16
yaradılması üçün əsas təşkil edə biləcəklər. Həmin Məcəllənin icrası nəzarət orqanı tərəfindən
izlənilməli və təmin edilməlidir. Qoşma II-də İstehlakçı Hüquqlarının Müdafiəsi Məcəlləsi ilə
ünvanlandırıla biləcək məsələlərin xülasəsi verilir. Əlavə olaraq, Məcəllə konkret məsələlər üzrə
könüllü məcəllələrlə tamamlana bilər. Həmin məcəllələrin icrasını, nəzarət orqanı da müşahidə
edə bilər. Misal üçün, banklarda yoxlamaları apararkən, AMB, həmçinin, hər bank tərəfindən
Davranış Kodeksinin və ya digər işgüzar qaydaların yerinə yetirilməsini yoxlaya bilər. Digər
nəzarət orqanlar sektorlarda davranış kodeksləri ilə bağlı oxşar yanaşmanı qəbul etməlidirlər.
Əlavə olaraq, müştərilərə davranış kodekslər ilə tanış olmaq üçün nəşr olunmalı və əldə edilməsi
üçün geniş imkanlar yaradılmalıdır, və onlar, misal üçün, bank filiallarında təqdim edilməli və ya
bankların internet saytlarında yerləşdirilməlidir. QHT-lər və digər istehlakçı birlikləri bankın
rəhbərliyini banklar tərəfindən Məcəllənin şərtlərinin pozulması halları haqqında
məlumatlandırmalı və mümkün olduqda, Məcəlləyə riayət olunmasının təkmilləşdirilməsi üçün
bank tərəfindən görülə biləcək tədbirləri təklif etməlidir.
Mikromaliyyə və digər bank olmayan kredit təşkilatları üçün fərqli yanaşma tətbiq
olunmalıdır. AMA-nın gücləndirilməsini nəzərə alaraq, AMB mikromaliyyə təşkilatları
sahəsində aparıcı rolun AMA-ya verilməsini tövsiyə etmək olarn. Qoşma III-də AMA tərəfindən
mikromaliyyə təşkilatları üzrə qəbul oluna biləcək ətraflı İstehlakçı Hüquqlarının Müdafiəsi
Məcəlləsi təqdim olunur. Ondan sonra, AMA-nın üzvü olan hər mikromaliyyə təşkilatı etika
məcəlləsinə oxşar və təşkilatın tələblərinə uyğun olan müştərilərlə əlaqələrin tərzini müəyyən
edəcək istehlakçı hüquqlarının müdafiəsi məcəlləsini hazırlamalıdır..Bank Olmayan Kredit
Təşkilatları haqqında yeni Qanunun qəbul edilməsi ilə AMB mikromaliyyə təşkilatlarına nəzarət
üzrə rəsmi cavabdehlik daşıyacaq. Nəzarət prosesi çərçivəsində, AMB hər mikromaliyyə təşkilatı
tərəfindən hazırlanmış məcəlləni nəzərdən keçirməli və təşkilatın öz məcəlləsinə riayət etməsini
təmin etməlidir. AMB, İstehlakçı Hüquqlarının Müdafiəsi Məcəlləsinin bank sektoru ilə
müqayisədə mikromaliyyə sektorunda daha az icra edilməsi halında tənzimləmə arbitrajının
yaradılması imkanlarını qiymətləndirməlidir.
İstehlakçı assosiasiyaları istehlakçıların təhsili və məlumatlandırılması sahəsində daha
böyük rol oynamalıdırlar. QHT-lər istehlakçıların hüquq və öhdəlikləri haqqında
məlumatlandırılmasında daha böyük rol oynaya bilmələri üçün istehlakçı assosiasiyaları (misal
üçün, Müstəqil İstehlakçılar Birliyi) kimi gücləndirilməlidir. Bu cür gücləndirmənin dövlət
büdcəsindən və ya donor təşkilatlarından vəsaitindən ayrılması tələb edilə bilər.
Müştərilər üçün Məlumat və Açıqlamalar
İstehlakçılar üçün açıqlamalar Aİ-nin İstehlak Krediti üzrə Direktivinin icrası vasitəsilə
təkmilləşdirilməlidir. Aİ-nin əvvəlki Direktivi (87/102/EC) tələb edir ki, maliyyə təşkilatları
qüvvədə olan faiz dərəcələrini, yəni “illik faiz dərəcələrini (İFD)”
12
və digər əsas şərtləri
açıqlasınlar. Aİ-nin yenidən baxılmış Direktivi (2008/48/EC) daha təfsilatlıdır və bu cür xidmət
haqları və ödənişlər kreditin İFD-nə daxil edilməsi məqsədilə istehlak krediti üzrə bütün xidmət
haqları və ödənişlərin dəqiq bildirilməsini tələb edir.
13
2008-ci ilin aprel ayında təsdiq olunmuş
yenidən baxılmış Direktiv kreditorlar və kredit vasitəçiləri tərəfindən hər müştəriyə təklif olunan
məhsullar çeşidində onun ehtiyaclarına və maliyyə vəziyyətinə daha uyğun olan kredit
müqaviləsini seçmək üçün lazımi yardım göstərməsini tələb edir. Bundan əlavə, yenidən baxılmış
12
Yenilənməyən kreditlər üzrə illik faiz dərəcəsi və kreditin müddəti ərzində ödənişlər axının riyazi
baxımdan onun cari dəyərinə bərabərləşdirilməsi üçün istifadə edilən illik faiz dərəcəsi kimi ifadə olunan
maliyyə haqqıdır. Maliyyə haqqı kredit üzrə məsrəflərin dəyərini əks etdirir və faiz və yaranma haqları,
güzəştlər və özəl girovun sığortası kimi digər məsrəfləri daxil edir.
13
Avropa Parlamenti tərəfindən 2008-ci ildə qəbul olunmuş Direktivin surətini aşağıdakı ünvandan əldə
etmək olar
http://www.responsible-credit.net/index.php?id=1980&viewid=40939
17
Direktiv €200 və €75,000 arasında maliyyə xidmətlərini əhatə edir. Bu, cari Direktivdən daha
genişdir və “SMS kreditlərini”, yəni mobil telefonlara mətn mesajlarının göndərilməsi vasitəsilə
satılan kreditləri əhatə etmək niyyətindədir.
Əsas məlumatların açıqlanması
Nəzarət orqanları maliyyə təşkilatlarından müştərilərə dəqiq məlumatların verilməsini
tələb etməlidir. Banklardan – və bütün maliyyə təşkilatlarından – hər hansı hesabın açılmasından
və ya hər hansı maliyyə xidmətlərindən alınmasından əvvəl müştərilərə şərtlərin sadə dildə
təqdim edilməsi tələb olunmalıdır. Bunun səmərəli yollarından biri müqavilənin bağlanması
mərhələsində “Əsas Faktların Hesabatı” və ya hər hansı digər standartlaşdırılmış hesabatın tələb
edilməsindən ibarətdir. Maliyyə xidmətlərinin, xüsusilə mürəkkəb maliyyə məhsullarının
təchizatçılarından müştərilərə yalnız İFD-nin deyil, həmçinin, aşağıdakıların təmin edilməsi tələb
olunmalıdır: (1) kreditin ümumi dəyəri, (2) aylıq ödənişlərin məbləği, (3) kreditin və ya
investisiyanın yekun ödəniş tarixi; (4) ödəniləcək vəsaitin ümumi məbləği, (5) bütün mümkün
haqlar – xüsusilə avans ödənişlər və vaxtı keçmüş ödənişlərə görə cərimə - və digər ödənişlər, (6)
tələb olunan hər hansı depozitlər və ya avans ödənişlər, (7) faiz dərəcəsi dəyişkəndirsə,
hesablamanın əsası, və (8) kreditin təmin edilməsi üçün hər hansı əlavə sığortanın (misal üçün
şəxsi girovun sığortalanması) tələb olunması. Kreditin istehlak mallarının, misal üçün televizorun
və ya paltaryuyan maşının alınması üçün istifadə edilməsi halında, istehlakçı maliyyələşdirmə
haqları çıxmaqla məhsulun nağd qiyməti haqqında məlumatlandırılmalıdır. İstehlakçılar üçün
açıqlamalara, həmçinin, borcalanın və investorın hansı şikayətvermə mexanizmindən istifadə edə
bilməsi haqqında məlumat daxil olmalıdır. Əsas faktların açıqlanması üçün format istehlakçılara
maliyyə məhsullarının şərtlərini tez və asanlıqla anlamağa imkan verməlidir. Sadə maliyyə
məhsulları və xidmətləri üçün standart müqavilələr (və ya ən azı müqavilələr üçün standart
maddələr) maliyyə xidmətləri istehlakçılarının müdafiəsinin təkmilləşdirilməsinə kömək edərdi.
Standart müqavilələr,o cümlədən Əsas Faktlara dair Bəyənatların formatı da peşəkar
assosiasiyalarla məsləhətləşməklə maliyyə nəzarəti təşkilatları tərəfindən hazırlanmalıdır.
Həmçinin, nəzarət orqanı tərəfindən maliyyə təşkilatlarından verdikləri ictimai elanlarda
onların nəzarət orqanının göstərilməsinin tələb edilməsi məqsədəuyğun olardı. Bu cür
bəyanat misal üçün aşağıdakı formada ola bilər: “XYZ Bankına Azərbaycan Mərkəzi Bankı
nəzarət edir”.
Xüsusi məlumatların açıqlanması
Xüsusi risklər, həmçinin, istehlakçılara açıqlanmalıdır. İpoteka kreditləri və daşınmaz əmlakla
(misal üçün şəxsi ev və ya mənzil ilə) təmin edilən bütün digər kreditlər üçün mütləq
açıqlanmalıdır ki, kreditin ödənilməməsi halında kreditor əmlakı müsadirə edə bilər. Bundan
əlavə, xarici valyutada (misal üçün, Yaponiya yeni, İsveçrə frankı və hətta avro) ifadə olunmuş
kreditlər üçün, mütləq açıqlanmalı əsas faktlara valyuta məzənnələrində dəyişikliklər nəticəsində
daxili valyutaya çevrilməklə borcun ümumi dəyərinin arta bilməsi haqqında xəbərdarlıq daxil ola
bilər.
İnvestisiya məhsulları üçün əlavə xüsusi açıqlama tələb oluna bilər. İnvestisiya məhsulları
üçün
istehlakçı,
həmçinin,
hər
məhsuldan
alınan
faiz
komissiyası
haqqında
məlumatlandırılmalıdır. Prospektləri və pay investisiya fondlarının sadələşdirilmiş prospektləri,
xüsusilə daşınmaz əmlak fondlarının xalis aktiv dəyərinin hesablanması üçün açıqlama tələblərini
ətraflı qaydada müəyyən edən təlimatlar dərc olunmalıdır. Təlimatlarda, həmçinin, broker
hesabları və kollektiv investisiya fondları üçün hesabların açılması ilə bağlı açıqlamalar
standartlaşdırılmalıdır.