Oriental Renaissance: Innovative, educational, natural and social sciences volume 1

Oriental Renaissance: Innovative, 
educational, natural and social sciences 

VOLUME 1 | ISSUE 5 
ISSN 2181-1784 
Scientific Journal Impact Factor SJIF 2021: 5.423 
348
w
www.oriens.uz
June 
2021


KIRISH 
Innovatsion rivojlanish va iqtisodiyot sohasida bir qancha olamshumul
o‘zgarishlar amalga oshirilayotgan bir davrda raqamli iqtisodiyot va u bilan bog‘liq
bo‘lgan bir qancha ilg‘or raqamli texnologiyalar kundalik hayotimizga shiddat bilan
kirib kelmoqda. Respublikamiz rahbariyati busohada bir qancha muhim qarorlarni
qabul qildi hamda joriy yilni “Faol investisiyalar va ijtimoiy rivojlanish yili” deb
ataldi. Prezidentimiy 2018 yil 28 dekabrdagi Oliy Majlisga Murojaatnomasida
mamlakatimizda raqamli iqtisodning rivojlanishi bo‘yicha quyidagi fikrlarini aytib
o‘tdi: “Iqtisodiyotning barcha sohalarini raqamli texnologiyalar asosida
yangilanishini ko‘zda tutadigan “Raqamli iqtisodiyot milliy kontseptsitasi”ni ishlab
chiqishimiz kerak. Shu asosda “Raqamli O‘zbekiston-2030” dasturini hayotga tadbiq
etishimiz zarur. Raqamli iqtisodiyot yalpi ichki mahsulotni kamida 30 foizga
o‘stirish, korruptsiyani keskin kamaytirish imkonini beradi. Nufuzli halqaro
tashkilotlar o‘tkazgan tahlillar ham buni tasdiqlamoqda. Shuning uchun Hukumatga
ikki oy muddatda raqamli iqtisodiyotga o‘tish bo‘yicha “yo‘l haritasi”ni ishlab
chiqish topshiriladi. Bu borada axborot havfsizligini ta’minlashga alohida e’tibor
qaratish zarur”.
Bu ko‘rsatmalarning ahamiyatini ta’kiglagan holda, aytishimiz mumkinki,
postindustrial yoki information jamiyatga hizmatlar sektori mamlakat yalpi milliy
daromadning 60% dan ortig‘ini tashkil qiladigan davlatlar kiradi hamda ularda
dasturiy ta’minot ishlab chiqarish bilan band bo‘lgan tarmorlarda moliyalashtirish
keyingi o‘ttiz yil davomida 130 martadan ko‘proq ortdi. Informatsion
innovatsiyalarning tarkib toptirish uchun dunyo miqyosida faoliyat ko‘rsatuvchi
global kompaniyalarda rivojlanish goyasi juda ham oddiydir – yangi progressiv
imformatsion texnologiyalar biznes masalalarini hamda tijorat muammolarini hal
qilib beradilar va information tizimlarning har bir yangi avlodi bir qancha yangi
Innovasion hizmatlarning vujudga kelishiga va yanada rivojlanishiga sabab bo‘ladi.