Namiq Abbasov, Rəhim Həsənov
~ ~
40
əsərləri kimi bu əsəri də çox çətin şəraitdə, ismaililərin
əlində həbsdə olarkən qələmə almışdı.
Tusinin 1232-ci ildə Kuhistan ismaililərinin rəhbə-
ri Nasirəddin Möhtəşəmin tələbi ilə yazdığı bu əsərdə etik
nümunələr, əxlaqi dəyərlər öz əksini tapmışdır. Müasir
dövrdə «Etika» adı ilə də tanınan bu kitabda Tusi özündən
əvvəlki məşhur filosofların da bəyənilmiş düşüncələrinə bu
əsərdə də rast gəlinir. Bunlardan əlvə olaraq Şərq
dünyasında tanınmış «Kəlilə və Dimnə», «Ərdəşir Babə-
kan», «Ənuşrəvanın vəsiyyətləri» kimi şifahi xalq ədəbiy-
yatının müdrik və aqilanə məsləhətləri də, eyni zamanda
«Mərzbannamə» («Canişinin kitabı») və «Siyasətnamə»
(«Siyasət kitabı») kimi ictimai-siyasi mövzulara həsr olun-
muş fikirləri də Tusi bu kitaba daxil etmişdir. (32,səh.13.)
Böyük Səlcuqlu dövlətinin vəziri, siyasətçi və tarixi
şəxsiyyət kimi məşhur olan Əbu Əli Əl-Həsən ət-Tusi
Nizamülmülkün (1018 - 1092) müdrik fikirlərinin cəmləş-
diyi «Siyasətnamə» əsəri formasında yazılan bu etik-fəlsəfi
traktatda Tusinin fəlsəfi dünyagörüşü və psixoloji-pedaqoji
fikirlərinə də rast gəlmək mümkündür. Bir sıra
əxlaqşünaslar Tusinin bu əsərini təqlid etmək istəsələr də
hələlik ki, 800 il ərzində fars dilində «Əxlaqi-Nasiri» kimi
ikinci bir yüksək səviyyəli əsərə təsadüf olunmadığı bir sıra
tədqiqatçılar tərəfindən vurğulanmışdır. Bu əsər Tusinin
dövründə müəyyən səbəblər üzündən üç dəfə yenidən
işlənmiş və hər dəfə yeni-yeni ideyaları bu əsərdə qeyd edə
bilmişdir. Üç məqalə, otuz fəsildən ibarət olan bu tarixi
abidə Yaxın və Orta Şərq ölkələrində uzun müddət əsas
əxlaq dərsliyi kimi işlənmişdir.
Bu məşhur əsərindən başqa Tusinin digər sanballı əsəri
«Zic-i elxani» («Elxani astronomik cədvəli») çoxlu