60
mərhələsindən sonra TuranBankın ICD ilə digər mənfəətli iri layihələrə qoşulmağa
zəmin yaradacaq. Ümumiyyətlə, TuranBank gələcək illərdə islam bankçılığı
sahəsində ICD ilə məhsuldar əməkdaşlıq əlaqələrinin genişləndirilməsini
planlaşdırır.
TuranBank beynəlxalq əməkdaşlıq əlaqələrinin inkişafında biznesin
kreditləməsi ilə yanaşı, ticarətin maliyyələşdirilməsi üzrə proqramlara da önəm
verməkdədir. Bu istiqamətdə TuranBankın İsverçrənin BCP və Türkiyənin Ziraat
Bankları ilə mövcud əməkdaşlıqları Azərbaycan iqtisadiyyatı üçün çox faydalıdır.
Bildirmək lazımdır ki, TuranBank alternativ satış kanalları fonunda ənənəvi
bankçılığa parallel olaraq, islam bankçılığının Respublikamızın maliyyə
sektorunda təşviqatını fəal aparan banklardan biridir. Belə ki, bank 2007-ci ildən
OSİİK tərəfindən islam bankçılığı sahəsində təşkil edilmiş müxtəlif təlimlərə
qatılmış və nəticə etibarı ilə 2008-ci ildə ilk dəfə olaraq kiçik və orta sahibkarlığın
dəstəklənməsi məqsədilə 1 mln. ABŞ dolları məbləğində resurs cəlb etmişdir.
Məlum olduğu kimi, Azərbaycan müsəlman ölkəsi olmaqla islami dəyərlərə önəm
verir ki, bu da iş muhitinin islami etik standartlar çərçivəsində inkişafını zəruri
edir. Deyilənləri nəzərə alaraq, TuranBank, istər OSİİK, istərsə də BİTMK
tərəfindən cəlb olunmuş vəsaitləri şəriət qaydaları çərçivəsində kiçik və orta
sahibkarlığın inkişafına yönləndirmiş və islam bankçılığının onəmli rolu və inkişaf
prespektivlərinin geniş olması barədə mütəmadi təbliğat və təşviqat işləri
aparmışdır.
Azərbaycanda ABB bankla yanaşı “Nikoil” bankı İslam bankçılığı üzrə
məhsul təklif etməyə başlayıb. “Nikoil” yalnız cari hesab açır, kredit vermir.
NIKOIL Bankın “Wadiah” –hesabına yerləşdirilən vəsaitlər, bankın heç bir faiz
əməliyyatlarında iştirak etmir və bu hesabla aparılan mədaxil və məxaric
əməliyyatları pulsuzdur. Nikoilbank bir neçə ay əvvəl “Vadiə əd Damənə” islam
bankçılığı məhsulunu tətbiq etməyə başlayıb
*
.
*
Xatırladaq ki, “Vadiə əd Damənə” ərəbcə “zəmanətli qoruma” deməkdir. “Vadiə əd Damənə” bir müqavilə
forması olaraq, iki cürdür. Biri “Wadih yad Damanah”, digəri isə “Wadih vəl Amanah” adlanır. “Wadih yad
Damanah” əslində bizim dilimizdə “zəmanət”, “Wadih vəl Amanah” isə “əmanət” deməkdir.
61
Yeri gəlmişkən, hazırda “Nikoilbank”ın islami bank xidmətləri bu
istiqamətlərin yalnız bir istiqamətini, depozit xidmətini əhatə edir, yəni bu, gəlirsiz
hesabdır, halaldır, həm də sərfəlidir. Yəni insanlar pul yerləşdirdikdən sonra həm
qanunvericiliyə uyğun, həm də şəriətə zidd olmayan bir müqavilə formatı insanlara
təklif edilir.
“Nikoilbank” müştərilər üçün digər kredit məhsullarından olan lizinq
xidmətlərini tətbiq etmək niyyətindədir.
Hazırda bankın islam bankcılığı çərçivəsində tətbiq etdiyi maliyyə alətlərinə
"Murabaha", "2 pilləli Murabaha" və "İjarə"ni aid etmək olar.
Nəzərə alsaq ki,Azərbaycanda həm vətəndaşların,həm də bankların ənənəvi
formada hissəli ödənişlərlə bağlı praktiki vərdişləri və təcrübələri var, onda
zənnimcə ilkin olaraq xüsusilə Murabaha və İjara maliyyələşmə üsullarının tətbiqi
Azərbaycan bazarı üçün münasib olardı.
Azərbaycanda hal-hazırda İslam bankçılığının müştəri seqmenti mövcüddur
və ilk növbədə aşağıdakı amillərə bağlıdır: Azərbaycan əhalisinin əksəriyyəti
müsəlmandır; Azərbaycanda investisiyaya yönümlü sahələr çoxdur və bu nədənlə
Azərbaycanda İslam bankçılığının inkişafı üçün çox böyük imkanlar var.
Azərbaycanda İslam bankçılığının fəaliyyətinin inkişafı üçün nə etməli: ilk
növbədə Azərbaycan bank qanunvericiliyində dəyişiklik etməli və islam bankinq
kadrların hazırlanmasına keçid.
Sonda qeyd etmək lazımdır ki, Azərbaycanda islam maliyyə müəssisələrinin
inkişafının stimullaşdırılması haqqında qərar qəbul etməzdən əvvəl bu cür addımın
bütün nəticələrini diqqətlə mülahizə etmək lazımdır. Belə ki, nəzərdə tutmaq
lazımdır ki, islam maliyyə xidmətlərinin yaranması əvvəllər maliyyə xidmətlərdən
istifadə etməyən istehlakçıları maliyyə sektoruna cəlb etmək deyil, daha çox adi
maliyyə müəssisələrindən islam müəssisələrinə istehlakçıların axınına gətirib
çıxara bilər.
AR Banklar haqqında qanunun 33-cü maddəsinə görə, bank ticarətlə məşğul
ola bilməz. Amma islam bankçılığının fəlsəfəsi budur ki, bank öz müştərisi ilə
riskləri və gəlirləri bölüşür. Amma başqa tərəfdən lizinq var. Bununla banklar
62
məşğul ola bilər. Lizinqin də əsası ticarətdir. Hansısa daşınan, ya daşınmayan
əmlak bank tərəfindən alınır, sonra lizinq müqaviləsi ilə müştəriyə verilir. Məsələn,
Azərbaycan Beynəlxalq Bankı islam bankçılığı kontekstində altı məhsul təklif edir.
Bu məhsullar qanunvericiliklə qadağan olunmayıb, eyni zamanda ənənəvi
bankçılıq çərçivəsində tənzimlənir
*
.
Azərbaycan hələ ki islam maliyyə institutlarının yaradılmasının birinci
mərhələsinə qədəm qoyur. Gələcəkdə inkişafın nə dərəcədə müvəffəqiyyətli
alınacağını zaman göstərəcək. Eyni zamanda hesab edirik ki, həmin prosesi
sürətləndirməyə lüzum yoxdur. Digər sözlərlə, Azərbaycanda islam maliyyə
institutlarının yaradılması yalnız o zaman mümkündür ki, iqtisadi agentlərin belə
maliyyə xidmətlərinə tələbi xeyli artsın.
Biz hesab edirik ki, Azərbaycan Beynəlxalq Bankı (ABB) Azərbaycanı
İslam bankçılığının regional mərkəzinə çevirmək üçün potensiala malikdir.
Azərbaycanda öz pul vəsaitlərini ənənəvi banklara etibar etməyə hazır
olmayan daha çox müsəlman əhalisi olan, eləcədə ənənəvi bankların
xidmətlərindən istifadə etməyən kifayət qədər çox müsəlman sahibkarların olduğu
ölkədə islam maliyyə müəssisələrinin yaranması maliyyə bazarının effektivliyini
artırmağa kömək edər və onun inkişafını tezləşdirər.
Azərbaycanda islam bankçılığı tam şəkildə fəaliyyət göstərsə, ərəb
ölkələrindən, ilk növbədə də Səudiyyə Ərəbistanı, Birləşmiş Ərəb Əmirlikləri,
Qətərdən, eləcə də digər müsəlman dövlətlərindən, o cümlədən Türkiyədən, hətta
İrandan belə investorların cəlb edilməsi mümkün olacaq. Həmin ölkələri
Azərbaycan vasitəsilə Avropa və MDB məkanına çıxarmaq imkanları mövcüddür.
Bu tip bankingin Azərbaycanda tətbiqi üçün müəyyən əngəllər və eyni
zamanda perspektivlər var.
Zənnimcə sırf Azərbaycan üçün spesifik ola biləcək əngəllər və
çatışmazlıqlar aşağıdakılardır:
*
Bu məhsullar aşağıdakılardır: lizinq məhsulları, texniki vəsaitlərin, daşınan və daşınmayan əmlakın lizinqə
verilməsidir; vəkalət depozitləri, yəni müştərilərdən vəsaitləri cəlb edilir, ipoteka portfeli, faizsiz islam bank
kartları.
Dostları ilə paylaş: |