53
Lakin, Qərb ölkələrində geniş tətbiq olunan bu metodlar heç də ideal və
nöqsanlardan xali deyildir. Bu hər şeydən əvvəl idarəetmə uçotunun təşkilinin
əsas prinsiplərindən biri sayılan «müxtəlif məqsədlər üçün müxtəlif maya
dəyəri» tezisinin tələblərindən irəli gələ bilər. Məhz buna görə də, bizim
fikrimizcə müasir dövrdə milli mühasibat standartlarını işləyib hazırlayarkən
məsrəflərin uçotunun təşkilinin səmərəli variantını seçməyə imkan verən əsas
prinsiplərin düzgün müəyyən edilməsi sadalanan nöqsan və çatışmazlıqların
aradan qaldırılması üçün əlverişli şərait yarada bilər.
Bazar münasibətləri şəraitində qeyri-müstəqim xərclərin bölüşdürülməsi
və onların maya dəyərinə daxil edilməsi problemi hələ də mübahisə obyekti
olaraq qalır. Məsələ burasındadır ki, artıq bir sıra sənaye müəssisələrində əmək
haqqının xüsusi çəkisinin kəskin surətdə artması ilə əlaqədar olaraq onun
bazasında bölüşdürülən qeyri-müstəqim məsrəflərin maya dəyərinə daxil
edilməsi nəticəsində ayrı-ayn çeşidlər üzrə süni olaraq zərərlilik problemi
yaranmışdır. Bizim fikrimizcə, qeyri-müstəqim məsrəflərin əmək haqqına
proporsional olaraq bölüşdürülməsi formal şəkildə həmin xərclərlə məhsul (iş
və xidmətlər) buraxılışı həcmini sıx surətdə əlaqələndirmək məqsədilə həyata
keçirilir.
Bundan
başqa,
ümumiistehsalat
və
ümumitəsərrüfat
xərclərini
bölüşdürülməsi prosesində digər normativ əmsallardan və ya baza
göstəricilərindən də (işlənmiş adam-saatların miqdarı; işlənmiş maşın-saatların
miqdarı; istehsal fəhlələrinin əsas əmək haqqı məbləği) istifadə oluna bilər.
Məhz buna görə də müasir dövrdə bölüşdürmə bazasının və kalkulyasiya
obyektinin (burada kalkulyasiya obyekti bütövlükdə əmtəəlik məhsullar və ya
yüksək rentabelli məhsullar ola bilər) düzgün və sərbəst surətdə müəyyən
edilməsi mühüm əhəmiyyət kəsb edir.
Göründüyü kimi bazar iqtisadiyyatı şəraitində məhsulun (iş və
xidmətlərin) maya dəyərinin təhlili kompleks proses olmaqla material, əmək və
maliyyə resurslarından istifadənin səmərəliliyinin yüksəldilməsi ehtiyatlarının
müəyyən edilməsinə əlverişli şərait yaradır və idarəetmənin əsas obyekti kimi
54
qiymətin tənzimlənməsinə bilavasitə təsir göstərir. Ona görə də idarəetmə
prosesində bu göstəricinin rolu və əhəmiyyəti nəzərə alınaraq Aksenenko A.F.,
Bakanоv M.A., Zudilin A.P., Şeremet A.D., Paliy V.F., Petrova V.L.,
Çumaçеnkо N.Q., Savitskaya Q.V., Abbasоv Q.Ə., Müslümоv S.Y, Kazımоv
R.N., Qasımоv S.M. və başqaları tərəfindən istehsala məsrəflərin uçotu və
məhsulun (iş və xidmətlərin) maya dəyərinin təhlili metodikası vaxtı ilə kifayət
qədər işlənib hazırlanmışdır (15, 16, 18, 25, 24, 9, 11, 13 ). Lakin, bazar
iqtisadiyyatına keçid, mülkiyyət münasibətlərindəki dəyişiklik, kalkulyasiya
etmə metodlarının təsərrüfat subyektləri tərəfindən sərbəst seçilməsi, inflyasiya
prosesləri, daxili və xarici bazarda rəqabətin güclənməsi kimi amillər
məhsulun (iş və xidmətlərin) maya dəyərinin təhlili metodikasına yeni
aspektlərin əlavə olunmasını zəruri edir.
Bazar münasibətləri şəraitində məhsulun (iş və xidmətlərin) maya
dəyərinin təhlili metodikasının səmərəliliyi onun göstəricilər sisteminin (I
mərhələ) düzgün müəyyən edilməsindən xeyli asılıdır. Çünki maya dəyərini
xarakterizə edən analitik və sintetik göstəricilərin hər biri məhsul (iş və
xidmətlər) istehsalına çəkilən xərclərin faydalılıq dərəcəsini müxtəlif cür ifadə
edir. Məhz bu baxımdan məhsulun (iş xidmətlərin) maya dəyərinin bazar iqti-
sadiyyatının tələblərinə cavab verən təhlili metodikasının işlənib hazırlanması
üçün «istehsala məsrəflər», «əmtəəlik və satılmış məhsullann maya dəyəri»,
«əmtəəlik və satılmış məhsulların bir manatına məsrəflər», «müqayisəyə gələn
məhsulların maya dəyəri», «mühüm növ məhsullann maya dəyəri» və s. kimi
ümumiləşdirici göstəricilərin hesablamaya daxil edilməsi məqsədəuyğun sayıla
bilər.
Bundan başqa iqtisadi təhlil prosesində «əmtəəlik məhsulun bir manatına
əmək məsrəfləri (əmək haqqı və sosial sığortaya ayırmalar)», «əmtəəlik məhsu-
lun bir manatına əmək əşyası məsrəfləri», «məsrəflərin hər manatına məhsul
istehsalı» və «əmtəəlik məhsulun maya dəyərinin aşağı salınması» adlı xüsusi
göstəricilərdən də istifadə oluna bilər.
55
Qeyd etmək lazımdır ki, yuxarıda sadalanan hər bir göstəricinin özünə-
məxsus təyinatı və tətbiq edilmə istiqaməti vardır. Buna misal olaraq «əmtəəlik
məhsulun maya dəyərinin aşağı salınması» və «müqayisəyə gələn məhsulların
maya dəyəri» göstəricilərini vurğulamaq olar. Iki qiymətlə qiymətləndirilən
(hesabat ilində qüvvədə olan qiymətlər; bazis ilindəki orta illik qiymət) və
təhlil edilən «əmtəəlik məhsulun maya dəyərinin aşağı sa!ınması» məhsul bu-
raxılışının hər manatına məsrəflərin səviyyəsinin dəyişmə dərəcəsini, «müqayi-
səyə gələn məhsulların maya dəyəri» göstəricisi isə müxtəlif məhsul növlərinin
maya dəyərinin dinamikasını xarakterizə edir.
Məlumdur ki, məhsulun (iş və xidmətlərin) maya dəyərinin təhlili meto-
dikasının işlənib hazırlanması prosesində tədqiqatın istiqamətlərinin dəqiq
müəyyən olunmasının (II mərhələ) mühüm əhəmiyyəti vardır.
Fikrimizcə, bazar iqtisadiyyatı şəraitində maya dəyərinin təhlilini dörd
istiqamətdə aparmaq daha məqsədəuyğundur:
➣ məhsulun (iş və xidmətlərin) maya dəyərinin ümumi səviyyəsinin və
dinamikasının təhlili;
➣ maya dəyərinə və hər bir məsrəf elementinə təsir göstərən amillərin
öyrənilməsi və qiymətləndirilməsi;
➣ məhsulun (iş və xidmətlərin) maya dəyərinin aşağı salınması
ehtiyatlannı aşkar etmək məqsədi ilə konkret məsrəf elementləri üzrə xərclərin
təhlili;
➣ satışın həcmi, maya dəyəri və mənfəət göstəriciləri arasındakı
funksional asılılığın müəyyən edilməsi və qiymətləndirilməsi.
Göründüyü kimi, sadalanan istiqamətlər arasında həm yenilik və həm də
diskussiya obyekti olmaq etibarı ilə son üç punkt xüsusi maraq kəsb edir. Buna
ilk növbədə maya dəyərinə və hər bir məsrəf elementinə təsir göstərən
amillərin təsnifləsdirilməsini (III mərhələ) və qiymətləndirilməsini aid etmək
olar.