1. İnformasiya anlayışı və informatikanı təşkil edən komponentlər İnformatika

Qarşılıqlı təsir anlayışı – fəaliyyətlərin yerdəyişməsi, kompüterlə istifadəçi arasında olan fəaliyyətlərə olan reaksiyadır.

Qarşılıqlı təsir əsasən iki növə ayrılır:

1. Mətn şəklində olan əmrlərdən istifadə etməklə; 2. Birbaşa manipulyasiya .

Beləliklə, istifadəçinin kompüterlə əlaqəsini yaratmaq üçün bir neçə üsul var:

• 
  Əmr dilləri – istifadəçi mətn rejimində uyğun əmrləri daxil etməklə sistemi idarə edir;
  
• 
  Sual və cavab – dialoq, kompüter sualları verir istifadəçi isə cavab verir və yaxud əksinə;
  
• 
  Formalar – istifadəçi formanı və ya dialoqun sahələrinə lazımi informasiyaları daxil edir;
  
• 
  Menyu – istifadəçi bir neçə seçimlə təmin olunur və lazım olan punktları seçməklə sistemi idarə edir;
  
• 
  Birbaşa manipulyasiya – istifadəçi ekranda olan obyektləri mouse tipli manipulyasiya qurğuları ilə idarə edir.
  

Hal-hazırda müxtəlif ƏS-də adətən göstərilən üsulların müxtəlif kombinasiyalarından istifadə edilir. Məsələn, Windows ƏS qrafiki interfeysində həm birbaşa manipulyasiya, həm də menyu, dialoq elementləri, formalar və əmrlər dilindən istifadə olunur.

Kompüterlə iş zamanı istifadəçinin özünü rahat hiss etməsi üçün , sistemlə qarşılıqlı əlaqə vaxtı komfort hiss etməlidir. İşin rahat olmasına təsirini göstərən faktorlar: sosial faktorlar, fiziki erqonomika, psixoloji erqonomika.