349
Eqoist intihar.
Sosial inteqrasiyanın zəif olduğu cəmiyyət daha çox kollektivdə,
yaxud qrupda rast gəlinir. İnteqrasiyanın yetərsizliyi frdlər arasında
sosial həyatın mənasızlığı ilə bağlı hiss və şüura güclü təsir edir.
Adamlar daha çox özləri haqda düşünür,
cəmiyyət və hakim mühitin
təyin etdiyi sosial normalara laqeyd olur. Əksinə, kollektiv şüurun güclü
olduğu cəmiyyətdə eqoist intiharın genişlənməsi və artımının qarşısı
alınır. Öz həyatlarının mənası ilə bağlı fərdlərin təsəvvürləri genişlənir.
Sosial bağlar zəiflənəndə, insanlar kollektiv şüuru səfərbər edir.
Kollektiv şüurun zəif olduğu iri miqyaslı sosial strukturlarda fərdlər arzu
və meyllərinə uyğun olaraq daha çox şəxsi maraqlarını güdür. Bu cür
qeyri-məhdud eqoizmin şəxsi narazılıqla nəticələnmə ehtimalı
böyükdür, zira bütün şəxsi tələb və istəklərin yerinə yetirilməsi
mümkünsüzdür. Hətta bu və
ya digər tələb yerinə yetərsə, yeniləri
meydana gəlir. Son nəticədə, tələblərin hamısını ödəyə bilməmək
fərdlərdə narazılıq yaradır. Axırıncı hal bəzilərini
intihar etməyə sövq
etdirir. Kollektiv şüurun ―agentləri‖ kimi, güclü inteqrasiya edilmiş ailə,
dini qrup və cəmiyyət intiharın qarşısını almağa qadirdir. Xüsusilə, din
və dini icma son dərəcə pozitiv sosial amillərlə zəngindir. Dürkheymə
görə, eqoist intiharın təhlili belə bir faktı təsdiqləyir ki,
hətta ən
fərdiyyətçi və şəxsi davranışlarda belə sosial faktlar əsas təyinedici
amillərdir.
Alturist intihar.
Əgər eqoist intihar sosial inteqrasiyanın daha çox zəif olduğu
hallarda baş verirsə, alturist, əksinə, sosial inteqrasiya daha güclü olanda
baş verir. Dürkheym iki cür misal göstərir: birincisinə arxaik
cəmiyyətlərdə tez-tez rast gəlinir. Burada kollektivçilik alturist intiharı
tələb edir. Hindistanda ərinin cənazəsini yandırmaq
mərasimində dul
arvad özünü könüllü surətdə tonqala atmaq istəyir. Həmin misal intharın
ifrat fərdiyyətçilik zəminində deyil, əksinə, fərdin qrup daxilində
―ərindiyini‖ göstərir; sosial
imperativlərə müvafiq olaraq, fərd ölümü
seçir. Müasir dillə desək, arxaik fərd yaşamaq hüququndan könüllü
imtina edir. Eyni ilə kapitan gəmi heyətinin itgisinə dözmür və alturist
intiharı seçir. Bu cür fərdlər
özünüqoruma instinktinə deyil, sosial
qrupun əmr və sərəncamlarına tabe olur. Qəhrəmanlıq yaxud dini intihar
350
nümunələrindən əlavə, Dürkheym dövrünün statistik faktları içərisində
müasir örnəkləri tapır. Peşəkar ordu sıralarında əsgərlər eyni yaşdan olan
mülki əhali ilə müqayisədə daha çox intihara meyllidir. Lakin, intiharın
bu iki növünü yalnız sosial inteqrasiya (aşağı, yaxud yüksək) baxımdan
şərh etmək doğru olmazdı. Nə zəif, nə də ki yüksək inteqrasiya dərəcəsi,
müvafiq olaraq, eqoist və alturist intiharın bilavasitə səbəbləri deyildir.
Əksinə, müxtəlif dərəcəli inteqrasiya fərqli sosial axın və motivləri
törədir. Bu axırıncılar intiharın sürətinə və faizinə öz təsirini göstərir.
Ona görə də, Dürkheym eqoist və alturist intiharın
faizinin yüksək
olmasının səbəbini melanxolik sosial impulsda, yaxud axınında görürdü.
Əgər eqoist intiharın yüksək faizi ―sağalmaz narahatçılıq hissindən və
ruhu sıxıntıdan‖ qidalanırsa, alturist intiharın ehtimal olunan artımı
―ümiddən yaranır, zira o, indiki həyatdan kənarda mövcud olan xoşbəxt
gələcəyə inamdan asılıdır‖.
Dostları ilə paylaş: