1. İnformasiya anlayışı və informatikanı təşkil edən komponentlər İnformatika

İnsan kompüter interfeysi

İnsan kompüter interfeysi (İKİ) - texniki sistemlə operator arasında birbaşa qarşılıqlı əlaqəni təmin edən üsul və vasitələrdir. Bunlar operatora həm sistemi idarə etməyə, həm də ona nəzarət etməyə imkan verir. İKİ - proqram sisteminin işi zamanı predmet sahəsinin informasiya modelinin yaradılması üçün və onun istifadəçi ilə qarşılıqlı əlaqəsini təmin edən üsul və vasitələr toplusudur. İnterfeysə daxildir:

• 
  Təqdimetmə dili – kompüterlə istifadəçinin ünsiyyəti;
  
• 
  Fəaliyyətlər dili – istifadəçi ilə kompüterin ünsiyyəti;
  
• 
  İstifadəçi interfeysin təqdim edilməsi.
  

Formalar – interfeysin əsas elementidir. Formaların təyinatı – verilənlərin əlverişli şəkildə daxil edilməsi və avtomatlaşdırılmış sistemin vəziyyəti haqqında olan məlumatların baxışıdır. Formaların yaradılmasının əsas prinsipləri:

• 
  Forma anlaşıqlı şəkildə olmalıdır. Əgər forma kağız üzərində tərtib olunubsa, onda onu elə sadə şəkildə tərtib etmək lazımdır ki, istifadəçi onu kompüterə köçürərkən heç bir çətinliklə üzləşməsin .
  
• 
  Formanın sahələrində informasiya vahidləri elə seçilməlidir ki, gələcəkdə istifadəçi onu istifadə edə bilsin.
  
• 
  Formanın informasiya elementləri elə seçilməlidir ki, qarşıya qoyulan məsələni həll edərkən istifadəçinin diqqətini cəlb edə bilsin.
  
• 
  Qarşılıqlı əlaqəli və ya bir-birinə bağlı elementlər eyni bir formada təsvir olunmalıdırlar.