11
yazırdı: “İnsan… təbiəti, ətraf mühiti korlamaqla tamam məhv ola bilər.
Su, hava, torpaq çirklənərsə, bütün canlılar aləmi, təbiətin yaşıllığı və
gözəlliyindən tutmuş heyvanat və insan aləminə qədər hamısı məhv
olmaq təhlükəsi qarşısında qalar. Bu baxımdan laqeydlik üzündən bizim
zəngin və bərəkətli torpağımızın min, on min, yüz min hektarlarla
sahəsinin şorlaşıb, meşəsizləşib sıradan çıxması təkcə alimləri deyil,
hamını düşündürməli, narahat etməlidir. Belə olduqda biz özümüzün xilas
olmağımız naminə, gələcəyimiz naminə, gələcək nəslimizin inkişafı
naminə… torpağımızı hər cür çirkabdan, natəmizlikdən qorumalıyıq.”
Kənd təsərrüfatı elmləri namizədi A.D.Babayevanın torpağı bir canlı
kimi insan orqanizmi ilə obrazlı müqayisəsi də maraq doğurur. O yazır.
“…İnsanlar irqindən, milliyyətindən asılı olaraq müxtəlif olduqları kimi
torpaq da coğrafi yayılma qanunauyğunluqlarından asılı olaraq müxtəlif
cür olur… Torpağa rəng verən, başqa sözlə torpaqda “piqment” rolunu
oynayan onun tərkibində olan müxtəlif birləşmələrdir… qan və limfa
dövranlarını humus və suda həll olmuş üzvi və kimyəvi maddələrin
dövranı kimi qəbul etmək olar. …Torpaqda “ağciyərlər” funksiyasını tor-
pağın məsaməliyi yerinə yetirir. Torpağın məsaməliliyi azaldıqda “tənəf-
füs sistemi” - hava rejimi pozulur. Torpaq da insan kimi xarici təsirlərdən
“xəstələnir”-gücdən düşür, məhsulvermə qabiliyyətini itirir və ya əksinə
“güclü”, “sağlam”-münbit olur… Torpağın suqaldırma, susızdırma qabi-
liyyəti pozulduqda “limfa” sistemi, “qan damarları” kirəcləşir. Yeraltı
qrunt sularının artıq miqdarından asılı olaraq torpağın “böyrəkləri”-ifrazat
sistemi sıradan çıxır və nəticədə torpaqda duzlaşma, şoranlaşma prosesləri
gedir…”
Gənc alimin bu bənzətməsi maraqlıdır, düzgündür və torpağın
doğrudan da canlı orqanizm olduğuna dəyərli yanaşmalardandır.
Torpaq təbii kompleksin tərkib hissəsi kimi, yer məskunlaşdığımız
planetin səthi kimi həyatımızda müstəsna, əvəzsiz əhəmiyyət kəsb
etməklə insanların yaşaması üçün təbii mühit rolunu oynayır. Təbiət
kompleksi bütün zamanlarda cəmiyyətlərə məkan, enerji, maddi nemətlər
mənbəyi olmuşdur. Yer təbii kompleks olub, planetimizin superqlobal
ekosisteminin bir hissəsidir. Yerin özü ekosistem kimi müxtəlif
landşaftlar və ya onların tərkib hissələri kimi təzahür edir. Landşaftlar bir
sıra elementlər məcmusu ilə xarakterizə olunurlar: iqlim, litoqrafiya,
relyef, su, torpaq, bitki, heyvanat aləmi.
Yer-planetdə biosferin tərkib hissəsi kimi bir sıra qanunlarla idarə
12
olunur. İnsan və təbii kompleks arasındakı qarşılıqlı əlaqələri müəy-
yənləşdirən əsas qanunlara minimum, tolerantlıq, faktorların birgə təsiri,
təbii zonallıq və s. kimi qanunları aid etmək olar.
Minimum qanununa görə, təbii kompleksin məhsuldarlığı vacibi
şəraitlərin orta göstəricilərinə görə deyil, minimum göstəriciləri ilə təyin
olunur. Adətən torpaqlardan istifadəyə dair layihələrin hazırlanması
zamanı torpaq xüsusiyyətlərinin orta göstəricilərindən istifadə olunur. Bu,
landşaftlar haqqında təsəvvürləri tarazlaşdırır, onları sadələşdirir ki, onlar
da son nəticədə səhv layihə həllərinin qəbuluna səbəb olurlar.
Faktorların birgə təsiri qanunu landşaftın xüsusiyyətlərinin
təsirinin kompleks şəkildə nəzərə alınmasının zəruriliyini göstərir. Birgə
(ümumiləşmiş) təsir hər bir faktorun ayrıca təsirindən böyükdür. Bu
müddəa torpaqlardan istifadənin təşkilinə bilavasitə aid olmalıdır. Belə ki,
torpaq cəmiyyətdə çoxsahəli əhəmiyyətə malikdir. Təbii faktorlar
kompleksinin təsirinin gücləndirilməsi cəmiyyət üçün həm müsbət, həm
də mənfi xarakterizə oluna bilər. Relyefin və bitki örtüyünün birgə təsiri
su eroziyasının inkişaf səviyyəsini müəyyənləşdirə bilər. Vacibi şərtlərdən
biri də ondan ibarətdir ki, bu zaman gücünə görə eyni olan faktorların
kompleks təsirini və ya digər faktorların zəif təsiri fonunda vahid
dominant faktorun təsirini fərqləndirmək lazımdır. Birinci qarşılıqlı təsir
yalnız kompleksdə öyrənilir, torpağın ayrı-ayrılıqda xüsusiyyətlərinin
təsirinin tədqiqi məqsədəuyğun deyildir. Məsələn, su və külək eroziya-
larının mövcud olduğu zonalarda problemin həllinə kompleks (birgə)
yanaşma olmalıdır. Belə ərazilərdə torpaqdan istifadənin təşkilində bir
növ eroziyaya qarşı mübarizə tədbirlərinin həyata keçirilməsi əlavə xərc-
lərə səbəb olmaqla, bir çox hallarda mənfi nəticələrlə yekunlaşır. Digər
tərəfdən, bir növ eroziyanın dominantlığı şəraitində eroziyanın sistemli
öyrənilməsi tələb olunmur və torpaqdan istifadənin təşkilində yalnız
mövcud olan eroziya növünün neytrallaşdırılması üçün tədbirlər
layihələndirilir.
Tolerantlıq (dözümlülük) qanununa görə müəyyən sərhədlər var
ki, bu sərhədlərdən kənarda verilmiş ekosistem mövcud ola bilməz. Ayrı-
ayrı ekosistemlərin tolerantlıq (dözümlülük) sərhədlərinin müəyyənləş-
dirilməsi və torpaqdan istifadənin təkmilləşdirilməsinə dair müəyyənləş-
dirilmiş tədbirlərin qiymətləndirilməsində onların nəzərə alınması mənfi
nəticələrə səbəb ola biləcək həllərin rədd edilməsinə imkan verər,
landşaftların lazım olan istiqamətdə dəyişilməsini təmin edəcək təsirlərin
13
xarakterini göstərməyə şərait yaratmış olar. Tolerantlıq zonası çərçivə-
sində yer ekosistemi xüsusiyyətlərinin möhkəmliyi ilə fərqlənir. Eko-
sistemin sərhədindən kənarda isə bu xüsusiyyətlər plastik (ahəngdar)
xarakter alır. Məsələn, dəniz səviyyəsindən müəyyən yüksəkliklərə qədər
meşəliklərin mənimsənilməsi meşə zonasının xüsusiyyətlərinin saxlanma-
sına imkan verir, bu hüdudlardan kənarda çılpaq sahələr birbaşa artır və
səhra zonası üçün xarakterik olan mənfi proseslər meydana çıxır, məsələn,
torpaqların külək eroziyası baş verir.
Təbii ehtiyatlardan, o cümlədən torpaqlardan təbii varlıq kimi istifadə
zamanı insanın təbiətə müdaxiləsi insan cəmiyyətinin yaşaması üçün ilkin
və zəruri şərtdir. Amma təbiət də öz növbəsində insanlara öz tələblərini
irəli sürür: təbiətdənistifadədə təbii ehtiyatlar mühafizə edilməli, təbii
mühitin komponentləri arasındakı harmoniya pozulmamalı, cəmiyyətin
tələbatı təbi
ətin imkanları ilə uzlaşdırılmalıdır.
1.2. Torpaq istehsal vasitəsidir
Məlum olduğu kimi, ictimai-siyasi formasiyanın növündən asılı
olmayaraq əmək prosesi üç məqamdan ibarətdir: a) insanın məqsədyönlü
fəaliyyətindən və ya əməyin özündən; b) əmək predmetindən (əməyin
yönəldiyi obyektdən); c) əmək predmetinə təsir etmək üçün lazım olan
əmək alətindən. Deməli, əmək prosesinin baş tutması üçün bunların
mövcudluğu zəruridir: insanın özü, əmək predmeti və əmək aləti. İstehsal
prosesində əmək aləti ilə əmək predmetinin vəhdəti istehsal vasitəsini
əmələ gətirir. Beləliklə, torpaq əmək prosesinin həyata keçirilməsi üçün
vacibi şərtlərdəndir.
İsteһsal prosesində torpaq qarşılıqlı əlaqədə olan üç formada çıxış
edir. 1) Fəza (məkan) bazisi kimi (şəһər və yaşayış məntəqələrinin, zavod
və fabriklərin tikilməsi, yol və körpülərin salınması üçün). 2) Əmək
predmeti kimi (torpağın üst qatını kənd təsərrüfatı bitkilərinin yetişdiril-
məsi üçün yararlı һala salmaqdan ötrü insan əməyi buraya yönəlir). 3)
Əmək aləti kimi (torpağın və ətraf müһitin komponentlərinin təsiri ilə
insan öz fəaliyyətinin nəticəsi olan məһsulu alır). Deməli, torpaq əmək
prosesinin baş verməsi üçün əsas amil olub, iqtisadiyyatın bütün
saһələrində isteһsal vasitəsidir. Kənd təsərrüfatında torpaq təkcə məkan
bazisi kimi deyil, һəm də isteһsalın əsas amili kimi istifadə edildiyindən,
Dostları ilə paylaş: |