Guliston davlat universiteti

Nazorat savollar: 
1. O‘lchash vositalari? 
2. Kalibrlanishiga doir talablar? 
3. Kalibrlash ishlarining sifatini omillari? 
Qishloq xo‟jaligi mahsulotlarini tekshirishda qo‟llaniladigan fizik usullarni o‟rganish. 
Ishning maqsadi:
Mahsulotlar tarkibini aniqlashning fizikaviy usullari, ularning kimyoviy tarkiblarini, 
fizikaviy, mikrobiologik, texnologik xususiyatlarini aniqlashda keng qo‗llaniladi. O‗lchash usuli, o‗z navbatida, 
fizikaviy va fizik – kimyoviy, kimyoviy, mikrobiologik, tovarshunoslik-texnologiya usullarga bo‗linadi. Bu 
usullarning qulayligi shundan iboratki, unda natija miqdoran ya‘ni, raqamlar bilan va bu natija katta aniqlikda 
ifodalanadi.
Qishloq xo‗jaligi mahsulotlarining tarkibini tekshirishning ushbu usullari maxsulotning solishtirma 
og‗irligini, yopishqoqligini, erish, qotish va qaynash haroratini, optik xususiyatlarini aniqlashdan iboratdir. 
Mahsulotning solishtirma og‗irligi va zichligini areometr, piknometr va gidrostatik tarozilar yordamida o‗lchash 
mumkin. Ularning solishtirma og‗irligi asosida ma‘lum darajada kimyoviy tarkibi va sifati haqida so‗z yuritish 
mumkin. 
Yog‗larning erish va qotish harorati asosida ular tabiatining tozaligini va ma‘lum darajada uning tarkibida 
qanday yog‗ kislotalari borligi haqida ma‘lumotga ega bo‗lish mumkin. Yog‗larning erish va qotish harorati 
yog‗ning qattiq holatdan suyuq holatga o‗tish paytidagi haroratini termometr bilan o‗lchash natijasida aniqlanadi. 
Oziq – ovqat mahsulotlarining optik xususiyatlari esa polyarimetriya, refraktometriya, fotokalorimetriya, 
lyuminessent hamda xromatografiya usullari yordamida aniqlanadi. 
Refraktometriya usuli 
Refraktometriya usuli bilan oziq – ovqat mahsulotlari tarkibida yog‗ning, suvning, spirtning, qandning va 
boshqa quruq moddalarning foiz miqdorini aniqlash mumkin. Ushbu usulni tahlil asosida o‗rganamiz. 
Refraktometriya usuli nurning bir muhitdan ikkinchi bir muhitga o‗tis h paytida uning yo‗nalishining 
o‗zgarishiga yoki sindirish ko‗rsatkichi koeffitsientlarini aniqlashga asoslangandir. Masalan, refraktometr 
yordamida asalning tarkibida qancha suv borligini, sharbatlar tarkibida qancha quruq modda borligini yoki bo‗lmasa 
moy va yog‗larning sindirish ko‗rsatkichlari orqali ularning tozaligini va buzilgan – buzilmaganligini aniqlash 
mumkin. 
Refraktometriya usuli moddaning nur sindirish ko‗rsatkichini (refraksiyasini) aniqlashga asoslangan. Bunda 
moddaning tabiati, uning tozaligi yoki eritmadagi tarkibi aniqlanadi. Bu usulda juda oddiy hamda nihoyatda kam 
miqdorda bo‗lgan moddalarni ham aniqlash mumkin bo‗lganligi uchun hozirgi vaqtda ko‗p qo‗llaniladi. 
Qishloq xo‗jalik mahsulotlarining tarkibini tahlil qilish uchun bu usuldan keng foydalanilmoqda. Shu 
jumladan oziq – ovqat mahsulotlari –yog‗, moy, tomatli mahsulotlar, murabbo va jemlar refrektometriya yordamida 
tekshirilmoqda. Masalan, oziq – ovqat mahsulotlari tarkibidagi yog‗ni miqdoriy aniqlash, suyuqliklardagi spirtning 
miqdorini o‗lchash, konditer mahsulotlari va har xil noalkagol ichimliklar tarkibidagi asosiy mahsulotni texnologik 
protsesslar jarayonida nazorat qilishda refraktometriyadan keng foydalaniladi. 
Refraktometrlar yordamida nur sindirish ko‗rsatkichi aniqlanadi. Moddaning tozaligi uning aniqlangan 
sindirish ko‗rsatkichini jadvaldan olingan toza moddaning konstantasi bilan taqqoslab ko‗riladi. Agar moddaning 
nur sindirish ko‗rsatkichi kerakli qiymatdan ko‗pi bilan 0,001 ga farq qilsa, bunday modda toza hisoblanadi. 
Nur sindirish ko‗rsatkichi temperaturaga bog‗liq, shuning uchun refraktometriya o‗lchashlarni 20 S da 
bajarish qabul qilingan. O‗lchash vaqtida temperaturalar orasida farq bo‗lsa, u holda maxsus jadvaldan 
temperaturalar farqining qiymati ham hisobga olinadi. Bosim ortishi bilan nur sindirish ko‗rsatkichi ham ortadi. 
Nur sindirish ko‗rsatkichini aniqlash usuli ikki xil muhit chegarasidan monoxramatik nur o‗tganda nurning 
burilish (sinish) prinsipiga asoslangan. Nurning to‗liq ichki qaytish burchagining qiymati refraktometr shkalasidan 
olinadi. Laboratoriyalarda foydalaniladigan ko‗pchilik refraktometrlarning oddiy umumiy tuzilishi bilan tanishaylik. 
Ko‗pchilik refraktometrlarda tushirilayotgan suyuqlik ikkita prizma orasida joylashtiriladi. Prizmadan o‗tayot gan 
nur sinadi yoki u muhit chegarasi orasidan aks etishi natijasida, yaqqol yorug‗ va qorong‗u chegara hosil bo‗ladi. 
Shkaladagi bu chegaraning o‗rni tekshirilayotgan moddaning to‗liq ichki qaytish burchagiga bog‗liq. 
Yorug‗lik manbai sifatida natriydan ajralib chiqadigan monoxromatik nur yoki oddiy yorug‗lik nuridan 
foydalaniladi va maxsus oyna bilan yorug‗lik tushudigan holatga keltirilib, so‗ngra yorug‗lik prizmaga 
yo‗naltiriladi. Ma‘lumki, yorug‗lik har xil to‗lqin uzunlikdagi nurlardan tarkib topgan. Yorug‗lik prizmalardan 

---

52 
o‗tayotganda dispersiya hodisasiga uchraydi. Natijada ikki chegara orasida (yorug‗ qism bilan qorong‗u qism 
chegarasida) kamalak chiziqchalar hosil bo‗ladi. Bu refraktometr shkalasidan hisob olishni qiyinlashtiradi. Hozirgi 
vaqtda chiqarilayotgan refraktometrlarda yorug‗lik dispersiyasini yo‗qotish uchun kompensatorlar qo‗yilgan. 
Kompensator dastasini burash bilan yaqqol yorug‗ va qorong‗i chegara hosil qilinadi. Refraktometr ko‗rsatkichining 
to‗g‗ri ishlayotganligini tekshirish uchun normal suyuqliklardan yoki distillangan suvdan foydalaniladi. Distillangan 
suvning 20 S dagi nur sindirish ko‗rsatkigi 1,333 ga teng. 
Qayta ishlash korxonalarining laboratoriyalarida ko‗pincha, IRF – 22 markali (3.1-rasm) va RPL – 
IRF – 22 markali refraktometrda nur sindirish ko‗rsatkichi 1,3 – 1,7 oraliqda bo‗lgan moddalar o‗lchanadi. 
Bu refraktometrlardan suyuq va qattiq holatdagi sanoat va oziq – ovqat mahsulotlarining eritmalarini analiz qilishda 
foydalaniladi. RPL – 3 markali refraktometrlar suyuqliklarni hamda konditer mahsulotlardagi, konservalardagi, 
kraxmaldagi quruq moddalarning miqdorini saxaroza miqdoriga taqqoslab nur sindirish ko‗rsatkichini aniqlashga 
mo‗ljallangan. 
Polyarimetriya usuli 
Polyarimetriya usuli ba‘zi optik faol moddalar eritmalarining nur tebranishlari yo‗nalishlarini o‗zgartirish 
qobiliyatiga asoslangan. Masalan, bu usul bilan saxarimetr asbobi yordamida shakar eritmalari tarkibidagi 
saxarozaning foiz miqdorini va ularning tarkibida qanday shakar miqdori borligini aniqlash mumkin . 
Polyarimetriya usuli ayrim moddalarning yorug‗lik nuri tebranishlarini ma‘lum yo‗nalishga o‗zgartirish 
xossasiga asoslangan. 
Turli tekislikda harakat qilayotgan oddiy yorug‗lik nuri maxsus Niko prizmadan o‗tkazilganda qutblanib, 
muayyan tekislikda yo‗nalsa, bunday nur qutblangan nur deyiladi. Qutblangan nurning harakat tekisligi 
perpendikulyar bo‗lgan tekislik qutblanish tezligi deyiladi. Organik birikmalardan qutblangan nur o‗tkazilganda 
ulardagi qutblanish tekisligi o‗ngga yoki chapga burish xususiyati moddaning optik aktivligi deb ataladi. Optik 
aktivlik moddaning kristall panjarasi tuzilishining o‗ziga xos xususiyatlariga (agar optik aktiv modda kristall holatda 
bo‗lganda nomoyn bo‗lsa) yoki molekulaning tuzilish xususiyatlariga (agar eritma hosil bo‗lganda optik aktivlik 
nomoyon bo‗lsa) asoslangan. Masalan, saxaroza, fruktoza, glyukoza va vino kislotalari eritma holida ham optik 
aktivlik nomoyon qiladi.