Yevropada xavfsizlik va hamkorlik tashkiloti yxht

Oʻzbekiston Respublikasi Oliy Majlisi Senati Axborot xizmati
Shavkat Mirziyoyev Yevropada xavfsizlik va hamkorlik tashkiloti Demokratik institutlar va inson huquqlari bo‘yicha byurosi (YeXHT DIIHB) missiyasi rahbari Ursula Gachekni qabul qildi. Bu haqda Prezident matbuot xizmati xabar berdi.
Qayd etilishicha, uchrashuvda bo‘lajak prezidentlik sayloviga tayyorgarlik ko‘rish va uni o‘tkazish masalalari ko‘rib chiqildi. Uchrashuv avvalida Shavkat Mirziyoyev YeXHT bilan konstruktiv muloqot, faol almashinuvlar, ochiq va samarali hamkorlik yo‘lga qo‘yilganini katta mamnuniyat bilan qayd etdi.
"Byuro ekspertlari milliy saylov tizimini modernizasiya qilishda, shu jumladan mamlakatimiz Saylov kodeksini ishlab chiqishda ishtirok etgan. YeXHT DIIHB missiyasi joriy yil 30 aprel kuni bo‘lib o‘tgan Konstitusiya bo‘yicha referendumni kuzatishda ham qatnashgan edi", — deyiladi xabarda.
Uchrashuv davomida umumxalq ovoz berish jarayonini xalqaro standartlarga muvofiq o‘tkazishning turli jihatlari yuzasidan atroflicha fikr almashildi. Shuningdek, DIIHB missiyasi rahbari Ursula Gachek Yangi O‘zbekistondagi ortga qaytmas demokratik yangilanishlar va ijtimoiy-iqtisodiy islohotlarni yanada chuqurlashtirish jarayonlarini qo‘llab-quvvatladi.