14
Dişi cinsiyyət üzvləri
Dişi cinsiyyət sisteminə yumurtalıqlar, balalıq boruları,
balalıq, vagina, sidik cinsiyyət dəhlizi və xarici cinsiyyət
orqanları aiddir. Yumurtalıqlar ekzokrin və endokrin
funksiyaları yerinə yetirən cinsiyyət vəziləridir. Ekzokrin
funksiyanı oogenez zamanı həyata keçirir, endokrin
funksiyanı isə estrogen və progesteron hormonu hasil
etməklə həyata keçirir. Yumurtalıqların üstündə bir qat
kubiki epiteli yerləşir, bunun altında sıx birləşdirici
toxumadan olan ağlı qişa yerləşir. Yumurtalıqlar kənarda
yerləşən qabıq və mərkəzdə yerləşən beyin maddəsindən
təşkil olunmuşdur. Hər iki maddənin əsasını birləşdirici
toxumadan olan stroma təşkil edir. Qabıq maddənin
stromasında saya əzələ hüceyrələrini xatırladan fibroblastlar
sıx yerləşməklə kollogen liflər az, elastiki liflər isə heç
olmur.
Beyin
maddənin
stroması
boş birləşdirici
toxumadandır, beyin maddə qan damarları ilə güclü təmin
olunur, damarlar isə qıvrım yollara malikdir. Stromanın
birləşdirici toxumasında vəz hüceyrələri yerləşir. Bunlar
estrogenlər hasil edir. Qabıq maddədə inkişaf etməkdə olan
follikullar, atreziya olunmuş follikullar və sarı cisim yerləşir.
Hər bir follikulda böyümə mərhələsində olan oosit yerləşir.
Qabıq maddədə ağlı qişanın altında çoxlu miqdarda
primordial follikullar yerləşir, bu follikullar yumurta
hüceyrəsindən və onu örtən bir qat yastı follikulyar
hüceyrələrdən təşkil olunmuşdur. Follikul inkişaf etdikcə
yumurta
hüceyrəsi
böyüyür,
follikulyar
hüceyrələr
böyüyərək əvvəl kubiki, sonra slindriki epitelə, axırda
çoxqatlı epitelə çevrilir. Yumurta hüceyrəsinin ətrafında
şəffaf bazal zar üstündə yerləşən hüceyrələr dənəli qat əmələ
gətirir. Dənəli qatın xaricində birləşdirici toxuma qişası
yerləşir. Yumurta hüceyrəsinin plazmollemasının follikulyar
hüceyrələrin dənəli qişası ilə təmas yerində şəffaf qişa əmələ
gəlir. Şəkil 46.
Dənəli qatın daxili qişası slindrik formalı radial yerləşən
15
hüceyrələrdən ibarət olub şüalı tac adlanır. Həmin hüceyrələr
nazik qabarmaları ilə inkişaf etməkdə olan yumurta
hüceyrəsinə qida maddələri çatdırır. Tədricən dənəli qatın
hüceyrələri arasında maye ilə dolu yarıqlar əmələ gəlir. Bu
andan etibarən follikul qovuqlu follikul adlanır, yarıqlar
maye ilə dolduqca yumurta hüceyrəsi follikulun bir qütbündə
follikulyar hüceyrələrdən ibarət təpəcikdə yerləşir. Bu
təpəcik yumurta daşıyan təpəcik adlanır. Yumurta hüceyrəsi
təpəcikdə şəffaf qişa, şüalı qişa, tac və dənəli qişa ilə örtülü
olur. Belə follikul yetişmiş follikul, yaxud Qraaf qovuğu
adlanır. Qovuğun divarı dənəli qatdan, bazal zardan və
birləşdirici toxuma qişasından ibarətdir. Bu qişanın daxili
səthi damarlı, xarici səthi fibroz qat adlanır. Follikulun
inkişafı adenohipofizin hormonları ilə tənzim olunur. Bu
hormonların sintezi qanadotropositlərin fəaliyyəti ilə
əlaqədardır. Dənəli qatın follikulyar hüceyrələrinin hasil
etdiyi follikulin qovuğun mayesinə toplanır, qana sorulur.
Həmin hormon qanda çoxalanda hipofizin eyni adlı
hüceyrələri tərəfindən lüteitrop hormonun ifrazı güclənir,
hormon çoxalanda qovuğun divarı partlayır, yumurta
hüceyrəsi xaric olur, yerində progesteron hasil edən
müvəqqəti endokrin vəz – sarı cisim əmələ gəlir. Bu
hormonun təsiri ilə balalığın selikli qişasında rüşeymin qəbul
edilməsi üçün şərait yaranır və digər follikulların inkişafı
təzyiq altına alınır.
Yumurtalıqda sarı cisim fəal fəaliyyət göstərərsə, digər
follikullar
inkişaf etmir. Yumurtalığın estrogen və
progesteron hasil etməsi eyni vaxtda getmir. Bu da dişi
cinsiyyət orqanlarının quruluşu və funksiyasında tsiklik
dəyişiklərin əmələ gəlməsinə şərait yaradır.
Ovulyasiya olunmuş yetişkən yumurta hüceyrəsi şəffaf
qişa və şüalı tacla birlikdə yumurta borusunun qıfvari
genişliyinə düşür. Partlamış qraf qovuğunun yerində əvvəl
qırmızı, sonra isə sarı cisim yaranır. Boğaz heyvanlarda sarı
cisim boğazlıq qurtarana qədər qalır, belə sarı cisim boğazlıq
16
sarı cismi adlanır. Boğaz olmayan heyvanlarda isə sarı cisim
bir cinsiyyət tsikli dövründə qalır. Follikulların hamısı
ovulyasiya olunmur, bunların çox hissəsi inkişafın müəyyən
mərhələsində məhv olur və bu proses atreziya adlanır.
Atreziya prosesi pozulanda yumurtalıqlarda kista əmələ
gəlir.
Yumurtalıq borularının divarı selikli, əzələ və seroz
qişalardan təşkil olunmuşdur. Selikli qişanın üstünü bir qatlı
kirpikli epiteli örtür. Epiteli qatında kirpikli və kirpiksiz
hüceyrələr yerləşir. Kirpikli hüceyrələrin apikal qütbündə
yerləşən kirpiklərin hərəkəti balalığa tərəf olur. Kirpiksiz
hüceyrələr kubvari olub, sekretor funksiyasını yerinə yetirir,
çərəaxıtma dövründə sekretor hüceyrələrin miqdarı artır.
Selikli qişanın xüsusi qatı boş birləşdirici və retikulyar
toxumalardan təşkil olunmuşdur. Bu qatda tək-tək əzələ
hüceyrələri yerləşir, əzələ qişası saya əzələ hüceyrələrindən
olub, dairəvi qatı yaxşı inkişaf etmişdir. Seroz qişa boş
birləşdirici toxumadan olub, üstü mezoteli ilə örtülüdür.
Məməlilərdə balalıq müxtəlif cinsiyyət hormonlarının
təsirilə sinir sisteminin tənzimi ilə rüşeymin inkişafını və
onun qida maddələri ilə təmin olunmasına şərait yaradır.
Balalığın divarı selikli, əzələ və seroz qişalarından təşkil
olunmuşdur.
Selikli qişa bir qatlı slindrik epiteli ilə örtülüdür. Epiteli
qatında kirpikli, selik və seroz maye hasil edən sekretor
hüceyrələr yerləşir. Xüsusi qat boş birləşdirici və retikulyar
toxumalardan olub, az miqdarda saya əzələ hüceyrələrinə
malikdir.
Əzələ qişası saya əzələ toxumasından olub, daxili
dairəvi, orta çəp və xarici boylama istiqamətlərdə yerləşir.
Orta qatda qan damarları çox olduğu üçün əzələ qişasının
damarlı qatı adlanır.
Seroz qişa boş birləşdirici toxumadan olub, üstü
mezoteli ilə örtülüdür. Qeyd etmək lazımdır ki, selikli qişa
trofik, tənəffüs, ifrazat funksiyaları, əzələ qişası isə yığılma
Dostları ilə paylaş: |