Mistoqsijiet Parlamentari Seduta Nru. 430 It-Tnejn, 24 ta' Ottubru, 2016 fis-6: 00 p m. Mistoqsijiet għal tweġibiet orali kunsilli lokali – GĦajnuna għal ħasil ta’ toroq u promenades fis-sajf

Seduta 430

24/10/2016

SPTAR MATER DEI – FERITI KKAĠUNATI MINN ARMI TAN-NAR
27244. L-ONOR. LUCIANO BUSUTTIL staqsa lill- Ministru għas-Saħħa: Jista' l-Ministru jgħid kemm iddaħħlu nies fl-Isptar Mater Dei jsofru minn feriti kkaġunati minn armi tan-nar, bejn l-2006 u d-data li fiha tkun imwieġba din il-mistoqsija?
04/08/2016
ONOR. CHRIS FEARNE: Ninforma lill-Onorevoli Interpellant li n-numru ta’ nies li ddaħlu l-Isptar San Luqa u l-Isptar Mater Dei bejn l-2006 u Settembru tal-2016 jsofru minn feriti kkaġunati minn armi tan-nar jammontaw għal 75.

Dan l-ammont jinkludi ukoll dawk il-pazjenti li ġew mill-Libja sabiex jieħdu l-kura għal-feriti ikkaġunati minn armi tan-nar, fl-isptar Mater Dei.

Seduta 430

24/10/2016

PERSUNI BI DRUG ADDICTION – TWELID TA’ TRABI
27245. L-ONOR. LUCIANO BUSUTTIL staqsa lill- Ministru għas-Saħħa: Jista' l-Ministru jgħid kemm twieldu trabi minn ommijiet li kienu qed isofru minn drug addiction bejn l-2006 u din is-sena, sad-data li fiha tkun imwieġba din il-mistoqsija, sena b’sena b’mod separat, u x'età kellhom l-ommijiet?
04/08/2016
ONOR. CHRIS FEARNE: Ninforma lill-Onorevoli Interpellant illi bejn l-2006 u l-2015 twieldu 197 il-tarbija minn ommijiet li ġew irraportati li sofrew minn xi forma ta’ illegal drug addiction waqt it-tqala. It-tabella t’ hawn taħt turi d-dettalji sena b’sena u skont l-età tal-omm.

Eta’	2006	2007	2008	2009	2010	2011	2012	2013	2014	2015	Total
10-14	0	0	2	0	0	0	0	0	0	0	2
15-19	0	5	7	5	1	0	0	0	1	1	20
20-24	4	5	8	7	4	9	3	6	3	2	51
25-29	3	4	6	6	6	10	10	5	10	4	64
30-34	2	4	4	3	4	6	4	5	3	6	41
35-39	0	1	0	0	2	0	6	2	2	3	16
40-44	0	0	1	1	0	0	0	1	0	0	3
Total	9	19	28	22	17	25	23	19	19	16	197

Seduta 430

24/10/2016
TRABI LI TWIELDU MEJTA
27246. L-ONOR. LUCIANO BUSUTTIL staqsa lill- Ministru għas-Saħħa: Jista' l-Ministru jgħid kemm kien hemm trabi li twieldu mejta, li mietu wara sebat ijiem ħajja jew li mietu bejn 8 u 28 ġurnata ħajja bejn l-2006 u l-2016, sad-data li fiha tkun imwieġba din il-mistoqsija, sena b’sena b’mod separat?
04/08/2016
ONOR. CHRIS FEARNE: Ninforma lill-Onorevoli Interpellant illi bejn is-sena 2006 u 2015 kien hemm 393 tarbija li twieldet mejta, jew li mietet wara sebat ijiem ħajja jew li mietet bejn 8 u 28 ġurnata. It-tabella t’hawn taħt turi d-dettalji ta’ dawn l-imwiet sena b’sena.

Year	Stillbirths	Deaths up to 7 days	Deaths from 8-28 days
2006	11	4	5
2007	12	17	3
2008	29	21	3
2009	28	14	4
2010	18	16	2
2011	28	19	4
2012	19	17	2
2013	22	15	3
2014	27	15	1
2015	18	12	4
Total	212	150	31