316
NAXÇIVAN DÖVLƏT UNİVERSİTETİ.
ELMİ ƏSƏRLƏR, 2017, № 6 (87)
NAKHCHIVAN STATE UNIVERSITY.
SCIENTIFIC WORKS, 2017, № 6 (87)
НАХЧЫВАНСКИЙ ГОСУДАРСТВЕННЫЙ УНИВЕРСИТЕТ.
НАУЧНЫЕ ТРУДЫ, 2017, № 6 (87)
CAVADXAN QASIMOV
AMEA Naxçıvan Bölməsi
cavadxan.yusifoglu@mail.ru
UOT:338
HEYDƏR ƏLİYEV VƏ NAXÇIVAN MUXTAR RESPUBLİKASININ
DAVAMLI İNKİŞAFI
Açar sözlər: İqtisadi siyasət, iqtisadi idarəetmə, istehsal münasibətlər
Key words: Economic policies, economical management, production relations
Ключевые слова: Экономическая политика, экономическое управление,
производственные отношения.
Artıq bir həqiqətdir ki, Naxçıvan Muxtar Respublikası ümummilli liderimiz böyük Heydər
Əliyevin müasir iqtisadi şəraitdə bizlərə ərmağanıdır. Hələ ötən əsrin 90-cı illərinin əvvəllərində Ali
Məclisin Sədri işləyərkən Naxçıvan Muxtar Respublikası dövrün iqtisadi, siyasi və hərbi
böhranlarından xilas edilərək keçid etdiyimiz bazar münasibətlərinin prinsip, qanunauyğunluq və
tələblərinə uyğun gələn, onlara hazır olan, dolğun cavab verən, bununla da müasir iqtisadi
potensialın formalaşması və inkişafına münbit zəmin yaradan, eləcə də strateji mahiyyət daşıyan
regiona çevrildi. Təbii ki, bununla da muxtar respublika yüz illərlə inkişaf tarixi olan bazar
iqtisadiyyatının, ona xas münasibətlərin özünə kök saldığı bir məkan kimi formalaşdı.
Həmin siyasi xəttə sadiq qalaraq 1995-ci ildən Naxçıvan Muxtar Respublikasının ictimai-
siyasi, sosial-iqtisadi, mədəni-hüquqi və digər həyatında yeni mərhələ başlandı. Böyük Heydər
Əliyevin başlatdığı islahatlar iqtisadiyyatın sahə strukturunun ardıcıl və əlaqəli inkişaf mənzərəsinə
çevrildi. Bu dövrdə qarşıda duran əsas məqsədlər içərisində:
1. keçid dövrünün ola biləcək sıxıntılarının təsirinə qarşı maksimum müqavimət gücünün artan
miqyasda təmin edilməsi;
2. həyata keçirilən bütün tədbirlərin bazar münasibətlərinin tələb və qanunları əsasında düzgün
istiqamətləndirilməsi;
3. fəaliyyətin mikro səviyyədə qurulmasının məqsədyönlülüyü, onun mezoiqtisadi potensialın
gücləndirilməsinə stimulladırıcı təsiri və bununla da makroiqtisadi nailiyyətlər üçün faydalı
zəmin yaradılması;
4. iqtisadiyyatın sosialyönümlülüyünə şərait yaradacaq amillərin sistemliliyi və əlaqələn-
diriciliyindən
səmərəli istifadə edilməsi;
5. əmək ehtiyatlarından iqtisadiyyatın sahə strukturu üzrə onun əhəmiyyətli dərəcədə
təşkilatlanması məqsədləri əsasında istifadəsinin daim diqqətdə saxlanılması və s. məsələlərin
uzaq gələcək üçün nəzərdə tutulması mümkün oldu.
Naxçıvan Muxtar Respublikasında keçid dövründə yuxarıda sadalanan təminatlar ən üstün
səviyyədə bərqərar edilməklə, perspektiv inkişaf üçün yenə də ardıcıl tədbirlər həyata keçirildi ki,
bunlar da aşağıdakılardan ibarət olmaqla, ötən iyirmi iki ilə yaxın bir dövrün ən mühüm
nailiyyətlərini təşkil etməkdədir:
1. iqtisadiyyatın ən mühüm və başlıca istehsal vasitəsi olan torpaq üzərində xüsusi mülkiyyətin
inkişafından;
2. iqtisadi (istehsal) münasibətlərinin təkmilləşdirilməsindən;
3. milli-iqtisadi hədəf və prioritetlərin üstün tutulması əsasında strateji tədbirlərin həyata
keçirilməsindən;
4. dövrün çağırışları ilə səsləşən və müasir inkişaf səviyyəsinə uyğun gələn tədbirlərin həyata
keçirilməsindən;
317
5. innovativ məqsədlər çərçivəsində islahatların davamlılığının, eyni zamanda əhatəsinin
genişlənməsinin təminatı və iqtisadi-hüquqi mexanizlmərin çevikliyinin dəstəklənməsindən;
6. kəmiyyət göstəricilərinin keyfiyyət reallıqları ilə əsaslandırılmasından;
7. yeni istehsal sahələrinin təşfiqi və müəssisələrinin yaradılmasından, iş yerlərinin açılmasın-
dan, qanunvericilik əsasında hər cür iqtisadi fəaliyyətin dəstəklənməsindən, özünüməşğulluğun
stimullaşdırılmasından, nəticədə isə, ümumi məşğulluq səviyyəsinin yüksəldilməsindən ibarət
oldu.
Naxçıvan Muxtar Respublikası bu məqsədlərin gerçəkləşməsi fonunda sakinlərinin məcmu
mənafelərini tam ifadə edən, bununla da çevik şəkildə sosiallaşan iqtisadiyyata malik Muxtar
Dövlətə çevrildi. Sosiallaşan iqtisadiyyat məhz ictimai-siyasi sabitliyin, sosial-iqtisadi, mədəni-
hüquqi inkişaf və təhlükəsizliyin
mühüm göstəricisi, eləcə də nəticəsi olmaqla, bu anlayışlarda ifadə
olunan bütün sahələrin əhatəliliyini, sistemliliyini, dayanıqlığını, eyni zaman da əhalinin məşğulluq
səviyyəsinin yüksəldilməsini, maddi rifahının, firəvanlığının daha da yaxşılaşdırılmasını əks etdirir.
Qeyd etmək lazımdır ki, bütün bunlara nail olmaq üçün muxtar respublika keçən dövr ərzində öz
iqtisadi resurs və potensialını səfərbər etmişdir. İqtisadi mənafelər bazar münasibətləri əsas
tutulmaqla qorunmuş, müəyyənləşdirilən siyasət özündə ayrıca olaraq hər bir fərdin, bütövlükdə isə
bütün Naxçıvan sakinlərinin maraqlarını ifadə etməyi bacardı. Yəni sosiallaşmışdı. Nəticədə
dövlətin vahid sosial siyasətinin əsasları müəyyən olundu. Sosial siyasətin də elə əsas mahiyyəti
dövlətin daxili məcmu siyasətinin tərkib hissəsi olmaqla, onun sosial proqramlarında ifadə
olunması, gerçəkləşdirilməsi, əhalinin bütün sosial qruplarının mənafeyi naminə və maraqları
vasitəsilə cəmiyyətdə olan münasibətlərin tənzimlənməsində özünü göstərir (2, s. 66). Bu
baxımdan, muxtar respublikada insan amili, onun bir potensial kimi inkişafı hər zaman diqqət
mərkəzindədir. Məhz bu mənada Naxçıvan Muxtar Respublikası yeritdiyi dövlət siyasəti ilə ölkənin
milli, sosial-iqtisadi maraqları çərçivəsində öz sakinini:
1. davamlı firəvanlığın və xoşməramın təmin edilməsində təşəbbüskarlıq etməklə, ictimai
həmrəylik və qarşılıqlı yardım
prinsiplərinə sadiq tərəfdaş;
2. sosial-iqtisadi inkişaf siyasətinin yaxından iştirakçı;
3. vətəndaş kimi təkanverici amil, potensial olaraq məhsuldar qüvvə, məşğulluğun təmin
edilməsində isə çevik əmək ehtiyatı;
4. makroiqtisadi göstəricilərin yüksələn xətt üzrə davamlılığı fonunda milli iqtisadi inkişafın
surətləndirici amili;
5. bununla da iqtisadiyyatın çoxşaxəliliyinin, beynəlmiləlliyinin, dünyəviliyinin təminatçısı
kimi qoruyur, müdafiə edir.
Ümummilli lider böyük Heydər Əliyevin əsaslarını qoyduğu müstəqil Azərbaycan Respub-
likası özünün bütün sahələrdəki inkişafı ilə tarazlı və güclü dayaqlar formalaşdırmışdır. Bu gün
tərəddüd etmədən qeyd edə bilərik ki, ölkənin bütün bölgələrində ən müasir standartlar təmin olun-
muş və sosial-iqtisadi bərabərlik yaradılmışdır. Məhz Naxçıvan Muxtar Respublikası da bu siyasət-
dən bəhrələnərək, hətta davamlı və surətli inkişaf göstəriciləri ilə bu siyasətə öz töhfələrini verərək
qeyd olunan nailiyyətlərin məcmuusu kimi uğurlu regional siyasətin
işlək mexanizmlərini formalaş-
dırmışdır. İstər istehsal, istərsə də sosial (və yaxud da bazar) infrastruktur potensialından ərazinin
demoqrafik, iqtisadi və coğrafi amilləri əsas götürülməklə faydalı istifadə edilməkdədir. Ən ucqar
dağ kəndlərində belə özünə kök salmış kommunal təminatlar əhalinin məskunlaşma prosesində
stimullaşdırıcı təsirə malik olmuşdur. İqtisadiyyatın davam edən islahatlarla müşayiət olunan
inkişafı təsərrüfat fəaliyyətinin və istehsal (iqtisadi) münasibətlərinin yüksək təkanverici qüvvəsinə
çevrilmişdir. Xüsusilə 2004-cü ildən başladılan “Regionların sosial-iqtisadi inkişafına dair Dövlət
Proqramları” hazırda da üçüncü inkişaf mərhələsində olmaqla, Naxçıvan Muxtar Respublikasında
milli iqtisadi maraqlara xidmət edən təkmil bir iqtisadiyyat yaratmışdır. Qeyd edək ki, təkcə 2004-
2008-ci illəri əhatə edən eyni adlı Dövlət Proqramında muxtar respublikanın sosial-iqtisadi inkişafı
üçün 57, 2009-2013-cü illər üzrə isə 46 mərhələdə tədbir həyata keçirilmişdir. Bu göstərici hazırda
da 2014-2018-ci illər üzrə Dövlət Proqramında 57 mərhələdə tədbirlə uğurla icra olunmaqdadır.
Bu tədbirlər özündə sənaye və kənd təsərrüfatı sahəsinin inkişafı, ekologiya və təbii
sərvətlərdən istifadə, yol təsərrüfatı və nəqliyyat, elektrik enerjisi təchizatı, qaz təchizatı, rabitə