feodal zümrə görürdü. Millətin sosial həyatını tənzimləyən,
tarixi hadisələri, adət-ənənələri qeyd edən və yaşadan orqan
rolunu, vəzifəsini cəngavər qalaları və xan sarayları oynayırdı.
Zamanın gedişatı ilə bu orqan da dəyişirdi. Feodalizmin dağıl
ması və kapitalizmin inkişafı nəticəsində mənəviyyat mərkəzi
“qala”lardan şəhərlərə keçdi. Millətin ümumi şüurunu forma
laşdıran, onu tərbiyə edən, iradəsini təmsil edən bir sinif kimi
ziyalı zümrəsi zühur etdi, yetişdi. Bu təbəqənin öz tarixi vəzi
fəsinin icrası üçün istifadə etdiyi ən böyük vasitə və alət isə
mətbuat olmuşdur. İctimai rəyin və kollektiv iradənin formalaş
ması məhz mətbuat sayəsində mümkün olmuşdur. Ziyalılar bu
orqan vasitəsilə öz içərilərindən ictimai rəyi və milli özünüdərk
prosesini sürətləndirən fikir adamları və sənətkarlar yetişdir
dilər (136, s. 2-3; 125, s. 2-3; 63, s. 23).
Bu səbəbdəndir ki, Azərbaycan ziyalıları da tədricən, icti
mai hafizə daşıyıcıları sayılan qəzet və dərgilər ətrafında topla
nırdılar. Bundan başqa onlar “Nicat”, “Səfa”, “Ədəb yurdu”,
“Nəşri Maarif’, “Cəmiyyəti Xeyriyyə” və başqa mədəni-maarif
cəmiyyətləri və dərnəkləri ətrafında cəmləşərək Azərbaycan
cəmiyyətinin o zamana görə olan məsələləri üzərində müzaki
rələr aparırdılar. Kitablıqlar və qiraətxanalar yaradılırdı. Belə
ki, Azərbaycandakı ilk qiraətxanaları Bakıda Həbib bəy
Mahmudbəyli və S.M.Qənizadə açdılar. Bu qiraətxanalar üçün
Bakının rus valisindən 1894-cü ildə Nəriman Nərimanov izin
almışdı. Bu hadisə dövrün türk ziyalıları və oxuyub-yazanları
arasında sevinclə qarşılanmışdır. Hüseyn Baykaranın yazdığına
görə artıq 1887-ci ildə Şamaxı, Quba, Lənkəranda kitabxanalar
vardı.
M.T.Sidqi,
C.Məmmədquluzadə,
G.A.Şərifov və
A.M.Əkbərovun təşəbbüsü ilə Naxçıvanda da qiraətxanalar
açılmışdı. Habelə XIX yüz ilin sön rübündə Azərbaycanın
bölgələrində kitab ticarəti ilə məşğul olan mağaza və dükanlar
açılmağa başlamışdı. Artıq 1905-ci ilin əvvəllərində Tiflisdə
M.E.Bağırzadə adlı vətənpərvər və milli mübarizəni dəstək
ləyən bir tacirin yardımı ilə Cəlil Məmmədquluzadə və Ömər
23
Faiq Nemanzadə “Qeyrət” adlı nəşriyyat qurmuşdular (100, s.
59-61).
Azərbaycanda tarix elmi sahəsində yazılan ilk əsərlərə
gəldikdə isə deyə bilərik ki, XIX əsrin ikinci yarısında (Mirzə
Kazım bəyin “Dərbəndnamə”sindən və A.A.Bakıxanovun
“Gülüstani İrəm”indən sonra) tarix elmi Mirzə Yusuf Nersesov
Qarabaği, Rza Qulu Mirzə Cəmal oğlu, Mir Mehdi Haşım oğlu
Hazani, Həsən Əli Xan Qaradaği, Əhməd Bəy Cavanşir və
Mirzə Əhməd Mirzə Xudaverdi oğlu ilə təmsil edilmişdir.
Ədəbi tənqid və ədəbiyyat tarixçiliyinin təşəkkülü öz təsdiqini
bunda tapdı ki, M.F.Axundzadə “Sənət sənət üçündür” fəlsə
fəsini rədd edərək “Sənət həyat üçündür” görüşünü irəli sürdü
və forma üçün mövzunu fəda edən yazıçıları amansız bir
şəkildə tənqid etdi (100, s. 64-65).
Beləliklə, XIX əsrin sonlarına doğru xalqın səbirsizliklə
gözlədiyi “yeni ictimai zümrə - sənaye burjuaziyası və avro-
pavi ziyalı zümrəsi meydana çıxdı” (63, s. 17). Bu da Rusiya
çarlığının sistemli surətdə tətbiq etdiyi ruslaşdırma siyasətinə
qarşı mübarizəyə və Azərbaycanın öz mənliyini mühafizəyə
yardım etdi. Bununla da “XIX əsrdə feodal ayrılıqların ortadan
qalxması və ağır olsa da, inkişaf edən iqtisadi münasibətlərin
formalaşması nəticəsində, başda ziyalılar zümrəsi olmaqla
meydana ictimai yeni bir zümrə çıxdı. Bu aydınlar vasitəsilə
Azərbaycan XVIII əsrin aydın fikirləri ilə təmasa gəldi. “Məm
ləkətdə yeni rasional fikirlər yayılaraq realist bir ədəbiyyat
doğdu. İslam dünyasının ilk dramaturqu, Avropada “Şərqin
Molyeri” dedikləri M.F.Axundzadə bu ədəbiyyatın qurucusu
dur. O, eyni zamanda ərəb hərflərinin dəyişdirilməsini tələb
edən ilk islahatçıdır. Publisistik yazılarında M.Fətəli cəmiyyət
həyatının kökündən dəyişilməsini tələb edirdi” (129, s. 6).
Azərbaycanın milli-mədəni tarixini araşdıran tədqiqatçılar
əsasən bu fikirdədirlər ki, XIX əsrin II yarısında Azərbaycan
mədəniyyəti üçün xüsusi əhəmiyyət kəsb edən üç mühüm
hadisə baş verir: Azərbaycan teatrının, mətbuatının, yeni tipli
24
məktəbin əsası qoyulur (7, s. 43). İlk mühüm hadisə 1873-cü
ilin mart-aprel aylarında H.Zərdabi və N.Vəzirovun rəhbərlik
etdiyi ilk teatr truppası tərəfindən “Sərgüzəşti Vəziri-xani
Lənkəran” və “Hacı Qara” tamaşaları ilə Azərbaycan milli
peşəkar teatrının təməlinin qoyulmasıdır (7, s. 43). Bununla da
realist bədii nəsrin, demokratik fəlsəfi və estetik fikrin, ilk
əlifba inqilabı ideyasının, ümumiyyətlə, mənəvi mədəniyyəti
mizin bütün sahələrində “yeni dövr”ün banisinin daha bir
ideyası gerçəkləşdi - peşəkar milli teatr sənətinin təməli
qoyuldu. Bu mədəniyyət hadisəsindən sonra M.F.Axundzadə-
nin zəngin və çoxcəhətli yaradıcılığı milli çərçivələri aşıb-
keçirərək bütün islam xalqları miqyasında ümumşərq və
ümumbəşəri bir tarixi məna kəsb etdi.
Azərbaycanın mədəniyyət tarixində misli görünməmiş bu
hadisənin əsas səbəbkarı haqqında Y.Qarayevin fikirləri daha
çox diqqəti çəkir: “Maarifçiliyin banisi və klassiki rolunda
Axundovun bütün Şərq üçün tarixi rolu, əhəmiyyəti və xidməti
bir də ondadır ki, vətəni Azərbaycandan və bir sıra Asiya
ölkələrindən kənarda da həm filosof, həm də sənətkar kimi onun
nüfuzu etiraf və təsdiq olunur, üstəlik, XVIII əsrin Avropa
maarifçiliyi və maarifçi teatrı ilə müqayisədə mütəxəssislər
Axundovun üstünlüyündən bəhs edirlər” (50, s. 225). Teatrın
mədəni inkişafda oynadığı rolun əhəmiyyətini göstərmək üçün
Yaşar Qarayev, hələ M.F.Axundzadədən bir qədər əvvəl,
Avropanın başqa bir qütbündə yaşayan digər böyük maarifçi,
mütəfəkkir və sənətkar Fridrix Şillerin tarixi bir intizar və nara
hatlıqla yazdığı bir fikrə diqqəti çəkir: “Əgər milli teatra qədər
yaşasaydıq, onda biz millət olardıq”. Axundzadə sözün müasir,
professional mənasında milli teatra qədər yaşayır, milli teatrı və
milləti yaradan sənətkarlar sırasına daxil olur!.. (52, s. 218-219).
Bu hadisədən sonra teatrın böyük ictimai və mədəni əhə
miyyətini dərk edən Azərbaycan ziyalıları Bakıda olduğu kimi
Qubada, Şəkidə, Şuşada, Naxçıvanda, həmçinin Tiflisdə və
İrəvanda da teatr tamaşaları təşkil etməyə başladılar. N.Vəzirov,
25
Dostları ilə paylaş: |