Azərbaycan Respublikası İqtisadiyyat Nazirliyinin İQTİsadi İslahatlar elmi TƏDQİqat institutuna
Yüklə 272,15 Kb. Pdf görüntüsü
|
| Yenilənmə tarixi: 2014-cü ilin oktyabr ayı Azərbaycan Respublikası İqtisadiyyat Nazirliyinin İQTİSADİ İSLAHATLAR ELMİ TƏDQİQAT İNSTİTUTUNA RƏHBƏRLİK ETMİŞ DİREKTORLAR i.e.n. Vaqif RÜSTƏMOV (2004-2006-cı illər)
Vaqif Əli oğlu Rüstəmov 1959-cu il avqust ayının 28-də Laçın rayonunun Mirik kəndində anadan olmuşdur. 1976-cı ildə orta məktəb təhsilini başa vuraraq Azərbaycan Dövlət Universitetinin (indiki Bakı Dövlət Universiteti) mexanika-riyaziyyat fakültəsinə daxil olmuş və 1981-ci ildə oranı bitirərək riyaziyyatçı və riyaziyyat müəllimi ixtisas peşələrinə yiyələnmişdir. 1981-ci ilin sentyabr ayında Laçın rayonunun Zabux kənd orta məktəbində təyinat üzrə riyaziyyat müəllimi kimi əmək fəaliyyətinə başlamış, 1982-ci ilin noyabr ayıında Mirik kənd orta məktəbinə dəyişilmiş və 1985-ci ilin avqust ayına kimi həmin məktəbdə riyaziyyat müəllimi, sinifdənxaric və məktəbdənkənar tərbiyə işləri üzrə təşkilatçı- direktor müavini, tədris işləri üzrə direktor müavini vəzifələrində çalışmışdır. 1985-ci ilin sentyabr ayından etibarən Abşeron rayonu Xırdalan qəsəbəsinə köçməyi ilə əlaqədar olaraq əmək fəaliyyətini müəllim kimi bu rayonun Altıağac kənd orta məktəbində davam etdirmiş, 1985-ci ilin noyabr ayında Qobustan 8 illik məktəbinə dəyişilmişdir. 1985-ci ilin dekabr ayında istehsalatdan ayrılmadan (1988-ci ilin fevral ayından istehsalatdan ayrılmaqla) Azərbaycan Respublikası EA Kibernetika İnstitutunun aspiranturasına daxil olmuşdur. 1989-cu ilin iyul ayında aspiranturanı bitirərək təyinat üzrə Azərbaycan Respublikası EA Kibernetika İnstitutunun “Kibernetika” Xüsusi Konstruktor Bürosuna göndərilmiş, həmin vaxtdan burada iqtisadçı-mühəndis vəzifəsinə təyin olunmuş və 1992-ci il mart ayından Azərbaycan Respublikası Dövlət Plan Komitəsi yanında Elmi Tədqiqat İqtisadiyyat İnstitutuna (ETİİ) köçürülmüşdür. Göstərilən tarixdən 1994-cü ilin iyun ayına kimi ETİİ-də kiçik elmi işçi vəzifəsində, həmin dövrdən 2007-ci ilin aprel ayına kimi ETİİ-nin bazasında yaradılan Azərbaycan Respublikası İqtisadi İnkişaf Nazirliyi (30 aprel 2001-ci il tarixə kimi–İqtisadiyyat Nazirliyi) İqtisadi İslahatlar Mərkəzində (indiki İqtisadi İslahatlar Elmi Tədqiqat İnstitutu) böyük elmi işçi (iyun 1994-iyun 1996), şöbə müdiri (iyun 1996-aprel 2000, oktyabr 2002-oktyabr 2003), elmi işlər üzrə direktor müavini (aprel 2000-oktyabr 2002, oktyabr 2003-noyabr 2004, noyabr 2006- fevral 2007) və direktor (noyabr 2004-noyabr 2006) vəzifələrində çalışmışdır. 2007-ci ilin aprel ayından etibarən Yerli İqtisadi İnkişaf Mərkəzi İB-də elmi rəhbər və sədr vəzifəsində işləyir. Eyni zamanda, 20 aprel 2009-cu il tarixindən İqtisadi İnkişaf Nazirliyi İqtisadi İslahatlar Elmi Tədqiqat İnstitutunun baş elmi işçisi vəzifəsində də çalışır. 1992-ci ildə “Struktur dəyişikliklərinin iqtisadi artıma təsirinin modelləşdirilməsi” mövzusunda dissertasiya işi müdafiə edərək “İqtisadi-riyazi üsullar” ixtisası üzrə iqtisad elmləri namizədi alimlik dərəcəsi almış və 1999-cu ildə “Dünya iqtisadiyyatı və beynəlxalq iqtisadi münasibətlər” ixtisası üzrə baş elmi işçi elmi adına layiq görülmüşdür. Hazırda
“Azərbaycanda açıq
iqtisadi sistemin formalaşması və inkişafı problemləri” mövzusunda doktorluq dissertasiyasını tamamlayaraq müdafiəyə təqdim etmək ərəfəsindədir. 1997-ci ildə Dünya Bankının İqtisadi İnkişaf İnstitutu, Azərbaycan Respublikası Nazirlər Kabineti və Azərbaycan Dövlət İqtisad İnstitutunun keçirdiyi “Keçid dövründə Azərbaycanda sosial müdafiə islahatı”, 1998-ci ildə isə BMT-nin Təlim və Tədqiqat İnstitutunun (UNİTAR) keçirdiyi “Ticarət və investisiya məsələləri” və TACİS-in təşkil etdiyi “Neft sahəsində vergiyə cəlbetmə”, 2003-cü ildə Dünya Bankının keçirdiyi “Yoxsulluğun diaqnostikası və ölçülməsinin əsasları” və Qafqaz Tədqiqat Resurs Mərkəzinin təşkil etdiyi “Məlumat təşəbbüsü sorğusu”, 2006-cı ildə Asiya İnkişaf Bankının təşkil etdiyi “Miqrantların pul köçürmələri və yoxsulluq” və 2008-ci ildə BMT İnkişaf Proqramının Avropa və MDB üzrə regional Mərkəzinin təşkil etdiyi
“Ticarət və
insan inkişafı sahəsində ehtiyacların qiymətləndirilməsi” mövzularında təlim və seminar-kurslarda iştirak etmiş və müvafiq sertifikatlar almışdır. Sosial-iqtisadi yönümlü elmi-tədqiqat və siyasət təhlili sahəsində 25 ildən artıq iş təcrübəsinə malikdir. Bu dövrdə makroiqtisadi tədqiqatlar və
iqtisadi-riyazi modelləşdirmə, xüsusilə struktur dəyişikliklərinin və xarici iqtisadi əlaqələrin iqtisadi artıma təsirinin modelləşdirilməsi, Azərbaycan üçün ümumi tarazlıq modelinin işlənilməsi, indikativ planlaşdırma, davamlı inkişaf, regional inkişaf, yoxsulluğun azaldılması və əhalinin həssas təbəqələrinin sosial müdafiəsi, ölkə iqtisadiyyatının müqayisəli üstünlüklərinin və potensial investisiya sahələrinin müəyyənləşdirilməsi, qeyri-neft sektorunun rəqabətqabiliyyətliliyinin yüksəldilməsi və dünya təsərrüfat sisteminə səmərəli inteqrasiyası, açıq iqtisadi sistemin formalaşması və inkişafı və s. bu kimi problemlərin nəzəri-metodoloji, metodiki və təcrübi məsələlərinin tədqiqi və aktual sosial-iqtisadi məsələlər üzrə siyasət təhlilləri ilə məşğul olmuşdur. 60-dan çox dərc olunmuş (ölkədə və xaricdə) elmi məqalə, tezis və elmi-tədqiqat işlərinin, 1 monoqrafik nəşr, 1 monoqrafiya (həmmüəlliflərlə), 2 kitab–izahlı terminoloji lüğətlər (həmmüəlliflərlə), 1 kitabçanın müəllifidir. Azərbaycan dilində nəşr olunmuş 5 cildlik Böyük İqtisadi Ensiklopediyanın müəlliflərindən və məsləhətçilərindən biridir. V.Rüstəmov mütəmadi olaraq ölkənin sosial-iqtisadi inkişafının cari vəziyyətinin qiymətləndirilməsi üzrə aparılan analitik təhlil işlərində, Azərbaycan Respublikasının ali və iqtisadi idarəetmə orqanlarının, o cümlədən Prezident Administrasiyasının, Milli Məclisin, Nazirlər Kabinetinin, İqtisadi İnkişaf (İqtisadiyyat) Nazirliyinin tapşırığı ilə bir sıra aktual sosial-iqtisadi problemlərin tədqiqində, sosial-iqtisadi sahələrə aid qanunlarınvə digər hüquqi-normativ aktların (“Yaşayış minimumu haqqında” Azərbaycan Respublikasının Qanunu, xarici ticarət və investisiyaların tənzimlənməsi ilə əlaqədar qanun və digər hüquqi- normativ aktlar və s.), konsepsiya, strategiya, proqram və tədbirlər planı kimi siyasət sənədlərinin (“Azərbaycan Respublikasında Yoxsulluğun azaldılması və iqtisadi inkişaf üzrə Dövlət Programı (2003-2005-ci illər)”, "Azərbaycan Respublikasının Məşğulluq Strategiyası (2006- 2015-ci illər)", “2008-2015-ci illərdə Azərbaycan Respublikasında yoxsulluğun azaldılması və davamlı inkişaf Dövlət Proqramı”, “Azərbaycan Respublikası regionlarının sosial-iqtisadi inkişafı Dövlət Programı (2004-2008-ci illər)” və s.) layihələrinin hazırlanması, ekspertizası və müzakirəsi proseslərində, xaricdə (Ankara, İstanbul, Antalya, Yalta, Moskva, Bişkək, İssık-kul, Kuala-Lampur, Bratislava və s.) və ölkədə keçirilən müxtəlif elmi konfrans, seminar və digər elmi məclislərdə fəal iştirakı və KİV-də mütəmadi çıxışları ilə peşəkar iqtisadçı-alim kimi tanınmışdır. V.Rüstəmov 100-dən çox elmi-tədqiqat işlərinin yerinə yetirilməsində elmi rəhbər, məsul icraçı, qrup rəhbəri və icraçı kimi iştirak etmiş, 50-yə yaxın yerli (İqtisadi İnkişaf Nazirliyi, Əmək və Əhalinin Sosial Müdafiəsi Nazirliyi, Qiymətli Kağızlar üzrə Dövlət Komitəsi, AMEA İqtisadiyyat İnstitutu,Azərbaycan Marketinq Cəmiyyəti, Azərbaycan Mikromaliyyələşdirmə Assosiasiyası və s.) və beynəlxalq (BMT-nin Asiya və Sakit okean üzrə iqtisadi və sosial Komissiyası–UNESCAP və İnkişaf Proqramı–UNDP, Asiya İnkişaf Bankı–ADB, Dünya Bankı–WB, Almaniya Beynəlxalq Əməkdaşlıq Təşkilatının-GTZ, Beynəlxalq Əmək Təşkilatının-ILO, Avropa Yenidənqurma və İnkişaf Bankı–EBRD, BMT-nin Ərzaq və Kənd Təsərrüfatı Təşkilatı-FAO və s.) səviyyəli layihələr üzrə ekspert, məsləhətçi, milli koordinator və rəhbər kimi də işləmiş və hazırda bu istiqamətdə fəaliyyətini uğurla davam etdirir. Onun yerinə yetirdiyi elmi- tədqiqat işlərinin və layihələrinin nəticələri əlaqədar dövlət qurumları və beynəlxalq təşkilatlar tərəfindən bəyənilmiş və onların əksəriyyəti müvafiq istiqamətlər üzrə qanunların və digər hüquqi-normativ sənədlərin, konsepsiya, strategiya, proqram və tədbirlər planı kimi siyasət sənədlərinin və siyasətə dair təklif və tövsiyələrin hazırlanmasında istifadə olunmuş və ya bu məqsədlə qəbul olunmuşdur. V.Rüstəmovun iştirakçısı olduğu layihələrdən əsasları kimi aşağıdakıları qeyd etmək olar: BMT İP və İİM-in birgə həyata keçirdiyi “Azərbaycan iqtisadiyyatının cari və potensial müqayisəli üstünlüklərinin tədqiqi” layihəsi (2003,Milli məsləhətçi), BMT İP və İİM-in birgə həyata keçirdiyi “Azərbaycanda rəqabət qabiliyyətli qeyri-neft sektorunun inkişaf etdirilməsi sahəsində İqtisadi İnkişaf Nazirliyinin potensialının gücləndirilməsinə yardım” layihəsi (2005-2007, Milli koordinator), Asiya İnkişaf Bankı və İİM-in birgə həyata keçirdiyi və iqtisadi siyasət təhlilləri və məsləhətləri üzrə İİM-in potensialın gücləndirilməsi məqsədilə makroiqtisadi təhlil və proqnozlaşdırma üçün modellərin hazırlanmasını və iqtisadi siyasət təhlilləri aparılması və modelləşdirmə sahəsində İİM-in işçi heyətinin, İİN-in və digərhökumət rəsmilərinin bacarıqlarının artırılmasını nəzərdə tutan"Azərbaycan Respublikası İqtisadi İnkişaf Nazirliyinə texniki yardım" layihəsi(2005- 2007, Direktor), BMTİP-in Avropa və MDB üzrə regional Mərkəzinin birgə həyata keçirdiyi “Azərbaycanda ticarət və insan inkişafı üzrə ehtiyacların qiymətləndirilməsi” layihəsi (2008-2009, Tədqiqat qrupunun rəhbəri), Almaniya Beynəlxalq Əməkdaşlıq Təşkilatı və İqtisadi İnkişaf Nazirliyinin birgə həyata keçirdiyi “Potensial investisiya sahələrinin müəyyən edilməsi: Azərbaycan Respublikasında ölkə və sektor təhlilləri” layihəsi (2008-2009, Layihə rəhbəri), İqtisadi İnkişaf Nazirliyi və “Yerli İqtisadi İnkişaf Mərkəzi” İB-nin birgə həyata keçirdiyi “Azərbaycan Respublikasının kənd təsərrüfatı məhsulları üzrə ixrac potensialının mövcud vəziyyətinin təhlili və onun artırılması üçün siyasətə dair tövsiyələr hazırlanması” tədqiqat layihəsi (2010, Layihə rəhbəri), Dünya Bankı və Əmək və Əhalinin Sosial Müdafiəsi Nazirliyinin birgə həyata keçirdiyi“Ünvanlı dövlət sosial yardım mexanizminin təkmilləşdirilməsi” tədqiqat layihəsi (2013, Milli məsləhətçi). V.Rüstəmov 1996-2000-ci illərdə İqtisadi İslahatlar Mərkəzinin Elmi Şurasının üzvü, 2000-2002-ci illərdə bu Şuranın sədr müavini, 2003-2006-cı illərdə isə bu Şuranın sədri, 1999-2001-ci illərdə Azərbaycan Respublikası Dövlət Elm və Texnika Komitəsinin nəzdində İqtisadiyyat Problemləri üzrə Şuranın elmi katibi, 2000-2006-ci illərdə İqtisadi İslahatlar Mərkəzinin “Azərbaycanda iqtisadi islahatların həyata keçirilməsi xüsusiyyətləri və problemləri” adlı elmi əsərlər toplusunun (kollektiv monoqrafiya) Elmi- redaksiya heyətinin sədr müavini (2000-2004-cü illərdə) və sədri (2005- 2006-cı illər), 2005-2006-cı illərdə “İqtisadi İnkişaf” elmi-praktik jurnalının Baş redaktoru, 2005-2006-cı illərdə Respublika Elmi- Tədqiqatların Təşkili və Əlaqələndirilməsi Şurasının İqtisadiyyat üzrə problem Şurasının üzvü olmuş və hazırda da YİİM-də (2005-ci ildən etibarən), İİETİ-də (may 2009-cu ildən etibarən) elmi şuraların və elmi- redaksiya heyətlərinin üzvü, AMEA Rəyasət Heyətinin nəzdində İnnovativ layihələrin ekspertizası və koordinasiyası Şurasının üzvü (2014-cü ilin mart ayından) kimi işlərdə səmərəli elmi-təşkilati və ictimai fəaliyyətini davam etdirməkdədir.
Eyni zamanda, 1996-cı ildən etibarən onlarla magistrin və 10-a yaxın aspirant və dissertantın dissertasiya işləri üzrə apardıqları tədqiqat işlərinə elmi rəhbər olmuş və hazırda 4 nəfər doktorantın elmi rəhbəridir.
Bunlarla yanaşı, sentyabr 1989-cu il tarixdən iyul 1991-ci il tarixə kimi Azərbaycan İnşaat Mühəndisləri İnstitutunda “İnformatika və hesablama texnikası” kafedrasında müəllim, sentyabr 1998-ci il tarixdən iyul 2001-ci il tarixə kimi Azərbaycan Kooperasiya İnstitutunda “Beynəlxalq iqtisadi münasibətlər kafedrasında” müəllim, sentyabr 2001- ci il tarixdən iyul 2006-cı il tarixinə kimi Bakı Biznes Universitetinin “Beynəlxalq iqtisadi münasibətlər kafedrasında” müəllim kimi pedaqoji fəaliyyətlə də məşğul olmuşdur. Hazırda bu fəaliyyətini İİETİ-nin doktoranturasında ixtisas fənni üzrə məşğələlər keçməklə davam etdirir. Yüklə 272,15 Kb. Dostları ilə paylaş:
|