532
Kərbəlayı Mahmud da bilirdi; onun istəyi buydu ki, məmləkətdə
əmin-amanlıq olsun, Şəkidən karvanlar gəlib keçsin, karvansaranı
həmişə müsafirlərlə dolub-daşsın, bir parça çörək üçün zillətə
qatlaşmalı olmasın.
523. Qorxduğumuz oldu, hicri 1156-cı, miladi 1744-cü ilin ya-
yında Şahımızın üzünü quzeyə doğru çevirdiyi barədə xəbərlər
yayıldı. O günlərin birində Kərbəlayı Mahmud dedi, Hacı Çələbi
xan camaatın «Gələsən-görəsən» qalasına çəkilməsi barədə əmr
verib. Doğrudan da, karvansara həyətindən xan carçılarının qış-
qırtılarını, şəhərin bir neçə fərsəngliyindəki qalaya doğru yolla-
nan atların, qatırların, arabaların tappıltılarını, cırıltılarını tez-tez
eşidirdim. Hər gün Kərimin köməyilə çıxıb həyətdəki mindərin
üstündə oturur, kürəyimi ağaca söykəyib, o əndişə, ölüm-itim
dolu səslərə qulaq asırdım. Bir neçə dəfə Kərbəlayı Mahmud
qalaya getmək fikrində olub-olmadığımı soruşdu, dedim, mənim
Şahımızdan qorxum yoxdu, neçə illər ona xidmət eləmişəm,
karvansara küncündə dünya işığına həsrət qalmış bir qoca kimə
lazımdı; üstəlik, Kərbəlayı Mahmuda deməsəm də, Şahımızın
yanında Mirzə Mehdi kimi sədaqətli qələmdaşım vardı, şübhəsiz
ki, Şahımız bura gəlməsə belə, Mirzə Mehdi gələn qoşunun
sərdarına mənim barəmdə nəsə deyəcəkdi, bu da yetərliydi.
Təkcə Kərimlə bağlı əndişəm vardı, amma gələnlərin arasında
korun qolundan tutan kəsi öldürəcək qədər zalım kimsəylə qar-
şılaşacağıma inanmırdım. Kərbəlayı Mahmud özü mütərəddid
vəziyyətdə qalmışdı, axırda belə qərara gəldi ki, külfətini qalaya
yox, Qəbələdəki qohumlarının yanına göndərib özü karvansa-
rada qalsın. Dedi, mənim taxt-taclıq işim olmayıb ki, qorxum,
onsuz da ömrümün çoxunu yaşamışam, Allah-tala canımı harda
məsləhət bilirsə, orda alacaq, əcəldən kim qurtulub, axı. Üç
həftədən sonra ən pis vaxtlarda belə, ən azı, yarıyacan dolu olan
karvansarada üçümüzdən, bir də dərvişlibas bir sərgərdandan
başqa kimsə qalmadı. Kərbəlayı Mahmudun dediyinə görə, tif-
lisli iki tacir Şahımızın qoşunlarına rast gəlməmək üçün geri qa-
yıtmışdılar, karvansaradakılardan üç nəfər tələm-tələsik Gəncəyə,
iki nəfər Dərbəndə, iki nəfər də Ərəşə yollanmışdı. Hələ kimsə
Şah qoşununun buralara nə vaxt gəlib çıxacağını bilmirdi, arada-
bir Kərbəlayı Mahmud kimdənsə xəbər tuturdu ki, Hacı Çələbi
533
xan qalanı möhkəmləndirmək, ərzaq və su ehtiyatı yığmaqla
məşğuldu, belə görünür ki, son məqamacan duruş gətirmək
fikrindədi.
524. Bir ayacan çəkən səksəkəli günlərdən, yuxusuz gecələrdən
sonra xəbər çatdı ki, Şahımız qoşunuyla Bərdə altındakı sevimli
yerində düşərgə salıb, məsləhət-məşvərətdən sonra əmr eləyib
ki, on beş min nəfərlik qoşun Şəkinin üstünə gedib olan-qalan
ərzağı yığsın, «Gələrsən-görərsən» qalasını da darmadağın eləsin.
Sonrakı günlərdə gah Kərbəlayı Mahmud, gah Kərim ana yola
çıxır, rastlaşdıqları adamlardan cürbəcür xəbərlər gətirirdilər.
Deyilənə görə, mahalın kəndləri artıq boşalmış, camaat ərzağı
götürüb meşələrə, dağlara çəkilmişdi, hətta orda-burda şah qo-
şununa basqın eləyir, silah-sursat ələ keçirirlər. Deyilənə görə,
Şahımız özü ordugahını Bərdədə qoyub Cavad yaxınlığında sal-
dırdığı körpüdən keçmiş, Dərbəndə sarı üz tutmuşdu. Deyirdilər,
«Gələrsən-görərsən» qalasının üstünə gələn şah qoşunlarının
çoxu Daşbulaq tərəfdəki Kotan düzündə qalıb, çünki ensiz, sərt
yoxuşla qalaya yaxınlaşa bilmirlər. Qışın bu vaxtında Şahımızın
Şəkinin üstünə gəlməsi mənə çatmırdı, çünki ötən səfərindən
dərs götürməliydi. İki ay boyunca aldığımız xəbərlərdən məlum
olurdu ki, hər iki tərəfdən itkilər var. Hücrəmizdə belə eşidilən
top atəşləri Şah qoşunlarının çətinliklə qarşılaşdığından xəbər
verirdi. Sonra xəbər çıxdı ki, Şahımız Dağıstanda işləri yoluna
qoyub, əksər hakimlərin itaətini qəbul eləyib Dərbəndə, ordan da
Tabasarana, sonra Bərdə altındakı düşərgəsinə qayıdıb. Üç-dörd
həftədən sonra Şahımızın Kürü keçib Ərəşdə düşərgə saldığı
barədə xəbər eşitdik. Mirzə Mehdinin bu qədər yaxında olma-
sından o qədər həyəcanlandım ki, günlərlə dilimə nə çörək, nə
su dəydi. Amma içimə şübhə də enmişdi: sədaqətli Mirzə Mehdi
belə yaxındaydısa, niyə qələmdaşının taleyilə maraqlanmırdı; bu
müddət ərzində mənimlə maraqlanmamışdısa, deməli, ya Şahı-
mızla səfərə çıxmamışdı, ya da arzusuna çatıb Şahımızın qullu-
ğundan çıxmış, doğulub-böyüdüyü Astrabada getmişdi. Əlbəttə,
ikinci fərziyyəmə özüm də inanmırdım, çünki o mənim tanıdı-
ğım Mirzə Mehdiydisə, məmləkətin belə çətin vaxtında kənara
çəkilib guşənişin ola bilməzdi.
534
525. Bir neçə ay döyüşlər səngidi; deyirdilər, Şahımız istira-
hətlə məşğuldu, yəqin qüvvə toplayıb yaz girəndə qalaya qəti
hücum eləyəcək. Sonra daha bir xəbər çıxdı, deyirdilər, qala-
nın dörd yanındakı meşəyə baltaçılar dəstəsi göndərib ki, ağac-
ları qırıb toplara yol açsınlar; deyirdilər, bundan xəbər tutan
bəzi bəylər, kəndxudalar, tayfabaşılar Şahımızın yanına gedib
itaətlərini bildirmişdilər, hökmdar da onlara xələt vermiş, Hacı
Çələbi xana xəbər göndərmişdi ki, daşı ətəyindən töksün, gəlib
təslim olsun. Amma Hacı Çələbi xan boyun əymək fikrində
deyildi, qalanın bütün yollarının kəsilməsi belə onu qorxutma-
mışdı. Üç ayın tamamında dedilər, Şahımız qəfildən Ərəşdəki
düşərgəsinə qayıtdı, Kürü adlayıb Xaçına, Göyçə yaylağından
keçib Rəvana doğru getdi, Osmanlı sərkərdəsi Yegen Mehmet
Paşayla döyüşə yollanır. Amma on beş min nəfərlik Şah qo-
şunu qalıb, qalanı üzük qaşı kimi dövrəyə almışdı. Düz bir
ilimiz beləcə, intizar içində keçdi, o bir ildə Şahın qoşunları
Şəkiyə od vurdular, Hacı Çələbi xan itaət eləmədi, yaz-yay getdi,
payız-qış gəldi, Hacı Çələbi xan təslim olmadı. Amma sonrakı
ilin Novruz günlərində xəbər çıxdı ki, Hacı Çələbi xan itaət
göstərməyə qərar verib. Deyirdilər, axır aylarda qalada adam-
başına bir tikə çörək, bir qurtum su paylanırmış, üyüdüləsi,
kəsiləsi nə varmış, hamısı tükənibmiş; deyirdilər, Şah qoşunları
qalaya ərzaq çatdırmaq istəyən dəstələri yaxalayıblar, qoymayıb-
lar ki, qalanın üzərindən bir quş da uçsun. Bir neçə gün sonra
qalada sağ qalanların evlərinə qayıtdıqları, Hacı Çələbi xan və
ətrafındakılarınsa həbsə alınıb Şahımızın hökmünü gözlədikləri
barədə Kərbəlayı Mahmud xəbər gətirdi. Bir neçə ay sonra eşit-
dik ki, hökmdar Xorasandan fərman göndərib Məlik Cəfəri ma-
halın hakimi, Hacı Çələbi xanı da onun vəkili təyin eləyib.
Allahın lütfündəndimi, nədəndi, bilmirəm, Şahımızın əsgərləri
Şəkiyə od vuranda Kərbəlayı Mahmudun karvansarasına bir şey
olmamışdı, heç Şahımızın əsgərləri gəlib olan-qalan ərzağına da
toxunmamışdılar. Görünür, Allah məsləhət biləndə binəsibləri də
nəzərində saxlayır.
Dostları ilə paylaş: |