| Əhalinin güclü təsirli maddələrdən müdafiəsinin təşkili. Təbii fəlakətlər, istehsalat qəzaları baş verərkən GTZM ətrafa dağılaraq,obyektlərdə və yaşayış məntəqələrində zəhərlənmə zonası yarana bilər.
GTZM insana əsasən tənəffüs üzvləri həzm orqanları vasitəsilə keçərək tə’sir
göstərir, burun, boğazın, selikli qişasını, gözləri, bədənin dərisini zədələyir.
Əhalinin müdafiəsi hələ dinc dövründə hazırlanmış plan əsasında həyata
keçirilir. Planda aşağıdakı tədbirlər nəzərdə tutulur:
- əhalinin müdafiə qurğularında gizlədilməsi və yaxud onları təhlükəli
sahələrdən çıxarılması;
- işçiləri sənaye əleyhqazları və tənəffüs üzvlərini müdafiə edən başqa müdafiə
vasitələrilə təmin edilməsi;
- xilasetmə işlərinin təşkili və zərərçən ənlərə ilk tibbi yardımın göstərilməsi;
- sanitariya təmizliyinin əhali arasında keçirilməsi.
Respublikamızda ən çox GTZM-dən bunlarda istifadə olunur: amonyak, sulfid,
xlor, xlorpikrin və s.
Amonyakdan zəhərlənmənin ilk əlamətləri: ürəyin sürətlə döyünməsi, nəbzin
pozulması, öskürək, gözlərdə sancı, tənəffüsün çətinləşməsi.
Иlk tibbi yardım: təmiz havaya çıxarmalı, onun tam sakitliyini təmin etməli,
gözlərini və dəri örtüyünün açıq yerlərini təmiz su ilə yumalı.
Müdafiə vasitələri: sənaye əleyhqazları.
Xlora zəhərlənmənin əlamətləri: döş qəfəsində kəskin ağrı, quru öskürək,
qusma, baş gicəllənməsi, təngənəfəslik, gözlərdən yaş axması, çoxlu bəlğəm ifrazı.
Иlk tibbi yardım: təmiz havaya çıxarmalı, onun tam sakitliyini təmin etməli,
bədənini isitməli, oksigen inqalyasiyası etməli və hospitallaşdırmaq.
Nəticə: yuxarıda qeyd olunan bütün tədbirlər vaxtında və bacarıqla tam şəkildə
həyata keçirilərsə, əhali arasında baş verə bələcək itki maksimum azalar, onların
əmək qabiliyyəti bərpa olunar və beləliklə də yaranmış vəziyyətin nəticələrini
aradan qaldırmaq olar.
Dostları ilə paylaş: | 
