47
Böyrəyin irsi və anadangəlmə xəstəlikləri
Təsnifat
1.
Böyrək və sidik yollarının anatomik quruluşunun anomaliyaları
zamanı yaranan nefro və uropatiyalar:
a) böyrəklərin inkişaf qüsurları:
- kəmiyyətcə (ageneziya, aplaziya, əlavə böyrək);
- yerləşmə vəziyyətinə görə (distopiya, nefronoftiz, rotasiya);
- formasına görə (S və L-ə bənzər nalşəkilli böyrək);
b) sidik axarlarının inkişaf qüsurları (kəmiyyət və ölçü dəyişikliyi);
c) sidik kisəsi və uretranın inkişaf qüsurları;
d) böyrək damarlarının inkişaf və yerləşmə anomaliyaları;
e) sidik-ifrazat sistemi orqanlarının innervasiyasının anomaliyaları,
neyrogen sidik kisəsi sindromu ilə;
2. Böyrəyin struktur differensiasiyasının pozulması (böyrək
strukturunun histoloji anomaliyaları);
a) kistozlar:
- polikistoz
xəstəlik
(autosom-dominant,
autosom-resessiv
variant);
- Fankoni nefronoftizi; Sennor sindromu;
- anadangəlmə nefrotik sindromun fin tipi;
- kistoz xəstəliyinin digər növləri;
b) kistozsuz toxuma (heteroxrom) displaziyaları:
- oliqonefroniya;
- seqmentar displaziyalar (Ask-Almark xəstəliyi);
- hipoplastik displaziya ilə əlaqədar nefropatiya;
c) reflüks-nefropatiya;
3. İrsi nefrit (Alport sindromu).
4. Tubulopatiyalar:
a) birincili:
48
- poliuriya ilə (böyrək mənşəli şəkərsiz diabet, böyrək mənşəli
şəkərli diabet);
- sümüklərin deformasiyası ilə (fosfat-diabet, de Toni-Debre-
Fankoni xəstəliyi, böyrəklərin tubulyar asidozu);
b) ikincili:
- irsi maddələr mübadiləsi patologiyaları zamanı (qalaktozemiya,
sistinoz, Fabri angiokeratoması, Konovalov-Vilson xəstəliyi və s.)
5. Dismetabolik nefropatiyalar:
- sistinuriya, sistinoz;
- oksalat nefropatiyası (oksalat-kalsium kristalluriyası);
6. Xromosom xəstəlikləri zamanı nefro və uropatiyalar.
7. Böyrəklərin amiloidozu (irsi formalar).
8. Embrional şişlər (Vilms şişi).
İrsi nefrit – Alport sindromu (Q87.8)
İrsi nefrit (Alport sindromu) – genetik yolla nəsildən-nəslə ötürülən
irsi, qeyri-immun qlomerulopatiya olub, hematuriya (bəzən proteinuriya)
ilə müşayiət olunur. Böyrək funksiyalarının proqressivləsən azalması və
XBÇ-nın inkişafı, həmçinin neyrosensor karlıq və görmənin pozğunluqları
ilə müştərək gedən bir xəstəlikdir.
İlk dəfə bu xəstəliyi 1902-ci ildə L.G.Guthrie təsvir etmişdir. 1927-ci
ildə isə A.Alport ilk dəfə hematuriya qeyd edilən bir neçə qohum şəxslər
arasında ağır eşitməni qeyd etmişdir. Alport sindromunun yayılması
müxtəlif müəlliflərə görə dəyişir. Rusiyada bu göstərici 17:100000 təşkil
edir.
Xəstəlik dominant tip üzrə ötürülür. Çox vaxt oğlanlar xəstələnirlər,
xəstəlik ağır keçir.
Etiologiya və patogenez: Xəstəliyin irsən ötürülməsinin əsasında IV
tip kollagenin α-zəncirli genlərində mutasiyanın baş verməsidir. IV tip
kollagenin 6 α-zənciri bizə məlumdur. Bunlardan ikisi X-xromosomun uzun
49
çiynində 21-22q zonada, ikisi 2-ci xromosomda, digər ikisi isə 13-cü
xromosomda yerləşir.
Çox zaman xəstəliyin X-xromosla ilişikli tipi aşkar edilir. İrsən
ötürülmənin bu forması zamanı xəstəlik hər iki cinsdən olan uşaqlarda rast
gəlir, lakin oğlanlarda daha ağır keçir.
Elektron mikroskopda morfoloji olaraq qlomerulyar bazal membranın
(əsasən “lamina densa”) nazilməsi və laylara ayrılması, elektron-sıx
qranulların olması qeyd edilir. Qlomerulonefritdən fərqli olaraq Alport
sindromu zamanı qlomerulit həmişə immunneqativ xarakter daşıyır.
Kanalcıqların atrofiyası, limfohistositar infiltrasiya, lipid əlavələri –
lipofaqlar olan “köpüklü hüceyrələr” xarakterik sayılır.
Xəstələrin əksəriyyətində IgA-nın qanda azalması, əksinə IgM və
IgG-nin artması qeyd edilir. T-limfosit sisteminin funksional aktivliyinin
azalması, həmçinin IgA sintezinə cavabdeh olan B-limfositlərin azalması
müşahidə edilir. İmmunitetin faqositar həlqəsi zəifləyir, bu da hemotaksis
və neytrofillərdə hüceyrə daxili həzm etmənin pozulması ilə əlaqədardır.
Təsnifatı. İrsi nefritin üç variantı ayırd edilir:
I variant – kliniki olaraq nefrit formasında hematuriya, ağır eşitmə və
gözlərin zədələnməsi kimi özünü göstərir. Nefritin gedişi proqressivdir,
XBÇ-nın inkişafı ilə nəticələnir.
II variant – kliniki olaraq hematuriya ilə gedən nefrit formasında
müşahidə edilir, lakin ağır eşitmə qeyd edilmir. Nefritin gedişi
proqressivdir, XBÇ-nın inkişafı ilə nəticələnir.
III variant – xoşxassəli ailəvi hematuriya şəklində gedir. Gedişi
yaxşıdır, XBÇ inkişaf etmir.
Klinika. Belə hesab edilir ki, xəstəliyin əsasında nefronun quruluş
komponentinin formalaşmasındakı qüsur dayanır. Xəstəliyin ilk əlamətləri
istənilən yaşda aşkar edilə bilər, lakin 3-10 yaşlarında daha tez-tez aşkar
olunur. Çox zaman Alport sindromu latent gedişə malik olur, hematuriya
təsadüfən, planlı müayinə zamanı müəyyən edilir. Bəzən xəstəliyin ilk
əlaməti kimi proteiunuriya və ya eşitmə zəifliyi qeyd edilir.
50
Sidik sindromu çox zaman xəstəliyin lap başlanğıcından özünü daimi
və ya fasiləli hematuriya şəklində göstərir ki, bu da bəzən eritrositar
silindruriya ilə müştərək müşahidə edilir. Hematuriya kəskin respirator
virus infeksiyasından, interkurrent xəstəliklərdən sonra kəskinləşə bilər.
Proteinuriya xəstəliyin birinci ilində müşahidə edilməyə də bilər, ya da
minimal və daimi olmayan olur. Lakin xəstəlik progressivləşdikcə
proteinuriya yüksələ, hətta nefrotiksindrom inkişaf edə bilər.
Alport sindromu oğlan uşaqlarında daha ağır gedişə malikdir, belə ki,
25 yaşa qədər xəstə oğlan uşaqlarının 50%-də terminal böyrək
çatışmamazlıqı inkişaf edir. Öz uşaqlarında isə bu göstərici yalnız 13%-də
və 30-31 yaşa qədər qeyd edilir. Böyrək funksiyalarının azalması çox erkən
baş verir ki, bu da ilk növbədə tubulyar aparatın zədələnməsi ilə
əlaqədardır. Metabolik asidoz və elektrolit balansının pozulması qeyd
edilir. Sonradan azotemiya, bəzən anemiya və arterial hipertenziya
müşahidə edilir.
Alport sindromu olan oğlan uşaqlarının demək olar ki, ¾ hissəsində
eşitmə sinirinin nevriti ilə əlaqədar eşitmənin proqressivləşən zəifləməsi
qeyd edilir. Eşitmə zəifliyi daha yüksək tezlikli səslərdən başlayaraq,
tədricən daha alçaq tezlikli səslərə keçir. Ağır eşitmə getdikcə
proqressivləşir və artıq 8-12 yaşda karlıq yaranır. Karlığın əsasında daxili
eşitmə üzvlərinin ikitərəfli zədələnməsi və ya VIII cüt kəllə-beyin
sinirlərinin zədələnməsi durur.
Görmənin anomaliyaları irsi nefritli xəstələrin təqribən 25%-də qeyd
edilir və əsasən katarakta, ön və arxa lentikonus, nistaqm, strabizm,
sferofakiya, miopiya, torlu qişanın disrtofiyası və teleangioektaziyası və s.
şəklində özünü göstərir.
Praktiki olaraq xəstələrin 90%-də nevroloji pozğunluqlar qeyd edilir.
Bu pozğunluqlar çox zaman vegeto-damar disfunksiyası şəklində
(emosional ləbillik, ovuc və pəncənin hiperhidrozu, AT dəyişməsi, baş
ağrıları və s.), bəzən isə hiperrefleksiya, vətər reflekslərinin asimmetriyası
kimi qeyd edilir.
Dostları ilə paylaş: |