- 42 -
NAXÇIVAN DÖVLƏT UNİVERSİTETİ.
ELMİ ƏSƏRLƏR, 2018, № 1 (90)
NAKHCHIVAN STATE UNIVERSITY.
SCIENTIFIC WORKS, 2018, № 1 (90)
НАХЧЫВАНСКИЙ ГОСУДАРСТВЕННЫЙ УНИВЕРСИТЕТ.
НАУЧНЫЕ ТРУДЫ, 2018, № 1 (90)
AYDIN ŞİRİYEV
Bakı Avrasiya Universiteti
SƏYAVUŞ GÖZƏLOV
Azərbaycan Memarlıq və İnşaat Universiteti
UOT: 159
SÜLH VƏ HƏRBİ MÜNAQİŞƏ DÖVRÜNDƏ YARANAN FÖVQƏLADƏ HALLAR
ZAMANI PSİXOLOJİ DAVAMLILIĞIN FORMALAŞMASI
Açar sözlər: daxili və xarici hazırlıq, psixoloji komponentlər, psixoloji möhkəmlik, təhlükə,
məsuliyyətlilik, hərbi hazırlıq
Key words: internal and external preliminary, psychological components, psychological
strength, danger, responsibility, battle training.
Ключевые слова: Внутренние и внешние компоненты, психологическая подготовка,
психологическая выдержка, угроза, ответственность, военная подготовка.
Sülh və hərbi münaqişə dövründə fövqəladə halların zədələyici amilləri insanların həyat
fəaliyyətinə, sağlamlığına ziyan vurur və maddi sərvətlərin itkilərinə gətirib çıxarır. Bu ziyan və
itkilərin qarşısının alınması və yaxud onların azaldılması, mühafizənin planlaşdırılması, təşkili və
həyata keçirilməsi birbaşa “insan faktoru” ilə əlaqəlidir. Məsələn, “Günəşli” yatağındakı 10 saylı
dərin dəniz özülündə baş vermiş qəza nəticəsində üç hasilat quyusunun
dərin dəniz özülündə
yüksək atmosfer təzyiqi ilə işləyən sualtı qaz xəttinin dayaq borusu qırılması, boru kəmərinin
zədələnməsi və yanğının baş verməsi nəticəsində 63 nəfər zərər çəkmişdir [1]. Rusiyanın Komi
Respublikasındakı neft yatağında 600 kvadrat metr sahədə
"Lukoyl" şirkətinə məxsus neft
quyusunun yanması ilə əlaqədar yanğınla mübarizəyə 185 yanğınsöndürən şəxs və 84 texnikanın
cəlb edilməsi nəticəsində yanğın söndürülmüşdür [2].
Hərbi xarakterli fövqəladə halların (HXFH) qarşısının alınması və onun nəticələrinin aradan
qaldırılmasını təmin etmək məqsədilə əhalinin və müxtəlif qoşun növləri bölmələri şəxsi heyətinin
iştirakına birgə nail olunması, onların döyüş və psixoloji hazırlığının daim yüksək səviyyədə
saxlanılması, mənəvi-döyüş potensialının müasir tələblərə uyğunluğu çox vacibdir [3].
Göstərilən misallardan aydın olur ki, sülh və hərbi dövründəki fövqəladə hallarda həyat
fəaliyyətinin təmin edilməsi insan psixi fəaliyyətinin təmin edilməsi, onlarda yaranan psixi
vəziyyətlərinin fövqəladə halların yaratdığı ekstremal situasiyalar tələblərinə cavab verməsi
istiqamətində formalaşdırılması aktuallıq kəsb edir.
Müxtəlif xarakterli fövqəladə halların (MXFH) ayrı-ayrılıqda və ya birinin digərinə
təsirindən digər halların meydana çıxması ilə əlaqədar olaraq şəxsi heyətinin mühafizəyə daimi
hazırlığının – psixoloji davamlılığın təmin edilməsi çox vacibdir.
Müxtəlif qoşun (SQ və FHN) növlərində daimi yüksək hazırlığın təmin edilməsi üçün
yanğınsöndürmə bölmələrinin, hərbi hissələrin və gəmilərin döyüş postu və onların növbəsi üzrə
növbətçilər və ya vaxta üzrə (gəmilərdə) cədvəllər hazırlanmışdır. Bununla əlaqədar olaraq,
müxtəlif qoşun növləri üzrə hərbçilərdə yüksək ixtisasçılıq və peşəkarlıq keyfiyyətlərini özündə əks
etdirən daxili döyüş hazırlığı əlamətlərinin formalaşdırılması xüsusi psixoloji məşğələlərin tədris
prosesində istifadəsini tələb edir [4].
Hərbçilərin daxili döyüş hazırlığının əsas komponentlərini şərti olaraq aşağıdakı qruplara
ayırırlar:
- mahiyyət
komponentləri;
- ali və ya spesifik
komponentlər;
- döyüş əməliyyatlarının başlanması ilə bilavasitə əlaqədar komponentlər.
- 43 -
Daxili döyüş hazırlığının mahiyyət komponentini şərti olaraq bir-birilə qarşılıqlı əlaqədə
olan iki qrupa ayırmaq məqsədəuyğundur.
Birinci qrup – daxili hazırlığın əsas komponenti. Bu, şəxsi imkanlardır və onların köməyi ilə
müxtəlif qoşun növlərində olan hərbçilər istənilən tapşırığı yerinə yetirirlər və döyüş hazırlığı üzrə
məşğələlərin gedişində istifadə edirlər. Bu komponentlər hərbçilərdə (xilasedicilərdə) Azərbaycan
Respublikası Prezidentinin apardığı daxili, xarici və iqtisadi siyasətin dərk edilməsini, öz
dövlətçiliyinə və müstəqilliyinə inamı, elmi dünyagörüşü, baxışları, ideyaları, cəmiyyətin inkişafı
naminə maraq və tələbatları, ideologiyamızın tələblərinə cavab verən əxlaq və hərbi nizamnamələri
dərindən bilməyi ifadə edir. Borc hissləri və məsuliyyətlilik, şüurlu nizam–intizamlılıq, xidmət etdiyi
qoşun növünün özünəməxsus gözəlliyini dərk edərək xidmət etmə və döyüş ustalığına yiyələnmə
bacarığı aiddir. Bu komponentlərin məcmusu hər bir hərbçinin, eləcə də bütün şəxsi heyətin daimi
döyüş hazırlığının əsasını təşkil edir [5]. Bununla birlikdə hər bir ixtisas, vəzifə, şərait və tapşırıqlar
insanlarda xüsusi keyfiyyət, bilik, bacarıq, vərdiş, adət və qabiliyyətlər tələb edir.
Döyüş hazırlığının təminatının şəraiti və tədbirləri, sülh dövründən atəşkəs və oradan
müharibə şəraitində fəaliyyətin çətinlikləri, xüsusən də qəfil hücum şəraitində baş verən hadisələr
müxtəlif qoşun növlərində xidmət edən hərbçilərin daxili döyüş hazırlığı məcmuəsinə xüsusi
tələblər verməklə ikinci komponentlərini- ali və ya spesifik komponentlər qrupunu əmələ gətirir.
Bunlara aiddir: tələblərə münasibət, döyüş hazırlığına nail olmağın metod və kriteriyaları, yüksək
sayıqlıq, düşmən qüvvələrinin hərbi hazırlığına diqqət, eyni zamanda onların niyyət və
məqsədlərinin vaxtında və düzgün duymaq (anlamaq), düşmənin müharibəni başlama formalarını
və onların öz fikirlərini maskalama üsullarını bilmək, hərbi-siyasi vəziyyətin dəyişməsi ilə əlaqədar
olaraq müharibənin olma ehtimalını və başlanma müddətini düzgün qiymətləndirmə, düşmənin
həqiqətən hücuma hazırlaşma əlamətlərinin vaxtında aydınlaşdırmağı və qiymətləndirməyi
bacarmaq və s.
Müxtəlif qoşun növlərində hərbçilərin daimi döyüş hazırlığının spesifik tərkib hissəsi
aşağıdakılardan ibarətdir: ekstremal və mürəkkəb şəraitli, uzun müddətli çöl çıxışlarının, dəniz
yürüşlərinin, qəza-xilas etmə işlərinin təşkili, hava uçuşlarının xüsusi psixoloji hazırlığı, xidmətin
monoton və uzun müddətliliyin meydana çıxmasına yüksək sayıqlılıq və hazırlığa davamlılığı,
tədbirlərin uzun müddətliliyə psixoloji davamlılığı. Bununla yanaşı, həm də şəxsi hazırlıq
səviyyəsinin sərbəst nizamlanması və özünə nəzarət etmə bacarığı, öz imkanlarını tam səfərbər
etmə qabiliyyəti, müvəqqəti uğursuzluğa, qeyri-müəyyənliyə, gözlənilməz hadisələrə, yeniliklərə,
ekstremal və həddindən artıq gərginliyə davamlılıq, risqə, təhlükəyə, məsuliyyətə hazırlıq, yüksək
sürətli
iş üçün xüsusi keyfiyyətlər, şərait üzrə çevik hərəkət etmə qabiliyyəti tələb edilir [5].
HXFH nəticələrinin aradan qaldırılmasında hədəflərin vaxtında müəyyən edilməsi, hücum
anı haqqında düzgün məruzə, xəbərdarlıq, həyəcan siqnalı ilə hərəkət, müxtəlif silahlardan atəşin
açılması, böyük əməliyyat kəsb etsə də, bununla əlaqədar meydana çıxan döyüş hazırlığı psixoloji
davamlılıqdan da xeyli asılıdır. Psixoloji davamlılıq döyüş əməliyyatlarının aparılmasında ordunun
sərəncamında olan silahlardan, döyüş texnikasından istifadə etmək bacarığında özünü göstərir.
Başqa sözlə desək, şəxsi heyətin yüksək psixoloji davamlılığı düşmənin vaxtında darmadağın
edilməsi üçün tapşırıqlarının yerinə yetirilməsini, şəxsi heyətin psixikasının və bütün fəaliyyətinin
döyüş qaydalarına uyğun qurulmasını təmin edir [5].
Müxtəlif qoşun növlərində hərbçilərin psixoloji davamlılığı özünəməxsusluğu və psixoloji
komponentləri mövcudluq formasına görə də fərqlənir. Bir qrup komponentlər özündə hər bir
insana məxsus davamlı psixoloji komponentləri (xasiyyət, keyfiyyət, inam, bilik, bacarıq, vərdiş,
adətləri və s.) birləşdirir.Hərbi birləşmə qarşısında duran döyüş tapşırığının yerinə yetirilməsi
müxtəlif olduğu səbəbindən psixoloji davamlılıq komponentləridə müxtəlif ola bilər (kollektiv rəy,
maraq, səy göstərmə, qarşılıqlı münasibətlər, təşkil olunma, nizam-intizamlılıq, döyüş təcrübəsi,
mütəşəkkillik və s.). Bu qrupa daxil olan komponentlər zəruri funksiyaların yerinə yetirilməsi
imkanlarını ifadə edir və buna görə də ilkin, uzun müddətli və qabaqcadan olan hazırlıq adlanır. Bu
isə hər bir xilasedicinin və hərbi kollektivin döyüş qabiliyyətini ifadə edir.
Hərbçilərin (xilasedicilərin) psixoloji davamlılığı - döyüş əhval-ruhiyyəsi, psixi vəziyyəti
onun verilmiş anda psixi proseslər (yuxarıda baxılan bütün komponentlərin - imkanların səfərbərbər