35
Nazirlər Sovetinin tabeliyinə verildi. Bundan sonra arxiv işinə və arxiv sənədlərindən istifadəyə
diqqət artırıldı.
1928-1930-cu illər arasında muxtar respublikanın rayonlarında da dövlət arxivlərinin
yaradılmasına başlandı. İlk dəfə Şərur, Ordubad, Culfa və Şahbuz rayonlarında, 1979-cu ildə Babək
rayonunun yaranması ilə Babək rayonunda, 1990-cı ildə Sədərək rayonunda, 2004-cü ildə Kəngərli
rayonunun yaranması ilə Kəngərli rayonunda dövlət arxivi təşkil olunmuş və xalqımıza xidmət
etməyə başlamışdır. Hazırda Naxçıvan Muxtar Respublikası Arxiv İdarəsi tabeliyində bir muxtar
respublika dövlət, bir şəhər və 7 rayon dövlət arxivi fəaliyyət göstərir. Bu arxivlərdə elmin,
mədəniyyətin və ictimai həyatın müxtəlif sahələrini özündə əks etdirən 430 mindən çox kağız əsaslı
idarəçilik işi, elm, mədəniyyət, ədəbiyyat və incəsənət xadimlərinin 2000-ə qədər işdən ibarət elmi
və texniki sənədləri, 80 mindən çox foto və 4 mindən çox kino sənədi mühafizə olunur.
Xalqımız öz mənəvi sərvəti olan arxivlərinə yalnız 1991-ci ildə sovet rejimi dağılandan
sonra sahib oldu. Müstəqil respublikamızın ərazisində olan bütün arxivlər Azərbaycan xalqının
həqiqi mənəvi sərvətinə çevrildi. İllərlə “bağlı qapı” arxasında qalan bu sənədlərdən tariximizin
tədqiqində geniş istifadə olunmağa başlandı.
Ulu öndər Heydər Əliyevin Azərbaycan xalqı qarşısında unudulmaz xidmətlərindən biri də
onun xalqımızın tarixinə, mədəniyyətinə böyük övladlıq məhəbbəti idi. O, yaxşı başa düşürdü ki,
bir xalqın həqiqi tarixi yalnız ilkin mənbələr olan arxiv sənədləri əsasında yazıldıqda daha dəyərli,
dəqiq və inandırıcı olur. Böyük zəka sahibi olan Ümummilli liderimiz hansı sahəyə müraciət
etmişsə orada böyük müvəffəqiyyət qazanmışdır. Onun qarşısında fəth edə bilməyəcəyi bir zirvə,
öhdəsindən gələ bilməyəcəyi iş yox idi. Çoxları bunun səbəbini bu dahi şəxsiyyətin nadir fitri
istedadında görürlər. Bu həqiqətən də belədir və təkzibolunmaz faktdır. Lakin Heydər Əliyevin iş
üslubuna yaxından bələd olanlar bu dahi şəxsiyyətin həyatda qazandığı müvəffəqiyyətlərin səbəbini
onun ilahi tərəfindən verilmiş fitri istedadı ilə yanaşı əməksevərliyində, özünə qarşı hədsiz
tələbkarlığında və daima özü üzərində gərgin işləməsində görürlər. Hər hansı bir ümumdövlət
əhəmiyyətli məsələ hazırlanarkən o, həmin məsələyə aid müxtəlif mənbələrdən mümkün qədər
çoxlu sənəd və materiallar toplatdırırdı. Əldə olunan materialları komputer dəqiqliyi ilə işləyir, fikir
süzgəcindən keçirir və irəli sürdüyü fikirin məntiqi müqabilində alternativ söz deməyə yer
qoymurdu.
Müstəqillik əldə etmiş respublikamızda başqa sahələrdə olduğu kimi, arxiv işi sahəsində də
suveren dövlətə məxsus yeni qanunvericilik və normativ aktlar yaranmalı idi. Bütün bunların
memarı ümimmilli lider Heydər Əliyev olmuşdur. “Milli arxiv fondu haqqında” Azərbaycab
Respublikası Qanunu bu işin səmərəli həyata keçirilməsi üçün demək olar ki, təməl daşı rolunu
oynadı. Qeyd edək ki, SSRİ məkanında arxiv işi sahəsində qanun qəbul edilməmiş, bu sahədə
normativ aktlar yalnız SSRİ Nazirlər Sovetinin təsdiq etdiyi “SSRİ Dövlət Arxivi fondu haqqında
Əsasnamə” ilə tənzimlənirdi.
“Milli arxiv fondu” qanunu üzərində uzun müddət iş aparılmış, 1998-ci ildə Milli Məclisə
təqdim edilmiş, 199-cu ilin iyun ayında “Milli Arxiv fondu haqqında” Azərbaycan Respublikasının
Qanunu qəbul edilmiş və Ümummilli liderimiz Heydər Əliyev tərəfindən 1999-cu il iyul ayının 22-
də təsdiqlənmişdir. Qanun arxiv işinin təkmilləşməsi və inkişafı yolunda çox gözəl perspektivlər
açmışdır (6). Fərmanda qanundan irəli gələn vəzifələrin yerinə yetirilməsi üçün Respublika Nazirlər
Kabineti və digər icra hakimiyyəti strukturları qarşısında konkret vəzifələr qoyulmuşdur. 5 fəsil, 23
maddədən ibarət olan qanun Azərbaycan Respublikasında milli arxiv fondunun formalaşması,
mühafizə və arxivlərin fəaliyyəti ilə bağlı münasibətləri tənzimləyir. İlk fəsil ümumi müddəalar,
ikinci fəsil Milli Arxiv Fondunun tərkibi və təşkili, üçüncü fəsil Milli Arxiv Fondu sənədlərinin
uçotu və mühafizəsi, dördüncü fəsil Arxiv işinin idarə olunması və sonuncu fəsil Yekun
müddəalardan ibarətdir.
36
Bu qanunun 2-ci maddəsində Milli arxiv fondunun qanunvericilik bazası göstərilmişdir.
Milli arxiv fondunun qanunvericilik bazası əsasən bu qanundan, Azərbaycan Respublikasının
müvafiq qanunvericilik aktlarından və Azərbaycan Respublikasının tərəfdar çıxdığı dövlətlərarası
müqavilələrdən ibarətdir. Azərbaycan Respublikasının digər müvafiq qanunvericilik aktları dedikdə
ölkə ərazisində arxiv işi sahəsində qəbul olunan normativ-hüquqi aktlar nəzərdə tutulur. Əgər bu
qanunla ölkəmizin tərəfdar çıxdığı dövlətlərarası müqavilələr arasında ziddiyyət yaranarsa həmin
dövlətlərarası müqavilə tətbiq olunur. Qanunun 3-cü maddəsində əsas arxiv işi sahəsində dövlətin
əsas vəzifələri göstərilmişdir.
“Milli arxiv fondu haqqında” Qanuna görə Azərbaycan Respublikasının bütün hüquqi və
fiziki şəxsləri dövlət arxivində saxlanılan sənədlərdən istifadə etmək hüququna malikdir. Mühafizə
müddətindən asılı olmayaraq, dövlət arxiv fondu sənədlərindən istifadə qaydaları Azərbaycan
Respublikasının və Naxçıvan Muxtar Respublikasının Nazirlər Kabineti tərəfindən müəyyən olunur.
Qeyri-dövlət arxiv fondlarının sənədlərindən isə onların mülkiyyətçilərinin razılığı ilə istifadə oluna
bilər.
Azərbaycan Respublikası Milli Arxiv İdarəsinin rəisi, tarix üzrə elmlər doktoru, professor
Ataxan Paşayev xatirələrində yazır ki, “Ümummilli liderimizin sənədlərə münasibəti, onlara böyük
əhəmiyyət verməsinə fakt ilə bir daha 1999-cu ilin iyulunda Heydər Əliyevin siyasi hakimiyyətə
gəlməsinin 30 illiyi münasibətilə idman-konsert kompleksində təşkil olunmuş sərgidə rast gəldim.
Bu illərdə əldə edilmiş müvəffəqiyyətləri əks etdirmək üçün hər respublika təşkilatına iki stend
ayrılmışdı. O cümlədən Arxiv İdarəsinə də. Kompleksdə stendlər həddindən çox idi. Bizi
əvvəlcədən xəbərdar etmişdilər ki, öz stendlər barədə prezidentə yarım, ən çoxu bir dəqiqə
müddətində qısa məlumat verərsiniz. Əksər stendlər qarşısından ötəri keçən cənan prezident Arxiv
İdarəsinin stendi qarşısında 6-7 dəqiqə dayandı. Burada göstərilən sənədlərlə maraqlandı. Stenddəki
materiallar arasında başqa sənədlərlə yanaşı 1983-cü ildə Moskvada siyasi büronun üzvü, SSRİ
Nazirlər Soveti sədrinin birinci müavini kimi yüksək vəzifələrdə işləyərkən SSRİ Nazirlər Soveti
yanında Baş Arxiv İdarəsinin yeni rəisinin təyini zamanı onu kollektivə təqdim edərkən H.Əliyevin
çıxışının mətnini də qoymuşduq. Bu onun diqqətindən yayınmadı. Həmin çıxışı görən kimi orada
baş verənləri yada saldı. SSRİ-nin arxiv orqanları üçün qısa bir vaxtda xeyli köməklik etdiyini qeyd
etdi. Bu məsələ ilə bağlı onu da deyim ki, həmin təqdimatdan sonra Azərbaycandan Moskvaya Baş
Arxiv İdarəsinə yolu düşən hər bir şəxsdən oranın əməkdaşları ilk olaraq Heydər Əliyevin arxiv
işçisi olub olmamasını soruşurdular...”(3, v. 3).
Qeyd edək ki, Ümummilli liderimiz Heydər Əliyev hələ Naxçıvan Pedaqoji Texnikumunu
1939-cu ildə bitirdikdən sonra bir neçə ay Şahbuz rayonunda müəllim işləmiş, 1939-1941-ci illərdə
Naxçıvan MSSR Mərkəzi Dövlət Arxivində baş elmi işçi, məxfi şöbənin müdiri işləmiş və arxivdən
Milli Təhlükəsizlik orqanlarına aparılmışdır (4).
Mənəvi sərvətimizin böyük hamisi olan Heydər Əliyev tərəfindən imzalanmış bu qanun və
fərman ölkəmizdə arxiv işi və onun inkişafı ilə bağlı bütün məsələləri əhatə edir, onun
strategiyasını, gələcək işlərin başlıca istiqamətlərini müəyyənləşdirir.
Nəhayət qeyd edək ki, “Azərbaycan Respublikasında arxiv işinin təkmilləşdirilməsi
haqqında” Azərbaycan Respublikası Prezidentinin 2002-ci il 2 dekabr tarixli fərmanı arxiv işinə
verilən ən böyük dəyərdir. Həmin fərmanda Arxiv İdarəsinin statusunun genişləndirilməsi ilə
yanaşı, bu xidmət təşkilatının maddi-texniki bazasının təkmilləşdirilməsi və təchizatının
yaxşılaşdırılması, arxivlərin lazımi binalarla təmin olunması, mövcud binalarda təmir və bərpa
işlərinin aparılması arxiv işçilərinin sosial vəziyyətinin yaxşılaşdırılması və sair qarşıya çox mühüm
vəzifələr kimi qoyulmuşdur və müvəffəqiyyətlə həyata keçirilmişdir.
Fərmanda arxiv sənədlərinin qorunub saxlanması və onların istifadəsinin zəruriliyi qeyd
edilməklə yanaşı, bu sahəyə hərtərəfli qayğının artırılması da xüsusi vurğulanır. Bu tədbirlərdən
sonra ölkəmizin, Naxçıvan Muxtar Respublikasının tarixinin, mədəniyyətinin, ədəbiyyatının
Dostları ilə paylaş: |