8
Təlimat
Təlimat
Ümumi Məlumat
Oracle Book Manager (OBM) KES Nəşrlərinin «Oracle SQL və Verilənlər
Bazasının Modelləşdirilməsi. 250 Məsələ, 400 Həll» kitabında verilən
məsələləri işləmək üçün yaradılmış sistemdir. Kitabda təqdim edilən
məsələləri işləmək üçün əvvəlcə kitabı qeydiyyatdan keçirmək lazımdır.
Kitabı qeydiyyatdan keçirməklə OBM sistemində hesab əldə edəcəksiniz.
OBM hesabla 10 şirkət və təşkilatın stabil Oracle verilənlər bazasına və
hər bir oxucu üçün ayrılmış dinamik fərdi bazaya qoşulmaq mümkündür.
Dinamik fərdi baza ilə kitabın hər bir orijinal oxucusuna 10 MB yer ayrılır.
OBM Lisenziya Müqaviləsi
Menyu sətrinin "Məlumat" bəndində "Lisenziya" alt menyusuna klik
edin. Lisenziya müqaviləsində kitabın uğurlu qeydiyyatı üçün şərtlər
və məlumat məxfiliyi haqqında öhdəliklər qeyd edilmişdir. Lisenziya
müqaviləsi ilə diqqətlə tanış olun. Kitabın uğurlu qeydiyyatı üçün
müqavilənin təsdiqi tələb olunur.
OBM Sisteminin Quraşdırılması
Oracle Book Manager proqramının qrafik istifadəçi interfeysi Java 1.8 ilə
yaradılmışdır. Proqramı Java mühiti olan (JRE 1.8.x və ya yuxarı versiya)
istənilən əməliyyat sistemində işlətmək mümkündür.
> Kompüterinizin əməliyyat sisteminə uyğun Java mühitini buradan
endirə bilərsiniz:
www.oracle.com/technetwork/java/javase/downloads/jre8-
downloads-2133155.html
> Java mühitinin quraşdırılma qaydası:
www.oracle.com/javase/8/docs/technotes/guides/install/install_
overview.html
OBM sistemi Oracle 11g və 12c ilə test edilmişdir. Hazırda sistem Oracle
XE 11.2.0.2.0 versiyası ilə işləyir. Windows əməliyyat sistemində işləyən
oxucular CD-dən JRE 1.8 mühitini əldə edə bilərlər. Java mühitinin
9
Təlimat
Windows platformasında quraşdırılması qaydası CD-də qeyd edilmişdir.
Kitabın Qeydiyyatı
OBM proqramı açıldıqdan sonra menyu siyahısından "Qeydiyyat" bəndini
seçin. Qeydiyyat formasında ulduz (*) ilə qeyd edilən vacib sahələri daxil
edin. Vacib olmayan sahələr kitab oxucularının statistikası üçün nəzərdə
tutulmuşdur. Qeydiyyat zamanı tələb olunan unikal kod əldə etdiyiniz
kitabda verilmişdir. Nəzərə alın ki, unikal kod yalnız və yalnız kitabı
əldə etdiyiniz andan etibarən 24 saat müddətində aktiv edilir. Hər bir
orijinal kitab bir unikal kodla nəşr edilmişdir. Bir unikal kodla yalnız bir
orijinal kitab qeydiyyatdan keçirmək mümkündür. Kitab yalnız bir dəfə
qeydiyyatdan keçirilir. Eyni bir unikal kodla kitabı təkrar qeydiyyatdan
keçirmək mümkün deyil.
OBM Hesabı
Kitabı uğurla qeydiyyatdan keçirdikdən sonra OBM hesabınıza daxil
ola bilərsiniz. Əsas proqramda qeydiyyat zamanı daxil etdiyiniz email
və ya kitabınızın unikal kodu ilə şifrənizi daxil etməklə hesabınıza keçə
bilərsiniz. Sistemə uğurlu daxil olduqdan sonra menyu sətrində "VB"
(verilənlər bazası) bəndini açın. Buradan işləmək istədiyiniz Oracle
bazanı seçə bilərsiniz. "Stabil" alt menyusunda kitabda verilən şirkət
və təşkilatlara aid bazalar saxlanılmışdır. Stabil bazalarla yalnız və yalnız
SELECT əməliyyatları etmək mümkündür. Əgər siz cədvəl yaratmaq
(CREATE TABLE...), cədvələ məlumat yazmaq (INSERT INTO...), cədvəldən
məlumat silmək (DELETE FROM...), cədvəli silmək (DROP TABLE…) və digər
SQL kodları icra etmək istəsəniz, o zaman "Dinamik" alt menyusundan
"Fərdi Oracle Sxemim" bazasını seçməyiniz kifayətdir. Seçdiyiniz bazanın
strukturunu görmək üçün alətlər panelində "Sxemi Göstər" (Alt+S) əmrini
işə salmaq lazımdır. Əgər sizi hər hansı bir cədvəlin və ya görünüşün
strukturu, məsələn, sütun tipi, sütun nömrəsi və s. maraqlandırarsa, o
zaman alətlər panelində verilmiş mətn sahəsinə qoşulduğunuz bazada
mövcud olan cədvəl və ya görünüşün adı daxil edilməli və "Cədvəl və ya
Görünüşün Strukturunu Göstər" (Alt+A) düyməsi klik edilməlidir. Stabil
bazalarla işləməmişdən əvvəl tövsiyə olunur ki, bazanın kitabda verilən
mətn təsviri, ER diaqram və SQL DDL strukturu ilə yaxşı tanış olasınız.
Bir hesabla eyni zamanda yalnız bir istifadəçi – orijinal kitabın sahibi
Oracle Book Manager sisteminə daxil ola bilər. İkinci və növbəti paralel
10
Təlimat
sessiyalar məhdudlaşdırılmışdır və lisenziya şərtləri daxilində OBM server
avtomatik müşahidə edir. OBM lisenziya şərtləri ilə hesab məlumatlarının
paylaşılmasına icazə verilmir.
Əlavə Proqramlar
Kitabdakı məsələləri işləmək üçün OBM-dən başqa heç bir sistem tələb
olunmur. Amma verilən məsələləri daha zövqlü və gözlənilən formada
həll etmək üçün 2 əlavə proqram məsləhət görülür:
> Kitabda verilənlər bazasının modelləşdirilməsinə aid olan məsələləri
işləmək üçün ER diaqramları dəstəkləyən proqramlardan istifadə edə
bilərsiniz. Kitabdakı ER diaqramlar Dia (www.dia-installer.de) sistemi ilə
modelləşdirilmişdir. Alternativ olaraq yEd, MS Visio və s. sistemlərdən də
istifadə edə bilərsiniz.
> CD-də olan həll fayllarını hər hansı bir redaktor proqramının köməyilə
açmaq mümkündür. Kitabdakı həllər Notepad++ (www.notepad-
plus-plus.org) proqramından istifadə edilməklə hazırlanmışdır. Buna
baxmayaraq SQL faylları kompüterinizdə olan hər hansı bir sadə redaktor
proqramı ilə də aça bilərsiniz. Məsələn, Windows platformasında
Notepad proqramı ilə.
CD Həllərin İşlədilməsi
OBM hesaba daxil olduqdan sonra işləyəcəyiniz şirkət və ya təşkilatın
bazasını seçin. Bu zaman aktiv proqram pəncərəsinin başlığında
qoşulduğunuz bazanın adını görəcəksiniz. Alətlər panelindən "Sxemi
Göstər" əmri ilə qoşulduğunuz bazanın obyektləri ilə tanış olun. Kitabda
verilən məsələnin həllini "SQL İş Sahəsi" bölməsinə yazın və sorğunu icra
edin (Alt+Enter). Məsələnin təklif olunan həllərini kitabla birlikdə əldə
etdiyiniz CD-nin uyğun qovluğundan əldə edə bilərsiniz. Düzgün cavabları
icra etməklə öz həllinizin doğru olub-olmadığını yoxlaya bilərsiniz.
OBM-in SQL iş sahəsi kursor ilə seçilmiş mətnin icra olunmasını da
dəstəkləyir. Bunun üçün icra edəcəyiniz sorğunu nişanlayıb alətlər
panelindən "İcra Et" (Alt+Enter) əmrini işə salmaq lazımdır.
CD-dəki həll fayllarına aşağıdakı konvensiya ilə ad verilmişdir:
<şirkət və ya təşkilatın adı>_[_]
[a].sql