120
“ISTANBUL FOJIASI” DRAMATIK DOSTONIDA ISKANDAR
OBRAZINING QIYOSIY-TIPOLOGIK TASVIRI
Imomaliyeva Gavharoy Odiljon qizi
Chirchiq davlat pedagogika universiteti talabasi
Roxmanova Nafisa Azatbekovna
O’zbek adabiyotshunosligi kafedrasi o’qituvchisi
ANNOTATSIYA
O’zbek adabiyotining yirik namoyondasi, o’chmas mash’alasi hisoblangan Erkin
Vohidovning “Istanbul fojiasi” asarida hayotning shafqatsiz haqiqatiga duch kelamiz.
Asarda davr to’zonlari, hayot chigalliklari ichra tangib noxush, nomaqbul to’lqinlar
iskanjasiga tushib qolgan, adashgan, ammo kechikib bo’lsa-da, xatosini anglagan
insonlar fojiasi aks etgan.
Kalit so’zlar: Istanbul, Jalol, Saodat, Iskandar
KIRISH
“Istanbul fojiasi” qahramonlari, asosan, 3 shaxs hisoblanadi: aka – Jalol, uning
ayoli – Saodat va Jalolning ukasi – Iskandar. Ushbu qahramonlar qismati zamonning
muhim tarixiy-ijtimoiy voqea-hodisalari –
Ikkinchi Jahon Urushi, Urushdan keyingi
davrda dunyodagi keskin ziddiyatlar, mamlakatimiz ijtimoiy-ma’naviy
hayotidagi
muammolar bilan bog’liq holda aks etadi.
ADABIYOTLAR TAHLILI VA METODOLOGIYA
Drama syujeti unchalik murakkab bo’lmasa-da, bir qorindan talashib tushgan
aka-uka – Jalol va Iskandarlar muhabbat tufayli bir-biriga raqibga aylanadilar. Aka
ukase sevgan qizni yo’ldan uradi, alamiga chiday olmagan uka esa o’zini qo’yggani joy
topolmay, ko’ngilli bo’lib frontga jo’naydi. Qismatni qarangki, ana shu aka-uka va ular
orasidagi ziddiyatga sababchi bo’lgan ayol – Saodat qirq yildan keyin xorijda –
Istanbulda uchrashib qolishadi.
Syujet rivoji zanjirida romantic ruhdagi asarlarga xos favqulodda shartli halqalar
talaygina: og’a-ini va ular orasiga g’ov slogan ayol, ya’ni ham qondosh, ham raqib
og’a-ini va ularning har ikkisi uchun aziz bo’lgan shaxsning qirq yildan so’nhg xorijda
bir-biriga duch kelishi,
allaqachon marhum sanalib, nomi qahramonga aylangan,
shuhratlarga burkangan odamning tirik, buning ustiga vatangado bo’lib
chiqishi bir
vaqtlar o’zga nomda, o’zga el odami bo’lib yurtiga, og’asi, sevgilisi, onasi huzuriga
kelib ketishi, buni hech kim sezmay qolishi – bularning barchasi romantik asarlar
syujetiga xos favqulodda xususiyatlardir.
121
Asardagi uch yetakchi personaj – og’a Jalol, ini Iskandar, oradagi ayol Saodat –
hammasi o’zgaruvchan xarakterlar, ular hayot yo’li – umrning turli bosqichlarida turli
vazifalarda turlicha holda ko’rinadilar.
Ko’p hollarda bu hodisa uch personaj tomonidan uch xil idrok etilib, uch xilda
baholanishi, aksari qarashlaridagi tafovut va ziddiyatlarning keskin tus olishi asarga
o’ziga xos munozara ruhini bag’ishlaydi. Bahslar payti
muallif voqeaga bevosita
aralashmaydi, kim haq, kim nohaq, asl haqiqat kim tomonda ekanini o’qiyotgan kishi
sezib, bilib turadi. Shunga ko’ra, bu asarni o’qish uchun kishida adabiy-estetik
tayyorgarlik bo’lishi kerak, hamda u nozik didli, bilimdon bo’lishi talab etiladi.
Bunday olib qaraganda, Iskandar shunchaki adashgan vatangado xoin kimsadek
ko’rinadi. Aslida esa Iskandar qochoq,
xiyonatkor emas, yurt oldida gunohsiz: u
ixtiyorsiz ravishda hayot so’qmoqlariga tushib qolgan. Bir vaqtlar bu pok va soda, qalbi
ko’zgu kabi musaffo, oriyatli yigit Saodatni chin dildan sevgan, vatan ozodligi yo’lida
chindan ham mardona jang qilgan. Bu odam hayotining izdan chiqishi sarson-sargardon
vatangadoga aylanishi, avvalo, urush dahshatlariga, ziddiyatli dunyoning g’ayriinsoniy
tomonlariga borib taqaladi. U urushning eng baxtsiz tirik qurboni. Omonsiz jang payti
dushman qo’liga tushib qoladi, xorijda sarson-sargardon kezadi. Iskandarning
baxtsizligida beqaror Saodatning ham hissalari bor. Bunga Iskandarning o’zi ham
aybdor. U ilk sevgi hijron azblariga dosh berolmay, jizzakilik qilib, ixtiyorini butunlay
taqdir izniga qo’yib beradi. Endi uning go’yo ona yurtida
qiziqtiradigan hech narsa
qolmagandek, yurtiga talpinmaydi, o’z baxti sha’ni uchun kurashmaydi,
ilk sevgisi
ortidan o’z akasiga nisbatan, oradan qirq yil o’tishiga qaramay, gina saqlab yuradi, shu
ginasi tufayli Iskandar o’zining volidasini-da “unutadi”, yurtiga onasi uchun bo’lsa ham
qaytmaydi. Dinini ham unutadi, e’tiqodini tark qiladi. Bunday beqarorlik, loqaydlik esa
unga nihoyatda qimmatga tushadi.