çıxış etməsi ideyası orta əsrlər Fransa inqilabı dövrlərindən
gəlir. O zaman bu ideya başlıca olaraq mütləqiyyətə qarşı
yönəlmişdi və mütləqiyyətin hakimiyyətə olan hüdudsuz
imkanlarını qəbul etmirdi. Bu nəzəriyyənin ifrat forması
J.J.Russonun əsərlərində öz əksini tapır. Onun fikrincə, xalq
özü ona məxsus hakimiyyəti realizə etməlidir. Bunun üçün
seçkili şuralar təşkil olunmalı və onlar da hakimiyyəti həyata
keçirməlidirlər. Xalq hakimiyyətinin aliliyini qəbul edən
Russo bu səbəbdən də onun təcəssümü olan qanunverici
orqan üzərində icra hakimiyyətinin nəzarətini heç cür qəbul
etmirdi və belə düşünürdü ki, qanunverici hakimiyyət bütün
digər hakimiyyət orqanlarından yüksəkdə duraraq onları
idarə etməlidir. Müasir dövrdə demokratiyanın məhək daşı
sayılan bu müddəa kifayət qədər mücərrəd və ümumi
olduğundan, onun realizəsi üçün bir sıra digər normaların,
təşkilati mexanizmlə- rin müəyyən edilməsi lazım gəlir.
Xalqın hakimiyyətin mənbəyi olmasını qəbul edən
nəzəriyyəyə görə, xalq öz hakimiyyətini özü bilavasitə
realizə etmir. Bunun üçün seçkilər vasitəsilə xalq dövlət
hakimiyyətini təsis edir. Dövlət hakimiyyəti xalqdan
qaynaqlandığından xalqın adından həyata keçirilir. Xalq öz
hakimiyyətini seçkilər vasitəsilə təşkil edir və hakimiyyətin
həyata keçirilməsi hüququnu dövlətə verir.
Azərbaycanda «xalq» anlayışı Konstitusiyanın 1-ci
maddəsinin II hissəsində əks olunmuşdur. Burada göstərilir
ki, «Azərbaycan xalqı Azərbaycan Respublikası ərazisində
və ondan kənarda yaşayan, Azərbaycan dövlətinə və onun
qanunlanna tabe sayılan Azərbaycan Respublikasının
vətəndaşlarından ibarətdir». Göründüyü kimi, xalq anlayışı
ilə vətəndaşların məcmusu üst-üstə düşür. Bu ondan irəli gəlir
ki, hüquqda etnik, demoqrafik və digər əla
— 70 —
mətlər əsasında xalq müəyyən edilə bilməz. Bundan başqa,
xalqın
bu
əlamətlər
əsasında
müəyyənləşdirilməsi
diskriminasiya demək olardı və hüquqi anlayışlara uyğun
gəlməzdi. Xalqı təşkil edən vətəndaşlar eyni zamanda hüquqi
kateqoriyadır. Hüquq etnik mənsubiyyətə münasibətdə
neytraldır, əks təqdirdə milliyətə görə diskriminasiya- dan
söhbət gedə bilər. Lakin vətəndaşa münasibətdə hüquq
neytral deyil və bu baxımdan xalq hüquqi mənada
vətəndaşların məcmusudur.
Konstitusiyada xalqın öz hakimiyyətini realizə etməsinin
ən əsas yolu kimi referendum müəyyənləşdirilir.
Referendumda xalq bilavasitə hüququn subyekti kimi, həm
də hakimiyyətə malik subyekti kimi öz hüququnu realizə edir.
Xalqın suverenliyinin məzmunu Azərbaycan Respublikası
Konstitusiyasının 2-ci
maddəsində
müəyyənləşdirilir
(suverenlik termini alman dilində olan “Souveränität”
sözündən olub tərcüməsi “ali hakimiyyəf’ deməkdir). Bu,
sərbəst və müstəqil şəkildə öz müqəddəratını həll etmə və öz
idarəçilik formasını təyin etmə hüququdur. Suverenlik xalqa
məxsus olan istisnasız, onun üstünlüyündən irəli gələn bir
hüquqdur. Suverenlik ilk vaxtlar J.Boden tərəfindən, qəribə
də olsa, kral mütləqiyyətinin əsaslandırılması üçün istifadə
olunmuş nəzəriyyədir. Suverenlik xalqın üstün mövqeyi ilə -
onun hakimiyyət mənbəyi olması ilə şərtlənir. Ona görə də o
öz hakimiyyətinin təşkili formasını özü müstəqil müəyyən
edir. Xalqın bu cür əhəmiyyətli olan ən əsas hüququnu heç bir
orqan onun adından həll etmək imkanına malik deyildir. Xalq
iradəsinin belə vacib məsələdə təhrif edilməməsi üçün bu
məsələnin həllində bütün xalq iştirak etməlidir. Odur ki,
suverenlik hüququnun yeganə birbaşa realizə yolu
referendumdur. Referendum bütün xalqın öz iradəsini birbaşa
tə
— 71 —
zahür etdinnəsinə imkan verən üsuldur. Referendumda
müxtəlif məsələlər həll oluna bilər. Lakin Azərbaycan
Respublikasında aşağıdakı məsələlər yalnız referendum yolu
ilə həyata keçirilə bilər:
1)
Azərbaycan Respublikası Konstitusiyanın qəbul
olunması və dəyişikliklər edilməsi;
2)
Azərbaycan Respublikasının dövlət sərhədlərinin
dəyişdirilməsi.
Konstitusiyanı qəbul etməklə xalq, hakimiyyəti
təşkilatlandırır, yəni suverenlik hüququnu həyata keçirir.
Sərhədləri dəyişdirməklə həmçinin xalq, dövlətinin taleyinə
həlledici təsir göstərə bilər, yeni ərazilər ala və verə bilər.
Xalqın təmsil olunması da xüsusi əhəmiyyətə malikdir. İş
burasındadır ki, xalqı təmsil etmək, hakimiyyəti həyata
keçirmək deməkdir və aydındır ki, xalq öz hakimiyyətinin
kimlər tərəfindən və necə həyata keçirilməsində maraqlıdır.
Buna görə də Konstitusiyada birbaşa müəyyən edilir ki,
xalqın seçdiyi səlahiyyətli nümayəndələrindən başqa, heç
kəsin xalqı təmsil etmək, xalqın adından danışmaq və xalqın
adından müraciət etmək hüququ yoxdur (Azərbaycan
Respublikası Konstitusiyasının 4-cü maddəsi). Xalq adından
danışmaq səlahiyyətinə birbaşa xalqdan mandat alan vəzifəli
şəxslər malikdir (prezident, deputat). Hər hansı bir başqa
şəkildə kimsəyə xalq adından danışmaq səlahiyyəti verilmir.
Xalqın hakimiyyətini həyata keçirən xüsusi təşkilati
institutlardan biri qanunverici orqan - parlamentdir. O,
bilavasitə xalq tərəfindən seçilir. Bu yolla cəmiyyətdəki
bütün maraq və mənafeləri təmsil edən insanların
parlamentdə təmsil olunması mümkün olur. Parlament
cəmiyyətin, xalqın kiçik modelidir. Xalqın iradəsini qanun
şəklinə salıb, onun hakimiyyətini həyata keçirmək
parlamentə həvalə edilmişdir.
— 72 —
Dostları ilə paylaş: |