АМЕА-nın Xəbərləri (biologiya və tibb elmləri), cild 68, №2, səh. 29-33 (2013)
29
Xəzər Dənizində Antropogen Evtroflaşmanın Oksigen Rejiminə Təsiri
M.Ə.Salmanov, H.F.Həsənov
AMEA Mikrobiologiya İnstitutu, Badamdar şossesi, 40, Bakı AZ1073, Azərbaycan
Son 50 ildə Xəzərin akvatoriyasında, xüsusilə də Cənubi Xəzərin Azərbaycana aid qərb şelfində
monitorinq yönümlü aparılan mikrobioloji və hidrobioloji tədqiqatlardan məlum olmuşdur ki, sahil
dayazlıqlarına müxtəlif mənbələrdən atılan-qarışan alloxton mənşəli tullantılar, suda fitoplankton və
bakterioplanktonun generasiyasını sürətləndirir. Məlum olmuşdur ki, həm alloxton, həm də avtoxton
üzvi maddələrlə zənginləşən su qatlarında və dib çöküntülərində labil xassəli enerji mənbələri adekvat
şəkildə mühitdə olan oksigen məsrəfini artırır. Həmçinin müəyyən edilmişdir ki, ümumiyyətlə
antropogen təsirlər sayəsində, dənizin coğrafi mövqeyi, iqlim şəraiti ilə əlaqədar olaraq,
fitoplanktonun inkişafı bütün il boyu davam edir və zaman-müddət baxımından bu hadisə getdikcə
daha da intensivləşir. Məqalədə, ümumi Xəzərin bütün akvatoriyası ilə yanaşı, onun ən məhsuldar
sahələrindən biri olan Kür çayı vadisindən Astara sahədə suyun oksigen rejiminə, kənardan Xəzər
sularına qarışan alloxton mənşəli üzvi maddələrin təsiri, ərazinin ümumi bioloji məhsuldarlıq
kontekstində araşdırılır.
Açar sözlər: evtroflaşma, ilkin, ikinci məhsul, biodestruksiya, fitoplankton, bakterio-zooplankton, hipoksiya,
anaerobioz
GİRİŞ
Xəzər dənizinin mikrobioloji rejimi,
fitoplanktonun fotosintez prosesində
əmələ
gətirdiyi ilkin üzvi maddələr keçən əsrin 60-cı
illərindən zaman və məkan baxımından öyrənilir
(Salmanov, 1963, 1964, 1968, 1972, 1987, 1999).
Hələ keçən əsrin 70-ci illərində məlum olmuşdur
ki, antropogen təsirlərdən – çirkab sular axıdılan
sahil sular, çay vadiləri və təcrid olunan buxta-
körfəzlərdə fitoplankton yüksək səviyyədə inkişaf
edir. Dənizin nisbətən dərin ərazilərində, xüsusilə
şelf sularında antropogen evtroflaşmanın geniş
sahəli akvatoriyada baş verməsi, 80-ci illərdən
sonra qeyd edilmişdir (Salmanov, 1991). Real
tədqiqatların nəticələrinə görə, Xəzər dənizində
üzvi maddələr balansını təyin etmək, hesablamaq
məqsədilə ümumi üzvi maddələrin biodestruksiya
dərəcəsinin aydınlaşdırılması göstərdi ki, oksigen
məsrəfi, evtroflaşma hadisəsi ilə düz mütənasiblik
təşkil edir. Bu da o deməkdir ki, labil üzvi
maddələrlə aramsız zənginləşən sularda oksigen
məsrəfi artır. Oksigenin suda, lil-qruntda ixtisar
edilməsi səbəblərini araşdırmaq və hipoksiya
hadisəsi-prosesinin ekoloji aqibətini müəyyən
etmək olduqca aktualdır.
MATERİAL VƏ METODLAR
Öncə qeyd etmək lazımdır ki, bütün Xəzərdə
və onun Azərbaycan sektorunda illər, fəsillər üzrə
tədqiqatlar təkrar olaraq eyni metodlarla
aparılmışdır. Həmçinin son 50-55 ildə əldə olunan
nəticələr də, eyni kəsimlər, ərazi-məntəqələr və
izobatlardan toplanan nümunələrə əsaslanır. Ona
görədə, təqdim olunan rəqəm-faktları reprezentativ
saymaq olar. Fitoplanktonun fotosintezində əmələ
gələn ilkin üzvi maddələr G.G.Vinberq (1934;
1960) üsuluna əsasən təyin edilmişdir. Ümumi üzvi
maddələrin biodestruksiya dərəcəsi isə – məlum
olan oksigenin təyini metoduna əsasən
hesablanmışdır (Romanenko, Kuznetsov, 1974). Bir
növ, əvvəlki illərdə başa çatdırılan tədqiqatların
davamı kimi, yəni bizim tədqiqatlar 2012-ci ildə
ilin fəsilləri üzrə təkrar aparılmışdır. Fərq ondan
ibarətdir ki, cari ilə aid nəticələr radioaktiv karbon
– C
14
- vasitəsilə yox, oksigen ekvivalentinə əsasən
hesablanmışdır. Hər iki metodun tətbiqi sayəsində
alınan nəticələrin müqayisəsi göstərmişdir ki, fərq
9-11% arasında dəyişir (Salmanov, 1987). Ona
görə, bizim son işlərin nəticələrini əvvəlki illərdə
əldə edilən kəmiyyətlərə uyğun saymaq olar. Su
nümunələri Knudson batometri ilə toplanmışdır,
suların şəffaflığı Sekki lövhəsi ilə, temperaturu isə
dərinlik termometri ilə ölçülmüşdür. Toplanan
nümunələr temperatur şəraitinə tam əməl
olunmaqla, 24 saatdan sonra analiz edilmişdir.
NƏTİCƏLƏR VƏ ONLARIN MÜZAKİRƏSİ
Səciyyəvidir ki, ilk dəfə təbii göllərin bioloji
məhsuldarlığını, trofik tipini təyin etmək üçün təklif
olunan evtrofos termini (yunanca yağlı, qidalı
deməkdir) dənizlərə aid edilməmişdir. Çünki, XX
əsrin 50-ci illərinə kimi dünya okeanı və
kontinental dənizlərdə evtroflaşma prosesləri qeyd
Xəzər Dənizində Antropogen Evtroflaşmanın
30
Cədvəl 1. Volqa çayı vəXəzər dənizinə gətirilən biogen elementlər və üzvi maddələrin illər üzrə dəyişməsi (Katunun,
2008; Zenin,1965; Poxomova, Zatuçnaya, 1966; Kosarev,1974)
İllər Üzvi
maddə,
mln ton
Fosfor, min ton
Azot, min ton
Silisium,
min ton
mineral üzvi mineral üzvi
1956-1960 3,1
1,3
11,2
52,0
130,0 426,0
1960-1970 3,9
1,6
14,3
60,3
140,0 430,0
1970-1975 5,4
2,9
`21,4
91,8
286,0 534,0
1976-1980 6,8
5,8
40,6
86,3
279,0 446,0
1981-1985 8,6
8,7
60,3
138,0 367,0 483,0
1986-1995 14,4
16,4
58,6
182,0 383,0 476,0
1996-2002 18,7
20,4
66,3
210,0 410,0 510,0
olunmamışdır. Beləliklə, məlum olur ki, tarix boyu
yüksək vətəgə əhəmiyyətli məhsul ilə seçilən Xəzər
dənizində də evtroflaşma getməmişdir. Təbii
şəraitdə su ekosistemlərində maddələr dövranı,
ilkin və ikinci məhsul, üzvi maddələr balansı
tənzimlənmiş vəziyyətdə yüz illərlə davam edir,
trofik
əlaqələr, fauna-flora hər hövzənin
özünəməxsus daxili resurslara əsasən inkişaf edir.
Təəssüflər olsun ki, Xəzər dənizində bu
qanunauyğunluq son 55-60 ildə əsaslı surətdə
dəyişmişdir. Bunun da başlıca səbəbi, birinci
növbədə Xəzər dənizinə kənardan daxil olan əlavə
maddələrin çoxalmasıdır. Bu hadisəni Xəzər
dənizinə axan yüzdən çox çaydan biri olan Volqa
çayının gətirdiyi əlavə maddələrin illər ərzində
çoxalması misalında daha aydın görmək olar
(Cədvəl 1).
Qeyd etmək lazımdır ki, müəyyən zaman-vaxt
kəsiyində bu və ya başqa su hövzəsində ekoloji
sabitliyin vəziyyətini düzgün müəyyən etmək üçün,
onda başa çatdırılan əvvəlki və sonuncu
tədqiqatların nəticələrini müqayisəli
şəkildə
qiymətləndirmək lazımdır. Özü də bu araşdırmalar
nə qədər çox və uzun müddətdə təkrar olunursa,
əsas məqsəd, yekun nəticə daha düzgün və
inandırıcı olur. Bu baxımdan Xəzər dənizində ,
xüsusilə onun qərb şelfində son 55-60 ildə baş
verən ekoloji dəyişiklikləri izləmək daha asandır,
çünki Xəzərin bu “yarısında” tədqiqatlar dəfələrlə
təkrar aparılmışdır və
zəngin materiallar
toplanmışdır.
Məlumdur ki, Xəzər dənizinə axan çay
sularının 80%-dən çox hissəsi Volqa çayının payına
düşür (Kosarev, 1969). Bundan başqa, sübut
olunmuşdur ki, Volqa çayı ilə Xəzərə axıdılan
maddələr məhz dənizdə su axını, cərəyanı ilə
Abşeron astanasını aşaraq Cənubi Xəzərin qərbinə
yayılır. Eyni zamanda da Volqa, Terek, Sulak,
Samur və Kür çayları ilə Xəzər sularına illər boyu
əlavə olunan kənar maddələrdən başqa, sahil sulara
yaşayış məntəqələri, şəhərlərdən bilavasitə qarışan
üzvi və qeyri-üzvi maddələrin kütləsini təsəvvür
etmək çətin deyildir. Cədvəl 1-dən görünür ki, son
35-40 ildə təkcə Volqa çayı Xəzərə axıtdığı
alloxton üzvi maddələrin kütləsi 15 milyon ton
çoxalmışdır. Həmin üzvi substratın
biodestruksiyasına
əlavə olaraq sulardakı
oksigendən 50 mln m
3
sərf edilmişdir ki, belə
kənar-artıq oksigen məsrəfi də ekosistemin sabit
vəziyyətdə fəaliyyətində “nəzərdə” tutulmuşdur.
Bundan başqa, həmin müddətdə yenə Volqa çayı ilə
Xəzərə əlavə 22 min ton mineral, 55 min ton üzvi
fosfor, 150 min ton mineral və 280 min ton üzvi
azot birləşmələri qarışmışdır. Eyni zamanda da
təcrübələrlə sübut olunmuşdur ki, 1 kq mineral
fosfor və azot duzları su hövzələrində 1000 kq fito-
zooplankton kütləsi əmələ gətirə bilər (Ouen,
1977).
Xəzər dənizində antropogen evtroflaşma və
oksigen məsrəfinin əlaqəli şəkildə davam etməsi
qanunauyğun prosesdir. Səciyyəvidir ki, bu
hadisədə mineralizə olunan üzvi maddə təkcə
oksigen məsrəfi ilə öz “fəaliyyətini” başa vurmur.
Çünki, üzvi maddələrin bəsidləşməsi həm
metabolitlərin əmələ gəlməsinə, həm də biogen
elementlərin sərbəstləşərək təkrarən dövrana
qoşulmasına, əlavə biokütlənin yaranmasına,
oksigenin daha geniş miqyasda və intensiv sərfinə
səbəb olur. Antropogen evtroflaşmanın, suların
asan mineralizə olunan üzvi maddələrlə
zənginləşməsinin, həmin biotoplarda oksigen
qazına mənfi münasibəti Şimali Xəzərdə Volqa
çayının qollarından biri – Belinski kanalı vadisində,
Ural çayının cənub-qərb dayazlıqlarında, Cənubi
Xəzərin Bakı buxtasında, Krasnovodsk
(Türkmənbaşı) buxtasında, Türkmən körfəzi,
Çələkən yarımadasında da qeyd olunur. Göstərilən
ərazilərdə suda olan oksigen qazı, təcrid edilən
nümunələrdə 12-16 saatdan sonra tam tükənir.
Xəzər dənizində antropogen evtroflaşmanın
bütün hövzənin hər üç hissəsində, ildən-ilə artması,
intensivləşməsi, dənizdə üzvi maddələr balansını
hesablayanda daha aydın görünür. Maraqlıdır ki, üzvi
maddələr balansını təyin etmək üçün Xəzər dənizinin
hər yerində ilin fəsilləri üzrə fitoplanktonun
fotosintezində əmələ gələn ilkin üzvi maddələrin
miqdarı, kənardan çayların gətirdikləri, küləklər, toz-
torpaqla sulara qarışan üzvi substratların həcmi və
eyni zamanda da, dənizin sularında, lil-qruntda
mineralizə olunan üzvi maddələrin ümumi miqdarı
Salmanov və Həsənov
31
Cədvəl 2. Xəzər dənizinin üzvi maddələr balansı (Salmanov, 1987; 1999)
Gəlir
C min ton/il
%
Çıxar
C min ton/il
%
1974 1995 1974
1995
1974 1995 1974
1995
Alloxton üzvi maddə 6690 11000 5,4 6,4
Su
qatlarında
destruksiya
115870 152100 88,6 75,5
Fitoplanktonun ilkin
məhsulu
114700 175000 92,7 90,4 Lil-qruntda
destruksiya
9870 40200 7,5 19,9
Bakterial assimilyasiya
2400
4000
1,9
3,2 Lil-qruntda
toplanan
5130
9200
3,4 4,6
Ümumi gəlir 123790
190000
100
100
Ümumi
çıxar 130870
201500
100
100
təyin edilməlidir. Xəzər dənizində üzvi maddələrin
“gəlir” və “çıxar” element-hissələri (balans), son 50
ildə iki dəfə – 1974-1995-ci illərdə təyin olunmuşdur
(Cədvəl 2).
Cədvəldən məlum olur ki, keçən əsrin 70-ci
illərinin əvvəlində Xəzər dənizində üzvi maddələrin
ümumi miqdarı 114700 min tona bərabər olmuşdur.
Eyni vaxtda da mineralizə olunan (biodestruksiya)
üzvi maddələr 130870 ton təşkil edir. Məlum olur
ki, dənizin su kütləsində və lil-qruntunda
biodestruksiya olunan üzvi maddələrin ümumi
miqdarı məhsuldarlıqdan (gəlir) 17 mln ton çoxdur.
Sonrakı illərdə həmin sahələrdə tədqiqatlar davam
(təkrar) etdiriləndə,
ərazilərin evtroflaşması
müəyyən olunmuşdur. Səciyyəvidir ki, Xəzərin
tarix boyu “kasıb olan” şərq sahillərində də
fitoplanktonun kütləvi vegetasiyası aşkar edildi.
Keçən əsrin 80-ci illərindən Cənubi Xəzərin
Abşeron sahilləri, xüsusilə Bakı-Ələt sahilləri, Kür
çayı vadisi, Qızılağac körfəzləri, Lənkəran-Astara
sularında davamlı evtroflaşma, kütləvi şəkildə
inkişaf edən, vegetasiya dövrünü başa vuran yosun
hüceyrələri ilə sudakı hifomisetlər və
bakterioplanktonun assosiativ aqreqatlar əmələ
gətirməsi sayəsində sularda hipoksiya hadisəsi qeyd
edilmişdir (Salmanov, Hüseynov, 2004; Salmanov,
Ağayev, 2008). Fəsillər üzrə təkrar olunan
tədqiqatların nəticələrindən aydın olmuşdur ki,
Xəzərin bütün akvatoriyasında evtroflaşma
prosesləri geniş ərazilərə yayılmaqla, ilkin üzvi
maddələrin miqdarı ildən-ilə artır. Ona görə Xəzər
dənizində ümumi məhsuldarlıq proseslərinin
dəyişməsini, maddələr mübadiləsinin gedişi
tempini, dənizdə qaz-duz rejimlərinin müasir
vəziyyətini müəyyən etmək məqsədilə, hövzədə
üzvi maddələr balansını təkrar təyin etmək
zəruriyyəti yarandı. Məlum oldu ki, (cədvəl 2) ilkin
hesablamadan 20 il sonra Xəzər dənizində üzvi
maddələrin ümumi miqdarı 66 mln ton artmışdır.
Həmçinin məlum olmuşdur ki, antropogen
evtroflaşma Xəzər dənizinin hər üç hissəsində
mövcuddur və proses Orta, Cənub və Şimali
Xəzərdə müxtəlif dərəcədə davam edir. Bununla
belə, sübut olunmuşdur ki, Xəzərdə ümumi
evtroflaşmanın, təxminən 43-45%-i Cənubi Xəzər
sularında gedir (Salmanov, 1999).
Məlumdur ki, təbiətdə bütün oksidləşdirici
proseslərdə, o cümlədən, biodestruktiv
reaksiyalarda da oksigen iştirak edir. Atmosfer və
litosferdən fərqli olaraq, hidroekosistemdə
oksigenlə təchiz olunma fərqlidir. Eyni zamanda
da, hidrosferdə maddələr mübadiləsi, assimilyasiya,
dissimilyasiya proseslərinin gedişi üçün zəruri
amil-faktor sayılan “nəmişlik” üçün su tələb
olunmur. Ona görə optimal temperatur şəraitində
sularda bioloji mübadilə, mineralizasiyada oksigen
məsrəfi də yüksək olur (Kuznetsov, 1952). Xəzər
dənizində antropogen evtroflaşmanın hövzənin
oksigen qazı rejimində ekoloji gərginlik yaratması
şübhə doğurmur. Bu problemin mahiyyətini
yetərincə dərk etmək üçün yenə Xəzərin sonuncu
üzvi maddələr balansı və təkcə Volqa çayının son
20 ildə (1974-1995) dənizə əlavə olaraq gətirdiyi
üzvi maddələrin cəminə nəzər salaq. Məlum olur ki,
son 20 ildə dənizə kənardan (alloxton) 15 mln ton
əlavə üzvi maddə axıdılıb. Eyni zamanda da,
mineral fosfor və azot duzları dənizdə potensial
olaraq 55-90 mln ton biomassa yarada bilər. Eyni
zaman kəsiyində, həcmi-sahəsi çox az dəyişən
Xəzərdə 66-70 mln tona bərabər əlavə ilkin məhsul
sintez olunmuşdur. Əgər göstərilən həcmdə-
miqdarda üzvi maddələrin parçalanması-
biodestruksiyası üçün sərf edilən oksigen qazının
həcmi-miqdarını, məlum koeffisientə bərabər
götürsək (Kuznetsov, Romanenko, 1964), onda
aydın olar ki, Xəzər dənizində hər il əlavə olaraq
98-100 mln m
3
oksigen qazı istifadə olunur. Yada
salmaq lazımdır ki, Xəzər dənizi təbiətcə, tarix
boyu yüksək məhsullu hövzə sayılmışdır. Onu 100
ildən əvvəl və sonralar tədqiq edənlər (Knipoviç,
1914; 1930; Bruyeviç, 1936; Paxomova, 1956;
1970), Xəzərin başqa kontinental dənizlərə nisbətən
daha məhsuldar olmasını qeyd etsələr də, Xəzərdə
evtroflaşma və oksigen rejimində gərginliklər
barədə məlumatlar verməmişlər. Ona görə də, haqlı
olaraq ehtimal etmək lazımdır ki, Xəzərdə suların
və dib çöküntülərinin üzvi maddələrlə
zənginləşməsi, onun oksigen rejiminə mənfi təsir
göstərir. Bu barədə, hətta dərinlik az olan, su
qatları, axınlar, küləklər vasitəsilə atmosferdəki
oksigenlə təmin edilən Şimali Xəzərdə, oksigenlə
zənginləşmədə problemlərin olması qeyd edilir
(Катунин и др., 2013). Xəzər dənizinin başqa
daxili dənizlərə nisbətən vətəgə əhəmiyyətli balıq
Xəzər Dənizində Antropogen Evtroflaşmanın
32
məhsulları ilə zənginliyinə müsbət təsir edən amil-
faktorlardan biri – bütün dərinliklərdə oksigenlə
təmin olunmasıdır. Bununla belə, son 20-25 ildən
bəri məhz Orta və Cənubi Xəzərdə – Dərbənd və
Lənkəran çökəkliklərində 300-350 metrdən dərin
qatlarda oksigen tutumunun azalması davam edir.
Ona görə Xəzər dənizində, xüsusilə də Cənubi
Xəzərin qərb şelfində Kür çayı vadisindən cənub-
şərqə doğru sularda oksigen tutumunun azalmasını
ciddi ekoloji təzad kimi qəbul etmək lazımdır.
Biz, təqdim olunan məqalədə Xəzər dənizinin
oksigen rejimində
təkcə üzvi maddələrin
münasibətinə toxunduq. Məlumdur ki, dənizdə
oksigen məsrəfini artıran onlarla başqa maddələr də
vardır. O da məlumdur ki, Xəzər dənizinə nəql
edilən kənar maddələrin əsas kütləsi çaylar
vasitəsilə gətirilir. Hər çay hövzəsi isə məlum
dövlətlərin ərazisi ilə əlaqədardır. Ona görə Xəzər
dənizinin antropogen evtroflaşması səbəblərini
Xəzəryanı dövlətlərin hamısına aid etmək lazımdır.
Yuxarıda qeyd edilənləri nəzərə alaraq etiraf
etmək lazımdır ki, Xəzər dənizinin ekoloji
sabitliyini, qiymətli fauna-florasını qorumaq üçün
Xəzəryanı ölkələrin birgə səyi tələb olunur. Əsas su
mənbələrinin saf-sağlam saxlanması üçün tələb
olunan tədbirlər – çirkabın təmizlənərək tam
zərərsizləşmədən keçirəndən sonra hövzəyə
axıdılmasını, məhz Xəzəryanı ölkələrin hər biri öz
ərazisində həyata keçirməlidir. Xəzər dənizində
antropogen evtroflaşmanın, onun oksigen
tutumunun azalması, dənizin canlı aləmi üçün
qlobal ekoloji qəza sayılmalıdır. Əgər Xəzərin
ekoloji vəziyyətinə mənfi təsir edən başlıca
antropogen faktorlardan biri – oksigen məsrəfinin
artması səbəblərinə qarşı birgə tədbir görülməzsə,
son məqamda Xəzər ikinci Qara dənizə çevrilə
bilər.
ƏDƏBİYYAT
Salmanov M.Ə., Hüseynov A.T. (2004) Xəzərin
Qızılağac körfəzində anaerobioz barədə. AMEA
Botanika İnstitutunun əsərləri, XXV: 491-495.
Salmanov M.Ə., Ağayev Q.K. (2008) Lənkəran
təbii vilayətində əsas çayların Xəzərin ərazi
sularına alloxton maddələr axıtması. AMEA
Mikrobiologiya İnstitutunun əsərləri, VII: 10-14.
Бруевич С.В. (1936) Гидрохимический облик
Южного Каспия. Изв. Гос. геогр. острова,
68(вып. 1): 5-34.
Винберг Г.Г. (1934) К вопросу о балансе органи-
ческого вещества в водоемах. Тр. Лимнол. ст. в
Косино, вып. 18: 5-24.
Винберг Г.Г. (1960) Первичная продукция водо-
емов. Минск: Высшая школа, 329 с.
Зенин А.А. (1965) Гидрохимия Волги и ее водо-
хранилища. Л.: Гидрометеоиздат, 180 с.
Катунин Д.Н. (1992) Гидрохимический режим и
изменение экосистемы Каспийского моря в ХХ
веке. В сб. Биологич. ресурсы Каспийского мо-
ря. Астрахань, 160-163.
Катунин Д.Н. и др. (2013) Экологические по-
следствия современных внутриводоемных про-
цессов в пелагиали Каспийского моря. Мат. V
Международной научн. конф., Астрахань, 103-
111.
Книпович Н.М. (1921) Гидрологические иссле-
дования в Каспийском море в 1914-1915 гг. Тр.
Касп. Экспедиции, Т. 1: 943 с.
Книпович Н.М. (1930) Вертикальная циркуляция
распределение кислорода в морях Черным и
Каспийском. Изв. Гос. Гидрол. Ин-та, вып. 31:
23-42.
Косарев А.Н. (1969) Гидрологическая структура
вод. Каспийское море (М.), 184-228.
Косарев А.Н. (1974) Колебание современного
гидрохимического режима Каспийского моря.
Сб. Биологическая продуктивность Каспийского
моря, М.: Наука, 39-53.
Кузнецов С.И. (1952) Роль микроорганизмов в
круговороте веществ в озерах. М.: Изд-во АН
СССР, 300с.
Кузнецов С.И. (1970) Микрофлора озер и ее
геохимическая деятельность. Л.: Наука, 440 с.
Оуен М. (1977) Биогенные элементы, их источ-
ники и роль в речных системах. Тр. совет-
английского семинара (Л.), 54-65.
Пахомова А.С. (1956) К осадкообразованию в
северной части Каспийского моря. Тр. ГОИН,
вып. 31: 80-106.
Пахомова А.С. Биогенные элементы в водах
глубоководной части Каспийского моря. Хими-
ческие ресурсы морей и океанов. М.:Наука,
1970, с. 167-182.
Пахомова А.С., Затучная Б.М. (1966) Гидрохи-
мия Каспийского моря. Л.: Гидрометеоиздат,
344 с.
Романенко В.И., Кузнецов С.И. (1974) Экология
микроорганизмов пресных водоемов (лабора-
торное руководство). Л.: Наука, 194 с.
Салманов М.А. (1963) Микробиологическое
изучение западного побережья Каспийского мо-
ря от Апшерона до Ленкорани. Изв. АН Аз ССР,
(сер. биол. наук), №1: 53-60.
Салманов М.А. (1964) Определение первичной
продукции литорали и сублиторали западного
побережья Южного Каспия от Апшерона до
Астары с помощью С
14
. Радиоактивные изотопы
в гидробиологии и методы санитарной гидро-
биологии. Л.: Наука, 83-90.
Салманов М.А. (1968) Микробиологические
исследования донных отложений западного по-
бережья Среднего и Южного Каспия. В кн.:
Salmanov və Həsənov
33
Биология Среднего и Южного Каспия , М.:
Наука, 28-50.
Салманов М.А. (1972) Продукция фитопланкто-
на в восточном побережье Среднего Каспия.
Гидробиол. журнал, 72-75.
Салманов М.А. (1987) Роль микрофлоры и фи-
топланктона в продукционных процессах Кас-
пийского моря. М.: Наука, 216 с.
Салманов М.А. (1991) Экология формирования
основ биологической продуктивности Каспий-
ского моря. Мат. I Междун. конф. Проблемы
Каспия, Баку: 24-27.
Салманов М.А. (1999) Экология и биологическая
продуктивность Каспийского моря. Баку, 400 с.
Влияние Антропогенного Эвтрофирования
Каспийского Моря На Его Кислородный Режим
М.А.Салманов, Г.Ф.Гасанов
Институт микробиологии НАНА
За последние 50 лет в водах Каспийского моря, в частности, на Западном шельфе Южного Каспия
Азербайджана в результате микробиологических и гидробиологических мониторинговых исследова-
ний было выявлено, что засорение прибрежных отмелей отбросами аллохтонного происхождения из
различных источников, ускоряет генерацию фито- и бактериопланктона. Было выявлено, что, обога-
щение одновременно аллохтонными и автохтонными органическими веществами, усиливают потреб-
ление кислорода источников энэргии водной массы и придонных осадков с лабильными свойствами.
Кроме того, было установлено, что, в связи с антропогенным воздействием в целом, географическим
положением моря , в связи климатическими условиями, развитие фитопланктона продолжалось в те-
чение всего года, и это событие все более усиливается с течением времени. В статье, изучается общая
урожайность воды Каспийского моря, а также одной из самых продуктивных областей - долины реки
Куры в Астаре, кислородный режим воды, действие аллохтоновых веществ органического происхож-
дения, поступающих извне в Каспийское море.
Ключевые слова: эвтрофирование, первичная, вторичная продукция, биодеструкция, фитопланктон,
бактерио-зоопланктон, гипоксия, анаэробиоз
Effect of Anthropogenic Eutrophication on Oxygen Regime in The Caspian Sea
M.A.Salmanov, G.F.Gasanov
Institute of Microbiology, ANAS
The monitoring has been carried out in the Caspian Sea aquatoria, especially on the West shelf of the sea
belonging to Azerbaijan during the last 50 years. Microbiological and hidrobiological investigations revealed
that allochthonous organic matter from different sources accelerated the generation of phytoplankton and
bacterioplankton. It was established that in aqueous layers and sediments enriched with allochthonous and
autochthonous organic compounds, labile energy sources increased oxygen consumption. As a result of an-
tropogenic effects, depending on the geographical position and climatic conditions phytoplankton growth
continued all year round. In the course of time this process became more intensive. The effect of allochtho-
nous organic compounds on the oxygen regime of water was investigated in the context of the general bio-
logical productivity of the territory in the whole Caspian Sea aquatoria, from the valley of the Kura River,
which is one of the most productive areas of the sea, to Astara.
Key words: eutrophication, primary, secondary production, biodegradability, phytoplankton, zooplankton
bacteriological, hypoxia, anaerobiosis
Dostları ilə paylaş: |