Dərman vasitəsinin
istifadəsi üzrə təlimat
(xəstələr üçün)
VESTİBO 8 mq, 16 mq tabletlər
VESTIBO
Tərkibi
Təsiredici maddə: hər tabletin tərkibində 8 mq və ya 16 mq Betahistin-dihidroxlorid vardır.
Köməkçi maddələr: povidon, mikrokristallik sellüloza, laktoza monohidrat, kolloidal silisium 4-oksid,
krospovidon, stearin turşusu.
Farmakoloji xüsusiyyətləri
Betahistinin təsiri daxili qulaqda və beyinin bəzi zonalarında yerləşən Н - v
1
ə Н
2
- histamin reseptorlarına
(xüsusi quruluşlar) təsiri nəticəsində meydana çıxır. О, mikrosirkulyasiyanı və kapillyarların keçiriciliyini
yaxşılaşdırır, daxili qulaqda yerləşən müvazinət orqanında endolimfanın təzyiqini normallaşdırır. Preparat
ürəyin işinə mənfi təsir göstərmir, bəzi hallarda arterial təzyiqin bir qədər azalmasına gətirib çıxara bilər. Bu
təsirlərin klinik təzahürləri başgicəllənmənin tezliyinin və intensivliyinin azalmasından, qulaqlarda küyün
azalmasından, eşitmənin azalması halında onun yaxşılaşmasından ibarətdir.
İstifadəsinə göstərişlər
Vestibo Menyer xəstəliyinin müalicəsi üçün
istifadə olunur, hansı ki, aşağıdakı əlamətlərlə tazahür edir:
- başgicəllənmə (ürəkbulanma və/və ya qusma ilə);
- eşitmənin itməsi (eşitmənin pozulması);
- qulaqlarda küy.
Vestibo həm də vestibulyar başgicəllənmə adlandırılan tazahürün (müvazinət orqanının xəstəliyi nəticəsində
başgicəllənmə) müalicəsi üçün istifadə olunur.
Əks göstərişlər
Aşağıdakı hallarda Vestibo preparatını istifadə etməyin:
- preparatın komponentlərindən hər hansı birinə qarşı yüksək həssaslıq (allergiya);
- feoxromositoma (böyrəküstü vəzinin şişləri, hansı ki, qan təzyiqinin yüksəlməsinə səbəb olur) - preparat
ağır hipertonik krizə (qan təzyiqinin həddindən artıq yüksəlməsi) gətirib çıxara bilər.
Xüsusi xəbərdarlıqlar
Aşağıdakı hallarda
Vestibodan
istifadə edərkən xüsusilə diqqətli olun:
- xorası olan pasiyentlər - müalicə zamanı dispepsiyanın (qıcqırma, yanğı hissi, ürəkbulanma, mədədə
diskomfort) inkişaf riski;
- bronxial astması, övrəsi, səpgisi və allergik zökəmi olan pasiyentlər (betahistinlə müalicə zamanı
allergiyanın simptomlarının pisləşməsi nəticəsində allergik xəstəlikləri olan pasiyentlər üçün yüksəlmiş risk
mövcuddur);
- qan təzyiqi aşağı olan pasiyentlər;
- histamin başağrısı (dövri) və miqreni olan pasiyentlər, betahistinlə müalicə zamanı tutmalara təkan
verilməsi təhlükəsinə görə;
- antihistamin preparatlar (allergiyanın müalicəsi üçün dərman vasitələri) qəbul edən pasiyentlər.
Digər dərman vasitələri ilə qarşılıqlı təsiri
Reseptsiz buraxılan dərmanlar da daxil olmaqla, hazırda hər hansı digər preparat qəbul edirsinizsə və ya
yaxın zamanlarda qəbul etmisinizsə, bu barədə müalicə həkiminə və ya əczaçıya məlumat verin.
Vestibonu antihistamin (antiallergik) dərmanlarla birlikdə qəbul etmək tövsiyə olunmur.
Alkoqol, pirimetamin (malyariyaya qarşı dərman), salbutamol (astma əleyhinə dərman vasitəsi) Vestibonun
təsirini gücləndirir.
Hamiləlik və laktasiya dövründə istifadəsi
İstənilən preparatın qəbulundan əvvəl müalicə həkimi ilə və ya əczaçı ilə məsləhətləşin.
Heyvanlar üzərində aparılan müşahidələrin nəticələri nəsilə zədələyici təsirin olmadığını göstərir. İnsanlarda
hamiləlik dövründə Vestibonun təhlükəsizliyi sübut edilməmişdir və ona görə də onun hamilə qadınlara təyin
edilməsi tövsiyə olunmur.
Ana südü ilə xaric olur və bu zaman ana südündə konsentrasiyası plazmada olduğu kimidir.
Südəmər uşağa mənfi təsiri barəda məlumat yoxdur. Laktasiya dövründə preparatın istifadəsindən qaçmaq
lazımdır.
Nəqliyyat vasitələrini və digər potensial tahlükəli mexanizmləri idarəetmə qabiliyyətinə təsiri
Avtomobillərin idarə edilməsi və texnika ilə iş kimi yüksək diqqət tələb edən işlərin həyata keçirilməsinə təsir
göstərmir.
Nadir hallarda yuxuya meyillilik törədə bilər və belə hallarda pasiyent yüksək diqqət tələb edən işlərdən
qaçmalıdır.
Vestibonun qida və içkilərlə birlikdə qəbulu
Yemək zamanı qəbul edilir. Bu preparatla müalicə müddətində xüsusi qida rejiminin saxlanmasının və
müəyyən qida məhsullarının və içkilərin qəbulunun məhdudlaşdırılmasının zəruri olduğu barədə məlumat
yoxdur.
Köməkçi maddələr haqqında məlumat
Preparatın tərkibində köməkçi maddə kimi laktoza olduğundan, bəzi şəkərlərə qarşı dözümsüzlüyü olan
pasiyentlər preparatın istifadəsindən qaçmalıdırlar.
Əgər həkiminiz Sizdə bəzi şəkərlərə qarşı dözümsüzlüyün olduğunu bildirmişdirsə, о zaman bu preparatı
qəbul etməzdən əvvəl həkimlə məsləhətləşin.
Vestibonu'>İstifadə qaydası və dozası
Vestibonu
həmişə həkiminizin təlimatına dəqiq əməl etməklə qəbul edin. Əgər Siz nəyəsə əmin deyilsinizsə,
həkiminizlə məsləhətləşin.
Preparatın dozası pasiyentin cavabına uyğun olaraq fərdi seçilir. Şikayətlərdən aslı olaraq, həkim Sizin
xəstəliyinizin müalicəsi üçün lazım olan dozanı təyin edəcəkdir.
Böyüklər üçün adi dozalar
Gündəlik doza iki və ya üç qəbula bölünməklə, 24-48 mq təşkil edir.
Tabletlər yemək zamanı qəbul edilir.
Uşaqlar
Bu preparat 18 yaşa qədər uşaqlara və yeniyetmələrə təyin edilmir.
Bu qrupda preparatın effektivliyi və təhlükəsizliyi sübut edilməmişdir.
Bəzi pasiyentlərdə yaxşılaşma 14-günlük müalicə kursundan sonra baş verə bilər.
Doza həddinin aşılması
Təyin edildiyindən artıq doza qəbul etdikdə dərhal həkimə müraciət edin!
Doza həddinin aşılması simptomlarına ürəkbulanma, qusma, dispepsiya (mədədə narahatlıq), ataksiya
(müvazinətin və hərəkət koordinasiyasının itməsi) və qıcolmalar aiddir.
Doza həddinin aşılması zamanı mədə zondunun köməyi ilə və mədəni yumaqla mədənin möhtəviyyatını
boşaltmaq və həmçinin doza həddinin təzahürlərini müalicə etmək üçün uyğun dərmanlar istifadə etmək
lazımdır.
Doza həddi aşılmasının simptomları meydana çıxan zaman dərhal həkimə müraciət edin!
Əgər Vestibo preparatının qəbulunu buraxmısınızsa
Əgər Siz preparatın bir qəbulunu buraxmısınızsa, onu növbəti müntəzəm qəbul vaxtında qəbul edin.
Əlavə təsirləri
İstənilən dərman preparatı kimi,
Vestibo
da hər kəsdə olmasa da əlavə reaksiyalar törədə bilər.
Vestibo ilə müalicə zamanı müxtəlif orqan və sistemlərdə aşağıdakı tezliklərdə əlavə reaksiyalar
mümkündür:
çox tez-tez (≥1/10); tez-tez (≥1/100-dən <1/10-a qədər); bəzən (≥1/1000-dən <1/100-ə qədər); nadir
(≥1/10000-dən <1/1000-ə qədər); çox nadir (< 1/10000), naməlum tezlikdə (mövcud məlumatlara görə
qiymətləndirmək mümkün deyil).
İmmun sisteminin pozğunluqları
Çox nadir - dəri səpgiləri və qaşınma.
Sinir sisteminin pozğunluqları
Naməlum tezlikdə - başağrısı və yuxuya meyillilik.
Mədə-bağırsaq pozğunluqları
Nadir - mədə-bağırsaq pozğunluğu, ürəkbulanma, dispepsiya (qıcqırma, yanğı, mədə diskomfortu).
Ürək pozğunluqları
Nadir - ürəkdöyünmə.
Tənəffüs, döş və divararalığı pozğunluqları
Nadir - mövcud bronxial astmanın simptomlarının kəskinləşməsi.
Dərinin və dərialtı toxumanın pozğunluqları
Nadir - dərinin iltihabı ilə, övrə və qaşınma ilə müşayiət olunan dəyişən dəri reaksiyaları.
Ümumi pozğunluqlar və yeridilmə yerində effektlər
Nadir - istilik hissi.
Əgər əlavə təsirlərdən hər hansı biri ciddi xarakter alarsa və ya bu içlik vərəqədə qeyd edilməyən hər hansı
əlavə təsir meydana çıxarsa, bu barədə həkiminizə və ya əczaçıya məlumat verin.
Buraxılış forması
8 mq-lıq tabletlər: 10 tablet, blisterdə. 3 blister içlik vərəqə ilə birlikdə karton qutuya qablaşdırılır.
16 mq-lıq tabletlər: 10 tablet, blisterdə. 3 blister içlik vərəqə ilə birlikdə karton qutuya qablaşdırılır.
Saxlanma şəraiti
25°C-dən yüksək olmayan temperaturda və uşaqların əli çatmayan yerdə saxlamaq lazımdır.
Dərmanları çirkab sularına və məişət tullantıları üçün konteynerə atmaq olmaz. Sizə lazım olmayan dərmanı
hara atmaq lazım olduğunu əczaçınızdan soruşun. Bu tədbirlər ətraf mühitin qorunmasına xidmət edir.
Yararlılıq müddəti
3 il.
Yararlılıq müddəti bitdikdən sonra istifadə etmək olmaz.
Yararlılıq müddəti göstərilən ayın son gününə aiddir.
Əgər tabletlərin görünüşündə dəyişiklik hiss etsəniz, Vestibo preparatını istifadə etməyin.
Aptekdən buraxılma şərti
Resept əsasında buraxılır.
İstehsalçı
Balkanfarma-Dupnitsa AD
CatalentGermanySchorndorfGmbH ilə əməkdaşlıqda
Samokovsk şosse küç. 3, 2600 Dupnitsa , Bolqanstan
tel.: +359/701 58 196, faks: +359/701 58 555