Transporti. - Transport yo`lining uzunligi 7,3 ming km. Ichki yuklarning asosiy qismi avtomobil transportida tashiladi. Avtomobil yo`llarining uz. 167 ming km. Dengiz savdo floti tonnaji 8345 ming t dedveytni tashkil etadi. Fors qo`ltig`idagi asosiy portlari: BandarAbbos, BandarHumayniy, Bushir, Xark, Obodon, BandarMohshahr; Kaspiy dengizida — Enzeli, Novshahr, Amirobod. Tehron, Sheroz, Isfahon, BandarAbbos, Obodon, Tabrizda xalqaro aeroportlar bor.
Tashqi iqtisodiy aloqalari. - Chetga neft va neft mahsulotlari, gilam, gaz, paxta, meva, teri, metall buyumlar chiqaradi; chetdan oziq-ovqat, mashina va jihozlar, sanoat xom ashyosi oladi. Tashqi savdoda Germaniya, Italiya, Kuvayt, BAA va boshqalar mamlakatlar bilan hamkorlik qiladi. E.da xorijiy sayyohlik rivojlangan. YUNESKO tomonidan qayd etilgan dunyo sivilizatsiyasi merosiga oid 12 tarixiy yodgorlikning 3 tasi E.da joylashgan. 2001 yil E.ni 1402160 xorijiy sayyoh ziyorat qildi, xorijiy sayyohlikdan tushgan daromad 1,112 mlrd. AQSH dollarini tashkil etdi. Pul birligi — rial.
O'zbekiston Respublikasi va Eron Islom Respublikasi o'rtasida savdo-iqtisodiy sohadagi hamkorligi - Bugungi kunda O'zbekiston Respublikasi va Eron Islom Respublikasi o'rtasida o'zaro manfaatli hamkorlikning yo'nalishlari va tamoyillarini belgilovchi 50 ga yaqin hukumatlararo va idoralararo shartnomalar imzolangan.
- Ikki tomonlama savdo-iqtisodiy hamkorlik munosabatlari quyidagi Bitimlar bilan tartibga solinadi:
- O'zbekiston Respublikasi bilan Eron Islom Jumhuriyati o'rtasida iqtisodiy, sanoat va ilm-texnika sohalarida hamkorlik to'g'risida o'zaro Anglashuv Memorandumi
- (Tehron, 1992 yil 25 noyabr);
- O'zbekiston Respublikasi bilan Eron Islom Jumhuriyati o'rtasida transport vositasida yuk tashish sohasidagi hamkorlik to'g'risida o'zaro Anglashuv Memorandumi
- (Tehron, 1992 yil 25 noyabr);
- O'zbekiston Respublikasi Hukumati bilan Eron Islom Respublikasi Hukumati o'rtasida xalqaro avtomobil` aloqasi to'g'risida Bitim (Tehron, 1993 yil 18 oktyabr);
- O'zbekiston Republikasi Hukumati bilan Eron Islom Respublikasi Hukumati o'rtasida investitsiyalarni o'zaro rag'batlantirish va himoya qilish to'g'risida Bitim
- (Tehron, 2000 yil 11 iyun);
Dostları ilə paylaş: |
