Iii-bap. Pedagogikaliq tájiribe-sinawdi shÓkemlestiriw háM Ótkeriw

Úshinshi bap boyınsha juwmaqlar
Pedagogikalıq tájiriybe-sınaq 2020-2022 jıllarda Nókis mámleketlik pedagogikalıq institutı alıp barıldı.
Izertlew 3 basqıshdan ibarat bolıp, 2020-2022 jıllarda shólkemlestirildi hám ótkerildi. Birinshi-anıqlawshı basqıshda bolajaq texnologiyalıq tálim oqıtıwshılarınıń metodikalıq kompetentligin rawajlandırıwǵa tiyisli oqıw - metodikalıq ádebiyatlardı analiz qılıw, sabaq procesin baqlaw, sáwbet hám sorawnamalar ótkerildi. Izertlewdiń ekinshi-izertlewshi basqıshı procesinde dáslep bolajaq texnologiyalıq tálim oqıtıwshılarınıń kompetentligin rawajlandırıw procesine tayınlıǵın anıqlaw, islep shıǵılǵan oqıw-metodikalıq támiynatınıń sapasın, mazmunın, ilimiy-metodikalıq hám didaktikalıq tárepten muwapıqlıǵın tekseriw maqsetinde sorawnamalar ótkerildi. Sorawnamalarda islep shıǵılǵan oqıw - metodikalıq támiynat materialları, erkin úyreniw procesindegi máseleler hám unamlı tárepler tuwrısında sorawlar keltirilgen. Úshinshi-juwmaqlawshı basqıshında izertlew jumısınıń tájiriybe-sınaq nátiyjeleri ulıwmalastırılıp, sın kóz-qarastan analiz etip, izertlew maqseti hám ilimiy boljawdıń hám de islep shıǵılǵan metodikalardıń tiykarlanǵanlıǵı oqıw procesinde islep shıǵılǵan ilimiy-metodikalıq islenbeler tiykarında tekserip kórildi.
JUWMAQLAW
1. Bolajaq texnologiyalıq tálim oqıtıwshılarınıń metodikalıq kompetentligin rawajlandırıwdıń tiykarǵı negizin tómendegi sapa kórsetkishleri quraydı: psixologiyalıq - pedagogikalıq bilimleri, metodikalıq tayınlıǵı, texnologiyalıq táliminiń normativ hújjetlerin jetkilikli biliwi, innovaciyalıq tálim texnologiyaları hám metodikalıq támiynattan tolıq paydalana alıw sıyaqlı sapalar tiykarında metodikalıq kompetentliginde kórinedi.
2. Metodikalıq kompetentlikti rawajlandırıw pútin pedagogikalıq process tiykarı shókemlestirilip, processte talaba qızıǵıwshılıǵı, uqıpları, bilimlendiriw mákemeleri mútajlikleri menen uyǵınlastırıw talap etildi. Metodikalıq kompetentlikti rawajlandırıwda texnologiya tálimi hám oqıtıw metodikası pánleri integraciyanıń pedagogikalıq mexanizmi esaplandı.
3. Innovaciyalıq tálim texnologiyaları tiykarında hár bir talabaniń fundamental bilimlerdi biliwine, intellektual miynetke, dóretiwshilik hám erkin oylawǵa úyretiw, analiz qılıw hám juwmaq shıǵarıw, hár bir talabaga jeke metodikalıq kompetentlikti rawajlandırıw boyınsha óz kúshi hám qábiletine bolǵan isenimdi bekkemlew, oqıwda juwapkershilik hám qatańlıq sezimin rawajlandırıw názerde tutıldı.
4. Talabalarda metodikalıq kompetentlikti rawajlandırıwǵa baǵdarlanǵan tálim-tárbiya procesi nátiyjeligin támiynlew ushın bir qatar ilájlardı ámelge asırıw maqsetke muwapıq boladı. Metodikalıq kompetentlikti rawajlandırıw ayrıqshalıqlarǵa iye bolǵan joqarı oqıw ornı talaba hám ulıwma bilim beriw mektepleriniń oqıwshıları quraydı. Sol sebepli bolajaq texnologiyalıq tálim oqıtıwshıları joqarı oqıw ornın pitkergennen keyin joqarı maman qánige joqarı pedagogikalıq uqıp hám zamanagóy metodikalıq kompetentlikti iyelewi kerek.
5. Bolajaq texnologiyalıq tálim oqıtıwshılarınıń metodikalıq kompetentligin rawajlandırıwda tálim-tárbiya hám social tájiriybe muwapıqlıǵın támiynlew; metodikalıq támiynattı ámeliyatqa qollanıw; talabalardı óz betinshe, dóretiwshilik tapsırmalardı orınlawǵa úyretiw hám kompetenciyaların qáliplestiriw, rawajlandırıwdıń imkaniyatların tolıq baǵdarlaw maqsetke muwapıq.
6. Bolajaq texnologiyalıq tálim oqıtıwshılarınıń metodikalıq kompetentliginiń qádiriyatlı motivaciyalı, kognitiv, ámeliy baǵdarlanǵan, kommunikativ, refleksiv komponentleri rawajlanǵanlıǵın bahalaw kriteriyaları rawajlanǵanlıq dárejeleri yaǵnıy jetekshi ideyalar, metodikalıq bilimler, ilimiy tájiriybeler hám iskerlik usılları, kommunikativ ilimiy tájiriybeler, refleksiv ilimiy tájiriybeler tiykarında rawajlandırıw ústin turatuǵın áhmiyetke iye bolıwı anıqlandı.
7. Pedagogikalıq tájiriybe-sınaq jumısları dáwirinde islengen ámeliy iskerlik innovaciyalıq tálim texnologiyaları tiykarında texnologiyalıq tálim hám onı oqıtıw metodikası pánlerin oqıtıw bolajaq texnologiya tálimi oqıtıwshılarında metodikalıq kompetentlikti rawajlandırıwda kognitiv, konstruktiv-prognostik, shólkemlestirilgen-texnologiyalıq, informacialıq-kommunikativ,qadaǵalaw-bahalaw, refleksiv-analitik kompetenciyalardı iyelew múmkinshiligin tastıyıqladı.
8. Bolajaq texnologiyalıq tálim oqıtıwshılarınıń metodikalıq tayarlıqtı rawajlandırıwda texnologiyalıq tálim, texnologiyalıq tálim oqıtıw metodikası pánleriniń oqıw dástúrinde belgilengen temaların innovaciyalıq tálim texnologiyaları tiykarında proektlew hám joybarlaw hám de talabalardıń jeke umtılısların esapqa alıp shólkemlestiriw mektep oqıwshısın tárbiyalaw múmkinshiligin ámelge asıradı. Pedagogikalıq tájiriybe-sınaq jumısları procesinde talabalardiń metodikalıq kompetentligi tiykarında islengen sabaqlardıń joqarı nátiyje beriwi óz tastıyıǵın taptı.
9. Bolajaq texnologiyalıq tálim oqıtıwshıları metodikalıq tárepten nátiyjeli metodikalıq kompetentlikti rawajlandırıw metodikasın islep shıǵıw, sonıń menen birge, texnologiyalıq tálim oqıtıw metodikası páninde metodikalıq kompetentlikti rawajlandırıwdıń tariyxıy, psixologiyalıq, pedagogikalıq, metodikalıq hám didaktikalıq táreplerin kórsetiwshi oqıw -metodikalıq qollanbalar, elektron sabaqlıqlar hám islenbeler jaratıw maqsetke muwapıq boladı.