4
GİRİŞ
İqtisadi İslahatlar Elmi-Tədqiqat İnstitutunda 2011-ci ilin iş planına uyğun olaraq
“Sahibkarlıq və regional inkişaf problemləri” şöbəsində “Abşeron iqtisadi rayonunun
pasportu” tədqiqat işi yerinə yetirilmişdir. Tədqiqat işinin yerinə yetirilməsi prosesində
həm inkişaf etmiş ölkələrin, həm də inkişaf etməkdə olan ölkələrin, xüsusilə Rusiya,
Belarus, Ukrayna respublikalarının təcrübələri öyrənilmiş və Azərbaycan şəraiti üçün
məqbul hesab olunan struktur müəyyən olunmuşdur. Müəyyən olunmuş struktura uyğun
məlumatların toplanması işi aparılmış, həmin məlumatlar emal olunmuş və stuktura
uyğun yerləşdirilmişdir. Tədqiqat işində iqtisadi rayonun ərazisi, inzibati-ərazi bölgüsü,
coğrafi yerləşməsi, relyefi, iqlimi, faydalı qazıntı ehtiyatları, iqtisadi potensialı, o
cümlədən iqtisadi rayonun əhalisi, əmək ehtiyatları, məhsul buraxılışı, sənaye, kənd
təsərrüfatı, tikinti, nəqliyyat, rabitə, təhsil, elm, mədəniyyət, turizm, ticarət və xidmət,
ekologiya sahələrinin əsas göstəriciləri müxtəlif cədvəl, diaqram və şəkillərdən istifadə
edilməklə verilmişdir. Həmçinin regionun investisiya istiqamətləri göstərilmiş və burada
olan müəssisə və təşkilatların siyahısı da verilmişdir.
Tədqiqat işi iqtisadi rayonun sosial-iqtisadi vəziyyəti haqqında informasiya
verməklə, mövcud potensialdan istifadə səviyyəsini qiymətləndirmək, həmçinin
regionun iqtisadiyyatının ayrı-ayrı sahələrinə xarici və yerli investorları cəlb etmək üçün
mühüm əhəmiyyətə malikdir.
5
1.
İNZİBATİ VƏ İDARƏETMƏ QURULUŞU
Respublikanın digər iqtisadi rayonlarında olduğu kimi, Abşeroniqtisadi rayonunda da
inzibati və idarəetmə quruluşu yerli icra hakimiyyəti və bələdiyyələrdən ibarətdir.
Abşeroniqtisadi rayonu Abşeron, Xızı inzibati rayonlarını və Sumqayıt şəhərini əhatə
edir. Bunlar da, öz növbəsində,inzibati ərazi vahidlərinə, şəhər, qəsəbə və kənd yaşayış mən-
təqələrinə bölünürlər. İqtisadi rayonda 3 şəhər, 2 rayon, 13 qəsəbə,14 kənd inzibati ərazi
vahidləri və 32 kənd yaşayış məntəqələri vardır. Abşeron iqtisadi rayonunda 30 bələdiyyə
fəaliyyət göstərir.
Respublikamızın rayonlarında, şəhərlərində və şəhər rayonlarında dövlət icra
hakimiyyətinin yerli orqanları Azərbaycan Respublikası Prezidenti tərəfindən
formalaşdırılır, bələdiyyələr isə səsvermə yolu ilə seçilir. Rayon, şəhər və şəhər
rayonlarının icra başçıları öz ərazilərində yerləşən müvafiq kəndlərdə və qəsəbələrdə icra
hakimiyyətinin nümayəndəliklərini yaradır, icranümayəndələrinin təyinatını həyata
keçirirlər. Qeyd etmək lazımdır ki, kəndlərə və qəsəbələrə bölünmüş rayonlarda bələdiy-
yələr ümumlikdə rayon üzrə deyil, ərazi vahidlərinə əsasən yaradılmışdır. Bu halda
bələdiyyələr arasında şaquli və üfüqi asılılıq mövcud deyildir. Rayonlara və qəsəbələrə
bölünmüş şəhərlərdə isə bələdiyyələr inzibati-ərazi vahidləri üzrə formalaşdırılmışdır.
6
2.
İQTİSADİ RAYONUN COĞRAFİMÖVQEYİ
Abşeron iqtisadi rayonu Abşeron, Xızı inzibati rayonlarını və Sumqayıt şəhərini
əhatə etməklə,respublikamızın şərqində çox əlverişli iqtisadi-coğrafi mövqeyə malikdir.
İqtisadi rayonun ümumi sahəsi 3,29 min km
2
(10 iqtisadi rayonarasında ən aşağı
göstəriciyə malikdir) olmaqla, ölkə ərazisinin 3,8 faizini əhatə edir. Regionun relyefi
təpəli, dağətəyi düzənliklərdən və hündür olmayan dağlardan ibarətdir. Region üçün
quru subtropik iqlim xarakterikdir. Əhalinin sayı 01 yanvar 2011-ci il tarixinə 522,8 min
nəfərolmaqla, Azərbaycan Respublikasının əhalisinin 5,7faizini təşkil edir. Əhalinin
sıxlığı1 km
2
ə 159 nəfər təşkil edir.
Abşeron iqtisadi rayonu simal-qərbdən Quba-Xaçmaz iqtisadi rayonu, qərbdən
Dağlıq Şirvan iqtisadi rayonu, cənub-qərbdən Aran iqtisadi rayonu ilə əhatə olunmuşdur.
Şimal, şərq və cənubdan isə Xəzər dənizi ilə əhatə olunmuşdur ki, bu da,nəqliyyat
əlaqələrinin genişləndirilməsinə imkan yaradır. Azərbaycanın ən mühüm dəmir yolu,
avtomobil, su və hava xətləri bu rayonun ərazisindən keçir. Abşeron iqtisadi rayonunun
relyefinin formalaşmasında Böyük Qafqaz dağlarının rolu böyükdür. İqtisadi rayona
daxil olan Xızı rayonunun ərazisi tamamilə dağlıqdır. Abşeron iqtisadi rayonunun səthi
təbaşir və paleogen dövrlərinin flişli və qumlu-gilli çöküntülərilə örtülüdür. Abşeronun
relyefi əsasən təsərrüfat üçün yararlıdır. Belə ki, bütövlükdə rayonun ərazisi üçün azacıq
şaquli dağlıq, təpəlik və düzənliklərə parçalanma xarakterikdir. Səth quruluşunun
müxtəlifliyi təsərrüfatın inkişafına və şəhərsalma işlərinə maneçilik törətmir. Sumqayıt
şəhərinin relyefinə gəlincə, burada ərazi düzənlikdən ibarətdir, torpaq suları üfiqi
səthdən 1,2-2,0 metr dərinlikdə səviyyələnib. Torpağı əsasən qumsal və şoran tiplidir.
Torpağın hesab müqaviməti 0,15 + 0,18 Mpa təşkil edir. Torpaq I tip çöküntülərə aiddir.
Kimyəvi tərkibinə görə torpaq suları bütün növ betonlara nəzərən sulfat aqressivliyinə
malikdir. Abşeron iqtisadi rayonunda iqlim yayı quraq keçən mülayim-istidir. İqtisadi
rayon üç tərəfdən Xəzər dənizinin bu hissəsində donmayan ilıq suları ilə, şimal-qərbdən
isə Qafqaz dağlarının qalın dağ zənciri ilə əhatələnir. Xəzər dənizi ərazinin iqliminə