24
Nərimanovun qətli
“Siz özünüzü bir millətdən hesab edirsinizsə, özünüzün müəyyən bir vətəniniz vardırsa, həmin millətin,
həmin vətənin dərdi-qəmi sizin dərdinizdir”.
Leninin vəfatından sonra Kremlin hücrələrində hakimiyyət uğrunda səngiməyən savaşın başında Stalin -
Orconikidze, Rıkov-Buxarin qruplaşmasıyla yanaşı digər “üçlük”, Trotski-Kamenyev-Znovyev dayanıb
partiyadaxili mübarizəyə çıxmışdılar. Moskvadan kənarda belə, bu qruplaşmaların arxasında müəyyən tərəfdarlar,
sosial baza dayandığından, savaşda iştirak edənlər bütün imkanlarını səfərbər edib, hakimiyyət olimpinə
yüksəlmək istəyirdilər. Bu qruplaşmalar içərisində ən dəyişkən, ağıllı diplomatiya yürüdən Stalin və onun ətrafı
idi. Hansı ki, bu ətrafı çox keçmir ki, Stalin öz əli ilə “qan çanağına” çəkərək məhv edir. Trotski Lenindən sonra
hakimiyyətə daha iddialı idi. Çünki oktyabr inqilabının baş tutmasını öz fəaliyyətinin nəticəsi sayır, heç kəslə
hesablaşmaq istəmirdi. Baxmayaraq ki, hələ Lenin sağlığında Trotskiyə mənfi münasibətini ortaya qoymuşdu.
Çünki inqilabdan sonra baş inqilabçı Almaniya ilə Qərbi Ukrayna sövdələşməsini Trotskiyə həvalə etmiş və
Trotski “təlimata uyğun hərəkət etmədiyi” üçün Lenini qəzəbləndirmişdi. 1925-ci ilə qədər Trotski inqilabi hərbi
şura və müdafiə komissarlığına başçılıq etdi. Stalin isə hələ Leninin ölümcül xəstə olduğu bir dönəmdə partiyanın
baş katibi kimi, partiyadaxili diktaturanı formalaşdırırdı. 1924-cü ildə 13-cü Partiya Konfransında “Partiyada
burjuameylli üzvlərin və diskussiyaların nəticəsi” haqqında qərar qəbul olundu və bu, birbaşa Trotskiyə qarşı
çevrildi. Trotski məğlub olduğuna görə Kamenyev və Znovyev Stalinin tərəfinə keçərək Trotskinin əleyhinə
fəaliyyətə başladılar. 1928-ci ildə Trotskini sürgün etdilər. Stalin özünə qarşı olan Kamenyev-Znovyev
qruplaşmasını da zərərləşdirə bildi.
Stalin partiyadaxili diktaturanı sevməyən, bu diktaturanın formalaşmasını zərərli sayaraq, açıq fikirlər
səsləndirən köhnə bolşevikləri də sıradan çıxarmağa başladı. Nəriman Nərimanov bu dönəmdə Moskvada ittifaq
Sovetinin sədrlərindən biri idi. Partiyadaxili diskussiyalarda Stalinin yürütdüyü siyasəti qəbul etmədiyini açıq-
aşkar çəkinmədən söyləyir, təzyiq, təhdid və hədə-qorxuları ram edirdi. 1923-cü ildə Stalinə məxfi qrif altında
məktub göndərərək “Azərbaycanı simasızlaşdıranlar”a qarşı mübarizə istəyini ortaya qoyurdu. Nərimanov tələb
edirdi ki, ya bu insanlara qarşı partiya özü tədbir görsün, ya da imkan versinlər ki, o öz mübarizəsini aparıb, bu
insanlan təmizləsin. Nərimanovun hədəfində Orconikidze, Mikoyan, Sərkislə yanaşı, müsəlman kommunistlərinin
bir neçəsi özünə yer almışdı. Nərimanov Orconikidzenin Qafqazda apardığı zora, işgəncələrə, talanlara əsaslanan
siyasətini qəbul etməyərək, onu “Qafqazın canişini” adlandırır, sovetlərin milli siyasətinin qorxulu nəticələr
verəcəyini söyləyirdi. “Qafqazın canişini” nələr etməmişdi? Azərbaycanın tarixi torpaqları hesabına Ermənistan
yaratmağa Mikoyanla birgə müəlliflik edir, Dağlıq Qarabağın, Naxçıvan, Zəngəzurun hesabına Sovet Ermənistanı
tikmək istəyirdi. Məqsədini açıq-aydın izah etməkdən belə çəkinmirdi. Onun həmfikri Mikoyan idi. Bütün bunlarla
yanaşı siyasətdə biclik işlədən Orconikidze partiya iclaslarında “ağsaqqal bolşevik” Nərimanovun ittihamlarını,
çıxışlarını zərərsizləşdirmək, Doktorun yumşaq ürəyinə yol tapmaq istəyirdi. Nərimanov isə tarixdə üzərinə
götürdüyü böyük ləkəni, torpaqlarımızın bir hissəsinin Ermənistana verilməsini özündə ehtiva edən “dekabr
bəyanatı”nı unutmurdu. Bilirdi ki, nə vaxtsa xalq onun bu bəyanatının qiymətini verəcək.
“Dekabr bəyanatı”ndan sonra təşviş içərisində çabalayan, çıxış yollarını arayan Azərbaycan bolşevikləri
qarşısında Orconikidzenin çıxışı da Nərimanın yadında idi. Bu çıxış elə ölçülüb-biçilmişdi ki, sanki torpaq itkisinə
doktorun özü, etiraz etmədən tərəddüsüz-filansız razılıq verib. Orconikidze çıxışında bolşeviklərə deyirdi: “Yoldaş
Nərimanovun çıxışı çox səciyyəvidir. O, bir az əvvəl öz bəyanatını oxudu. Zəngəzur, Naxçıvan və Qarabağ, bu
sözlərin məzmunundan agah olmayan rus qulağı üçün heç nə kəsb etmir. Hansısa Zəngəzur, məhsulsuz dağlar,
taxılı yox, suyu yox. Onda heç nə yoxdur. Hansısa Dağlıq Qarabağ - nə var bu Qarabağda? Heç nə yoxdur. İndi
Nərimanov deyir, onları özünüzə götürün. Bu məhsulsuz torpaqları Ermənistan yaratması planını Nərimanovun
ayağına yazıb onu tarixin amansız cənginə buraxırdı. Bu çıxışın fonunda inamı, etiqadı “Müstəqil Sovet
Azərbaycanı” istəyi ayaq altda tapdalanan bir insan kimi görünür Nərimanov. Xalqını siyasi burulğandan
çıxartmaq istəyir, özü burulğana düşür. Çıxılmaz vəziyyətdə qalır. Depressiya, əsəb gərginliyi onu rahat buraxmır.
Pessimist ovqatda Moskvaya, Kremlə çağırılaraq, “ağsaqqal kommunist” kimi SSRİ-nin İttifaq Sovetinin
sədrlərindən biri təyin olunur. Bakıda, uzaqdan-uzağa apardığı mübarizəni indi Kremlin qurdları ilə üz-üzə, göz-
gözə davam etdirməyə məcbur olur. Azərbaycandan Şərqə bolşevizm yaymaq istəyən Nərimanov səhvlərini bir-bir
təhlil etməyə başlayır və ömrünün sonlarına yaxın oğlu 6 yaşlı Nəcəfə yazdığı məktubda “Bəlkə də sən bu
məktubu oxumağa başlayanda bolşevizm olmayacaq” - deyirdi. İştirakçısı olduğu hərəkatın, bolşevizmin qurbanı
idi böyük Nəriman.
1925-ci ilin mart ayı... Rusiya ağsaqqalı Kalinin ilə birgə Tiflisə SSRİ MİK-in üçüncü sessiyasının açılışı
ərəfəsində, Zaqafqaziya kommunistlərinin toplantısına qatılır. Onu bu yeknəsək iclaslar səbirsiz etmişdi. Tədbiri
başa vurandan sonra Şeytanbazarı gəzib, köhnə ata yurduna baş çəkməyə tələsdi. Ordan isə birbaş “Nadanlığ”ı
yazdığı, dərs dediyi Qızılhacılıya yollandı.
O günləri qələmə alan Qızılhacılı kəndinin ədəbiyyat müəllimi Hüseyn Tanrıquliyev xatırlayırdı:
“Nərimanov Qızılhacılıya bir də ömrünün son günlərində, 34 il ayrılıqdan sonra gəlmişdi. SSRİ MİK sədrlərindən