Birinci kitab
Yüklə 3,06 Mb. Pdf görüntüsü
|
54
dəyərləndirməsinə israr edirdi. Məktub yubadılmadan göndərildi və onun məzmunundakı xahiş də tezliklə icra olundu. Ailə səhər yeməyi yeyəndən az sonra missis Bennet iki qızının müşayiəti ilə Nezerfildə gəldi. Anası gəlib Ceyni təhlükəli vəziyyətdə görsəydi, o, şübhəsiz ki, bundan dilxor olardı. Ancaq o, Ceynin xəstəliyinin qorxulu olmaması ilə təskinlik taparaq, qızının çox tez sağalmasını arzulamadı, çünki bu halda Ceyn Nezerfildi tezliklə tərk etməli olacaqdı. Ona görə də o, Ceynin tezliklə öz evlərinə aparılması barədə xahişini hətta eşitmək belə istəmədi. Onun ardınca gələn əczaçı da yola çıxmağı ağıllı hərəkət saymadı. Missis Bennet bir qədər Ceynlə təklikdə qaldıqdan sonra miss Binqli onlann yanma qalxdı, onu və üç qızını səhər yeməyi otağına dəvət etdi. Mister Binqli onlan orada qarşılayaraq ümidvar olduğunu bildirdi ki, Ceynin durumu missis Bennetin gözlədiyindən daha ağır olmayıb. — Heyhat, ser, məhz elədir! — o, cavab verdi. — Yazıq qız çox pis haldadır, onu bu vəziyyətdə Lonqborna aparmaq mümkün deyil. Mister Consun rəyinə görə, bu barədə düşünmək də olmaz. Daha bir müddət sizin qonaqpərvərliyinizdən istifadə etməli olacağıq. — Lonqborna aparmaq! — Binqli səsləndi. — Bu haqda söhbət belə ola bilməz. Əminəm ki, mənim bacım Ceynin getməsi barədə eşitmək belə istəməyəcək. — Şübhəniz olmasın, xanım, — miss Binqli soyuq lütfkarlıqla qeyd etdi. — Miss Bennet bizim evdə qalsa, downloaded from KitabYurdu.org 55
ona lazımi diqqət ayrılacaq. Missis Bennet minnətdarlığını çox qaynar şəkildə bildirdi. — Ah, əminəm ki, — o, əlavə etdi, — onun ətrafında bu qədər yaxın dostlar olmasaydı, Allah bilir, ona nə olardı. Yazıq qız gerçəkdən də pis haldadır, o, dözümlü olmasına rəğmən elə iztirab çəkir ki. Ancaq bu, onun mələk xasiyyətinin özəlliyidir, beləsi ilə çətin ki, hardasa rastlaşa biləsiniz. Qızlarıma tez-tez deyirəm ki, onlar Ceyn kimi olmaqdan çox uzaqdırlar. Bu otaq çox xoşuma gəlir, mister Binqli! Parkın baş yoluna necə ecazkar mənzərə açılır. Bilmirəm bizim qraflıqda Nezerfild kimi guşə varmı. Siz onu tezliklə tərk etməyi düşünmürsünüz, elə deyilmi, hərçənd siz buranı qısa müddətə icarəyə götürmüsünüz? — Mən həmişə zirəkliyimlə fərqlənmişəm, — o, cavab verdi. — Əgər Nezerfildi tərk etməyi qərara alsam, ola bilər ki, artıq beş dəqiqədən sonra burada olmayım. Ancaq indilikdə, mənə elə gəlir ki, burada əsaslı şəkildə yurd salmışam. — Mən sizdən məhz bunu da gözləyirdim. — Elizabet dedi. — Siz mənim xasiyyətimi çözməyə başlayırsınız, doğrudurmu? — Binqli ona tərəf dönərək cavab verdi. — Bəli, mən sizi tam başa düşürəm. — Bunu kompliment saymaq istərdim. Ancaq şəffaf görünən insan, yəqin ki, bir qədər yazıq təsir bağışlayır. — Bu, durumdan asılıdır. Sizinkinə bənzər təbiətlərlə downloaded from KitabYurdu.org 56
müqayisədə qapalı və mürəkkəb xasiyyətlər mütləq yüksək və ya aşağı dəyərləndirilmir. — Lizzi, — missis Bennet sözə qanşdı, — lütfən, harada olduğunu unutma və evdə etdiyin kimi hər cür axmaqlıqları çərənləmə. Mister Binqli dedi: — Mən şübhə etmirdim də ki, siz insan xislətinin öyrənilməsi ilə məşğulsunuz. Bu, maraqlı predmet olmalıdır. — Mürəkkəb xasiyyətlə xüsusilə maraqlıdır. Bu üstünlüyü onlardan qoparmaq mümkün deyil. — Əyalət, — Darsi dedi, — bu cür incələmələr üçün az material verir. Burada ünsiyyətdə ola biləcəyin insanların dairəsi çox məhdud və dəyişməzdir. — Ancaq insanları özləri elə ciddi dəyişirlər ki, elə hey hər bir insanda yeni nəsə görmək olur. — Bəli, doğrudan da, — əyalət cəmiyyətindən bəhs edən Darsinin danışıq ahəngindən incimiş missis Bennet səsləndi, — sizi inandırmağa cəsarət edirəm ki, bütün bunlar əyalətdə şəhərdə olduğundan heç cür az deyil! Hər kəs heyrətləndi və Darsi missis Bennetə nəzər salaraq susqun halda kənarlaşdı. Fəqət həlledici qələbə qazandığını dərk edən qonaq uğurunu inkişaf etdirmək istədi: — Mən öz tərəfimdən hesab etmirəm ki, Londonun əyalətlər qarşısında hansısa ciddi bir üstünlüyü var — əlbəttə, mağazalar və əyləncələr nəzərə alınmasa. Əyalətdə yaşamaq xoşdur, doğrudurmu, mister Binqli? downloaded from KitabYurdu.org 57
— Mən əyalətdə olarkən, — o, cavab verdi, — oradan çıxıb getmək istəmirəm. Ancaq nə vaxt yolum paytaxta düşür, eyni hissləri keçirirəm. Buranın da, oranın da yaxşı tərəfləri var. Mən orada da, burada da eyni cür məsud ola bilərəm. — Bəli, ancaq bu sizin sağlam düşündüyünüzə görədir. Bu centlmen isə, — o, Darsiyə baxdı, — əyalət həyatına yuxandan baxır. — Siz yanılırsınız, xanım, — Elizabet anasının yerinə qızara-qızara müdaxilə etdi. — Siz mister Darsini yanlış anladınız. O, yalnız onu demək istədi ki, şəhərdə olduğu ilə müqayisədə əyalətdə müxtəlif insanlarla daha az rastlaşırsan, bununla, əlbəttə ki, siz də razılaşarsınız. — Əlbəttə, mənim əzizim, heç kim böyük müxtəliflikdən bəhs etmir. Yeri gəlmişkən, tanışlı dairəsinə gəlincə, inanmıram ki, o burada başqa yerdə olduğundan azdır. Bizi iyirmi dörd evə nahar etməyə dəvət edirlər. Əgər Elizabetin hisslərinə mərhəmət etməyi lazım bilməsəydi, çətin ki, mister Binqli bu yerdə sifətinin ciddi ifadəsini qoruyub saxlaya bilərdi. Onun bacısı bu qədər incə və həssas deyildi və mister Darsiyə xeyli ifadəli təbəssümlə baxırdı. Anasının düşüncələrini yeni məcraya yönəltmək üçün nəsə bir şey fikirləşməyə səy göstərən Elizabet missis Bennet dən soruşdu ki, o olmadığı müddətdə Şarlotta Lukas onlara gəlməyib ki. — Oh, bəli, dünən o atası ilə bizdə idi. Bu ser Uilyam çox əziz bir insandır, doğrudurmu, mister Binqli? Əsl downloaded from KitabYurdu.org Yüklə 3,06 Mb. Dostları ilə paylaş:
|