliyyətinin
idarəolunmasında yüksək nətigələri aşağıdakı hallarda əldə etmək olar:
- dünya təcrübəsində təsdiq olunmuş vacib qaydalar gözlənilsin;
- maliyyə stimullarının aktivləşməsinə təsir göstərən mütərəqqi metod və
formalardan istifadə edilsin.
Maliyyə menecmentinin və onun alətlərinin inkişafı cəmiyyətin, idarə etmə
metodlarının,
maliyyənin,
iqtisadiyyatın,
texnikanın,
pulun,
beynəlxalq
inteqrasiyanın və s. inkişafı ilə sıx qarşılıqlı əlaqədadır.
Müəssisə maliyyəsinin idarəolunmasının kompleks sistemi ilkin mərhələdə
istehsal proseslərinin arası kəsilmədən fəaliyyətinin maliyyə təminatının təşkil
olunmasına və bütün maliyyə resurslarından səmərəli istifadə etməklə fəaliyyətin
son nəticələrinin müsbət olmasına yönəldilir. Lakin sonralar isə maliyyə
menecmentinin fəaliyyəti daha yaxşı (çox vaxt riskli) maliyyə əməliyyatlarının
aparılmasına, investisiya qoyuluşlarına, mənfəətin maksimumlaşmasına və
kapitalın artmasına yönəldilirdi. Alimlər tərəfindən müəssisələrdə
maliyyə
menecmentinin idarəetmə funksiyalarının genişləndirilməsi məqsədi ilə bir sıra
fikirlər irəli sürülürdü ki, onlardan da aşağıdakıları qeyd etmək olar:
- müəssisənin aktivlərinin qiymətləndirilməsi metodlarının təkmilləşdirilməsi;
- müəssisədə pul resurslarından səmərəli istifadə etmək üçün dövriyyə
vəsaitinin idarəolunması sisteminin təkmilləşdirilməsi;
- maliyyə bazarının (fond birjasının) yeni alətlərinin tətbiqi (məsələn, opsion);
66
- təsərrüfat subyektlərinin maliyyələşdirilməsi və kreditləşdirilməsinin yeni
metod və formalarının tətbiqi;
- kapitalın sərfərbərliyə alınması və onun xərclənməsi sisteminin yeni
formaları və metodlarının tətbiqi;
- müəssisələrin risklərdən sığortalanması üsullarının yeniləşdirilməsi;
- sair.
Demək olar ki, maliyyə institutlarının və onların xidmətlərinin formalarının
genişlənməsi, proqnozlaşma, planlaşma, hesablaşmalar və təhlilin metodlarının
daha təkmilləşməsi təsərrüfat subyektlərində maliyyə fəaliyyətinin idarəolunması
sisteminə də köklü təsir göstərdi. Sərbəst təsərrüfat vahidlərinin mənafeyi və
maraqları bazar münasibətləri şəraitində passiv maliyyə işinin qeydiyyatından,
gəlir və xərclər üzərində müşahidədən müəssisənin təsərrüfat-istehsal fəaliyyətinin
bütün istiqamətlərinə aktiv müdaxiləyə keçmək və hər bir əməliyyatdan müsbət
maliyyə nəticəsi almağa yönəldi. Eyni zamanda, müəssisənin iqtisadi potensialına,
kapitalın idarəolunmasına səmərəli maliyyə əməliyyatlarını aparmaqla köklü təsir
etmək imkanları da gücləndi.
Beləliklə, bazar münasibətləri şəraitində müəssisənin təsərrüfat fəaliyyətinə
maliyyə vasitələrinin təsirinin gücləndirilməsi təsərrüfat subyektinin ümumi
idarəolunması sistemində maliyyə menecmentinin yerini dəyişdirdi və
əhəmiyyətini yüksəltdi.
«Maliyyə menecmenti» iki ingilis sözü olmaqla (Financial Management»)
onun dəqiq tərcüməsi maliyyənin idarəolunması deməkdir. Onlardan biri –
menecmentin mövcud prosesin xarakterini açır, yəni «idarəetmə» deməkdir, lakin
ikinci söz isə – yəni «maliyyə» - idarəetmənin təsir obyektini göstərir. Qeyd
olunanlar menecmentin xarici görünüşünü ifadə edir, lakin onun mahiyyəti isə çox
mürəkkəbdir. Maliyyə menecmentinin fəaliyyət mexanizminin təyinatını başa
düşmək üçün mütləq təsərrüfat subyektinin idarəolunması sistemində onun yerini,
spesifikliyini, vəzifələri və xarakterik xüsusiyyətlərini müəyyən etmək lazımdır.
Məlumdur ki, maliyyə menecmenti müəssisənin ümumi idarəetmə sisteminin
ayrılmaz tərkib hissəsidir. Menecmentə müəssisənin fəaliyyətini effektiv
67
tənzimləyən kompleks sistem kimi baxmaq olar. Bu sistem, müəyyən olunmuş
qaydalara, səmərəli qərarların qəbul edilməsi və realizasiyası üçün qoyulmuş
vəzifələrə uyğun maliyyə fəaliyyətini idarə etməlidir.
İdarəetmə sisteminin lazımi nəticəsi o zaman əldə edilir ki, o, sistemlidir,
elastikdir və kompleksdir. Sistemlilik və komplekslik – menecmentin məcburi
keyfiyyətidir.
Onu da qeyd etmək lazımdır ki, menecmentin yüksək səmərəliliyini təmin
edən ən vacib amilini –
Dostları ilə paylaş: |