6 :
BÖLMƏ – A: İDARƏETMƏ İNFORMASİYASININ MAHİYYƏTİ,
MƏNBƏYİ VƏ MƏQSƏDİ
b) Fəaliyyətlərin planlaşdırılması və onlara nəzarət. Məs: istehsalın planlaşdırılması üçün
bazardakı tələb və nəzarət məqsədilə verilən faktiki istehsal üzrə məhsul vahidləri ilə
bağlı məlumat.
c) Qərarvermə. Məs: məhsul istehsalı həcmi ilə bağlı qərar vermək üçün əlverişli mənbələrdən
əldə edilən məlumat.
ç) Mövcud resursların ən uyğun şəkildə istifadə edilməsi. Məs: mebel istehsalında mis-
mar yerinə yapışqandan isitifadə edilməsi kimi hər hansı materialın əvəzləyiciləri barədə
məlumata malik olaraq məsrəfləri azaltmaq.
d) Maraqlı tərəflərə və müəssisə ilə əlaqəsi olmayan digər kənar şəxslərə müəssisə haqqın-
da məlumatın verilməsi. Məs: kənar tərəflərə müəssisənin fəaliyyəti üzrə mövcud gəlirlər
və gələcək biznes planları barədə məlumat.
e) İşçilərin məlumatlandırılması. Məs: ödəniş strukturuna yenidən baxılması, gələcək inkişaf
miqyası və işçilərin işləyə və vəzifələrini artıra biləcəyi müəssisədaxili yeni iş sahələri
barədə məlumatlar.
ə) Aktivlərin mühafizə edilməsi. Məs: aktivlərin siğorta xərcləri, onların işlənib sıradan çıx-
ması və köhnəlməsi barədə məlumat.
Konsepsiyada müəssisənin məqsədlərinə nail olması üçün strategiyanın qurulmasında
idarəetmə prosesinə yardım göstərəcək müvafiq metod və anlayışların tətbiqi nəzərdə tutulub.
İdarəetmə uçotunda istifadə edilən məlumatlar onların əvvəlcədən nəzərdə tutulan
məqsədlərinə xidmət etməlidir. Müvafiq metod və ya anlayış mühasibatın digər sahələrindən
və ya riyaziyyat və iqtisadiyyat kimi fənnlərdən əldə edilsə də, bunlardan idarəetmə uçotu
məqsədləri üçün də istifadə edilə bilər.
Nümunə
Statistik proqnozlar istehsal qrafikinin planlaşdırılmasında istifadə edilir. Fərz edin ki, son bir
neçə il ərzində satış aşağıda göstərilən cədvəldəki kimi olmuşdur:
Dostları ilə paylaş: | 
