12-mavzu. Reklama faoliyati Reja: Reklama tushunchasi, mohiyati va vazifalari

Qarshi Davlat Universiteti Iqtisodiyot fakulteti Marketing yo‘nalishi oltiboyev Ulug’bekning marketing asoslari uchun mustaqil ishi

12-mavzu. Reklama faoliyati

Reja:

1. Reklama tushunchasi, mohiyati va vazifalari.

2. Reklama turlari va vositalari.

3. Kompaniyalarda reklama faoliyatini tashkil etish.

Reklama tushunchasi, mohiyati va vazifalari

Reklama – marketingning eng muhim elementi ekanligi borasidagi asosiy fikrlar shunga asoslanadiki, marketing sohasi rivojlangan mamlakatlar zamonaviy iqtisodiyotining barcha jabhalarini qamrab oladi va bunda firmalar marketing faoliyatining har qanday bosqichi ularning reklama faoliyati bilan bevosita yoki bilvosita aloqaga ega bo’ladi.

Marketing to’plamining elementi sifatida reklamaning muvaffaqiyati hozirgi paytda ikkita holat – maqsadli yo’naltirilganlik va sistematik xarakter bilan, shuningdek, tovarni rejalashtirish, ishlab chiqish va ishlab chiqarish jarayoni, unga talab, narx shakllanishi va sotuv bilan qalin aloqalar bilan asoslanadi.Marketing bo’yicha adabiyotlarda reklamaga berilgan ko’plab ta’riflar mavjud. Reklama so’zining kelib chiqishi lotin tili bilan bog’liq: italyan tilidagi «reclamare» so’zi qichqirish ma’nosini anglatadi. Reklama ingliz tilida «advertising» atamasi bilan belgilanadi, bu bildirish, xabar qilish ma’nosini anglatadi hamda iste’molchining e’tiborini mahsulotga (tovarga, xizmatga) jalb qilish va ushbu tovar yoki xizmatni xarid qilish borasida tavsiyalar, takliflar, maslahat va chaqiriqlar tarqatish sifatida talqin etiladi.

Reklama turlari va vazifalari

Reklama vositalari va uning turlari Reklama odatda juda qimmat turadi. Shuning uchun ham firma uning asosiy vazifasi nimadan iborat ekanligini unutmagan holda qilinajak reklama haqidagi o‘zining chuqur o‘ylangan marketing yechimini qabul qilishi kerak. Mablag‘ haqida masala ravshanlashib borganda, reklama bo‘yicha shug‘ullanuvchilarga qanchalik katta mas’uliyat tushishini ko‘ramiz, ya’ni reklama bo‘yicha mutaxassis qobiliyatli bo‘lmasa va mavjud imkoniyatlardan foydalanib ish yuritmasa, avvalo o‘z ishi, muassasasining obro‘sini ham tushirib qo‘yishi mumkin.