1 xalid mahmud
Yüklə 4,95 Mb. Pdf görüntüsü
|
- Bu səhifədəki naviqasiya:
- Zövnə ümumi kənd orta məktəbinin direktoru E. Əliyevin dediklərindən
- Ziyadov Mübariz Musa oğlu
Əbədiyyət yolçuları 26 FƏRMAN KAZIMOV (1969-1992) Kazımov Fərman Salman oğlu - 01 sentyabr 1969-cu ildə Lerik rayonunun Zövnə kəndində kəndli ailəsində anadan olub. 1976-cı ildə Zövnə kəndində ibtidai məktəbin birinci sinfinə daxil olub. 1986-cı ildə Züvüç kənd orta məktə- binin onuncu sinfini bitirib. Orta məktəbi bitirdikdən sonra Lerik rayon hərbi komissarlığı tərəfindən həqiqi hərbi xidmətə çağrılaraq keçmiş Sovet ordu sıralarına yola salınır . Hərbi xidmətini başa vurduqdan sonra vətənə qayıdır. 1991-ci ildə könüllü olaraq Milli ordu sıralarına qoşulur. 836 saylı hərbi hissəsinin tərkibində vuruşur. Fərman Kazımov 23 sentyabr 1992-ci ildə Ağdamın Fərrux kəndi uğrunda gedən döyüşlərdə qəhrəmancasına şəhid olur. Zövnə ümumi kənd orta məktəbinin direktoru E. Əliyevin dediklərindən: “Ölümündən 8 gün əvvəl kəndə gəlmişdi. Məktəbdə müəllimlərlə görüşdü. Boynunda avtomatın bir gülləsini sepdən asmışdı. Ona xeyli baxdım. Yadigar almaq istədim. Nədənsə, bu sözü deməyə dilim gəlmədi. Yenə də gülləni qaytarıb ona verdim.” Əbədiyyət yolçuları 27 MÜBARİZ ZİYADOV (1966-1994) Ziyadov Mübariz Musa oğlu – 16 dekabr 1966-cı ildə Lerik rayo- nunun Çayrud kəndində anadan olub. 1973-cü ildə Çayrud kənd orta məktəbinin birinci sinfinə qəbul olunub, 1984-cü ildə həmin məktəbin onuncu sinfini bitirib. Orta məktəbi bitirdikdən sonra1985-ci ildə Lerik rayon Hərbi komissarlığı tərəfindən həqiqi hərbi xidmətə çağrılaraq keçmiş Sovet ordu sıralarına yola salınır. 1987-ci ildə xidmətini başa vuraraq vətənə qayıdır. 1989-cu ildə Sumqayıt şəhərinə köçərək Saray qəsə- bəsində məskunlaşır. 1993-cü il martın 16-da Mübariz də digər qeyrətli vətən oğulları kimi könüllü olaraq döyüşə yollanır. Mübariz Ağdərə, Kəlbəcər, Murovdağ və Fizuli uğrunda gedən döyüşlərdə düşmənin hücumlarının qarşısının alınma- sında igidliklər göstərir. 1994-cü il mart ayının 14-də Tərtər rayonu uğrunda gedən döyüşlərdə qəhrəmancasına şəhid olur. Şəhidin cənazəsi doğulduğu kəndə gətirilərək torpağa tapşırılır. Çayrud kəndinin aşağı kənd orta məktəbi Mübariz Ziyadovun adını daşıyır. Əbədiyyət yolçuları 28 ELŞƏN SƏFƏROV (1970-1994) Səfərov Elşən Məmmədağa oğlu -4 iyul 1970-ci ildə Lerik rayonunun Çayrud kəndində ana- dan olub. 1977-ci ildə Çayrud kənd orta məktəbinin birinci sin- finə qəbul olunub, 1987-ci ildə həmin məktəbin onuncu sinfini bitirib. Orta məktəbi bitirdikdən sonra Lerik rayon Hərbi komissarlığı tərəfindən həqiqi hərbi xidmətə çağrılaraq keçmiş Sovet ordu sıralarına yola salınır. Hərbi xidmətini başa vur- duqdan sonra vətənə qayıdır. 1993-cü ilin payızında Elşən də digər qeyrətli vətən oğulları kimi könüllü olaraq döyüşə yollanır. Elşən Ağdam uğrunda gedən döyüşlərdə dəfələrlə amansız düşmənin aramsız hücumlarının qarşısının alınma- sında şəxsi döyüş məharəti göstərir. 1994-cü il yanvarın 4-də Ağdam rayonunun Güllücə kəndi uğrunda gedən döyüşlərdə yaralı əsgər yoldaşını döyüş meydanından çıxararkən düşmən gülləsinə tuş gələrək şəhid olur. Şəhidin cənazəsi doğulduğu kəndə gətirilərək torpağa tapşırılır. Hal-hazırda Çayrud kənd orta məktəbi Elşən Səfərovun adını daşıyır. Əbədiyyət yolçuları 29 ƏBÜLFƏT MUSAYEV (1966-1994) Musayev Əbülfət Nəsirulla oğlu– 1966-cı ildə Lerik rayonunun Sipyəreğon kəndində anadan olub. 1973-cü ildə Vizəzəmin kənd orta məktəbinin birinci sinfinə daxil olub, 1983-cü ildə həmin məktəbin onuncu sinfini bitirib. Orta məktəbi bitirdikdən sonra Lerik rayon Hərbi ko- missarlığı tərəfindən həqiqi hərbi xidmətə çağrılaraq keçmiş sovet ordu sıralarına yola salınır. Hərbi xidmətini başa vurduq- dan sonra vətənə qayıdır. Qarabağ savaşı başlananda könüllü olaraq Milli ordu sıralarına qoşulur. Əbülfətin döyüş yolu Qarabağ cəbhəsinin müxtəlif istiqamətlərindən keçir. 1993-cü ildə Fizuli rayonu uğrunda gedən döyüşlərdə iştirak edir, öz döyüş bacarığı ilə seçilərək qəhrəmanlıqlar göstərir. 1994-cü il yanvar ayının 12-də Fizuli rayonu uğrunda gedən döyüşlərdə düşmən gülləsinə tuş gələrək qəhrəman- casına şəhid olur. Şəhidin cənazəsi doğulduğu kəndə gətirilərək torpağa tapşırılır. Hal-hazırda Vizəzəmin kənd orta məktəbi Musayev Əbülfət Nəsirulla oğlunun adını daşıyır. Yüklə 4,95 Mb. Dostları ilə paylaş:
|