Oʻzbekiston Respublikasi Xalq ta’limi vazirligi

Maqsad. Psixologik noqulaylikni, tajovuzni yoʻq qilish, boshqa odamning
qarashlarini tushunish va hisobga olish koʻnikmasini shakllantirish,
salbiy his-tuygʻularning xavfsiz namoyon boʻlishi.
Oʻyin bayoni. Bolalarni ajoyib til haqida ayting, unda siz oʻzingiz
xohlagan narsani – yomonni ham, yaxshi narsani ham aytishingiz,
urushishingiz va yarashishingiz mumkin. Ushbu til "jeberish" deb
nomlanadi. Har kim buni juda oson oʻrganishi mumkin.
Koʻrsatma. “Jeberish”da gaplashishga oʻrgating: "Bilaman, biz hozir
janjallashib qoldik va sen oʻz his-tuygʻularingni bosib turishga harakat
qilyapsan. Men ham. Kel, ularni hamma-hammasini aytish mumkin boʻlgan
yashirin tilda ifodalashga harakat qilaylik! Yomonini ham, yaxshisini ham.
Keyin esa yarashamiz! Bu tilni oʻrganish juda oson – shunchaki xayolotni yoq!
Buni qanday qilayotganimni koʻr: “Xarr! YA-ya-ya-ya! Kuzdra-shuzdra! Tratt!
Tratt! Tratt! Durrr! Murrr! Furrr!.

“Ajdaho hayqirigʻi”
Maqsad. Psixologik noqulaylikni, tajovuzni bartaraf etish, salbiy histuygʻularni xavfsiz namoyon qilish.
Oʻyin bayoni. “Jeberish”ga oʻxshash, ammo yashirin til sifatida gʻazablangan
ajdaho tovushlaridan foydalaning. "Dargʻazablikni boʻkirib chiqarish"
uchun bir-biringizga baqirib soʻzlang.
Koʻrsatma. “Hozir biz sizlar bilan olov bilan nafas oladigan ajdahoga oʻxshaymiz! Urushdik, toʻpolon qildik yoki janjallashdik. Nima qilishimiz kerak? Mana nima: bu haqda gapiring. Ammo gapirganimiz kabi emas, balki ajdaho kabi. Kelinglar, baqiramiz.
Boshlaysanmi?

“Sukunatni tinglaymiz”

Maqsad. Tinglash qobiliyatini rivojlantirish, kuzatuvchanlikni mashq
qilish.
Oʻyin qoidalari. Ishtirokchilar aylanada qulay joylashib oladilar,
koʻzlarini yumadilar va "sukunatni tinglaydilar". Iloji boricha koʻp
turli-tuman tovushlarni eshitishga harakat qilishingiz kerak. Keyin
bolalar koʻzlarini ochadilar va eshitganlari bilan boʻlishadilar.
Koʻrsatma. "Qulayroq oʻtirib oling, koʻzingizni yuming va sizning
atrofingizdagi nimalar sodir boʻlayotganini tinglang, gaplashmaslikka va
shovqin solmaslikka harakat qiling. Qachonki boshlovchi (kim boshlovchi
boʻlishni istaydi?) aytganida sekin koʻzingizni oching. Va biz sukunatda
kim nimalarni eshitganligi haqida gaplashamiz".