5-Modul. Moliya: Davlat xaridlari Mavzu: Davlat xaridlari tizimini boshqarishning xorijiy mamlakatlar tajribasi. Reja: Davlat xaridlari tashkil etishning aqsh,Germaniya,Xalqaro Moliya Institutlari tajribasi va tamoyillari 2

Mavzu yuzasidan ommaviy axborot vositalarida yoritilayotgan eng so’ngi malumot
Davlat xaridlari bo‘yicha xizmatlar ko‘rsatuvchi tashkilotlar qanday talablarga javob berishi kerak?

Normativ-huquqiy hujjatlar loyihalari muhokamasi portalida Vazirlar Mahkamasining «Davlat xaridlarini o‘tkazish bo‘yicha xizmatlarni ko‘rsatish huquqiga ega bo‘lgan ixtisoslashgan tashkilotlar to‘g‘risidagi nizomni tasdiqlash haqida»gi qarori loyihasi joylashtirildi.

Davlat xaridlarini o‘tkazish bo‘yicha xizmatlarni ko‘rsatish huquqiga ega bo‘lgan ixtisoslashgan tashkilotlar to‘g‘risidagi nizomga ko‘ra, O‘zbekiston Respublikasi Moliya vazirligi O‘zbekiston Respublikasi prezidentining 2019 yil 10 yanvardagi “O‘zbekiston Respublikasi prezidenti huzuridagi Loyiha boshqaruvi milliy agentligi faoliyatini yanada takomillashtirish chora-tadbirlari to‘g‘risida”gi PF-5624-sonli farmoniga muvofiq davlat xaridlari sohasidagi vakolatli organ hisoblanadi.
Ixtisoslashgan tashkilotlar quyidagi davlat xaridlari bo‘yicha xizmatlarni ko‘rsatishi mumkin:
rivojlantirish davlat dasturlarini, O‘zbekiston Respublikasi prezidenti farmonlari, qarorlari va farmoyishlari, O‘zbekiston Respublikasi hukumati qarorlarida nazarda tutilgan loyihalarni, shuningdek davlat buyurtmachilarining xo‘jalik faoliyatini ro‘yobga chiqarishda amalga oshiriladigan;
O‘zbekiston Respublikasining budjet tizimi budjetlari va boshqa davlat maqsadli jamg‘armalari, O‘zbekiston Respublikasi prezidenti va O‘zbekiston Respublikasi hukumati tomonidan donor mamlakatlar, xalqaro, hukumatga qarashli bo‘lgan va hukumatga qarashli bo‘lmagan chet el tashkilotlari bilan tuzilgan shartnomalar doirasida taqdim etiladigan chet el grantlari hamda O‘zbekiston Respublikasining kafolati ostida jalb etiladigan chet el kreditlari hisobidan moliyalashtiriladigan.
Davlat buyurtmachisi tomonidan ixtisoslashgan tashkilotlarni tanlash, davlat xaridlari sohasidagi vakolatli organ bilan kelishilgan maxsus axborot portali operatori tomonidan yuritiladigan va maxsus axborot portalida kamida bir oyda bir marotaba e'lon qilinadigan (yangilanadigan) ixtisoslashgan tashkilotlar ro‘yxatida mavjud bo‘lgan ixtisoslashgan tashkilotlar orasidan tanlov asosida amalga oshiriladi.Ma’lumot:Kun.uz saytidan olindi