149
BAKI UNİVERSİTETİNİN XƏBƏRLƏRİ
№4 Sosial-siyasi elmlər seriyası 2011
UOT 159.956
İNTUİSİYA: İNTELLEKTUAL YÜKÜ VƏ İDRAKİ İMKANLARI
(İntuisiyaya yeni baxış)
K.N.QƏHRƏMANOVA
Bakı Dövlət Universiteti
K.N.Kaxramanova@yahoo.com
Məqalə insan psixikasının sirlərlə örtülmüş, ən müəmmalı və çətin anlaşılan problem-
lərindən olan intuisiya probleminə, onun məntiqi-qnoseoloji təhlilinə həsr olunmuşdur.
Məqalədə intuisiya probleminə yeni rakursdan yanaşılmış və bu kontekstdə onun bir
sıra yeni cəhətləri açıqlanmışdır. Məlumdur ki, indiyədək intuisiya problemi yalnız şüuraltı
hadisə kimi, qeyri-şüuri fenomen kimi öyrənilmişdir. Məqalədə isə oxucuya belə bir fikir əxz
edilir ki, intuisiya yalnız psixikanın qeyri-şüuri sferasında kök salmamışdır. İntuisiya bütün
psixika prosesini yuxarıdan aşağıya keçən element olub, onun bütün sahələrində fəaliyyət
göstərir. Bu baxımdan intuisiya həm altşüur, həm şüur, həm də fövqəlşüur sferalarda təzahür
edir. Məqalədə görkəmli rus neyro-fizioloqu P.V.Simonovun şüurun yeni strukturu haqqında
konsepsiyasına söykənən müəllif psixikanın hər üç sferasında intuisiyanı və onun sahələr üzrə
spesifikasını araşdırır. Məqalənin diqqətçəkən məsələlərindən biri də böyük hind filosofu
S.Radhakrişnanın nəzəri yaradıcılığı timsalında intuisiya probleminin bir sıra cəhətlərinə
aydınlıq gətirilməsidir. Məqalədə müxtəlif bölgü prinsipləri əsasında intuisiyanın müxtəlif
növlərinin təsnifatı verilir. P.V.Simonovun, M.Q.Yaroşevskinin, A.N.Petrovun ən yeni tədqi-
qatlarının nəticələrindən istifadə edən müəllif şüurun altşüur, şüur və fövqəl-şüur ele-
mentlərinə müvafiq olaraq intuisiyanın hissi, intellektual, mistik formalarını diqqətə gətirir və
onların hər birinin sistemli təhlilini verir.
Açar sözlər: intuisiya, şüur, şüuraltı, qeyri-şüur, sistemli təhlil, özünüdərketmə
Müasir elmin problemlər içərisində intuisiya problemi qədər mürəkkəb,
ziddiyyətli, qeyri-müəyyən bir problem tapmaq çətin ki, mümkün olsun (4, 3).
Nəzəri təfəkkürdə və elmi tədqiqatda yaratdığı çətinliklərlə yanaşı danışıq dili-
mizdə yaratdığı bəzən yanılmalara görə intuisiya anlayışını bir zamanlar hətta
lüğət tərkibindən də çıxarmaq istəmişlər. Amma belə bir əməliyyat da intui-
siya fenomeninin dərkində xüsusi səmərə verə bilməzdi, belə ki, bu anlayış
istər danışıq dilimizdə, istərsə xüsusi elmi leksikonumuzda elə möhkəm kök
salmışdır ki, onsuz sadəcə keçinmək mümkün deyil. İntuisiya anlayışına mü-
nasibətdə bir cəhəti də nəzərə almaq lazımdır ki, bu termin müxtəlif iposta-
siyalarda işlənməklə, həm də insanın müxtəlif qabiliyyətlərini: bir halda onun
rasional idraka qədərki qabiliyyətini (hissi intuisiya), digər halda fövqəlrasio-
150
nal qabiliyyətini: öncəgörmə, irəlicədən hiss etmə, parapsixologiya və s. (ma-
hiyyət intuisiyası, xalis intuisiya), üçüncü bir halda isə mistik intuisiyanı ifadə
edir (8, 6-9). Buna görə də hazırda intuisiya anlayışının mənası üzrə filosof ilə
alimlər arasında vahid rəy, razılaşma, birmənalılıq yoxdur. Filosof üçün intui-
siya əqlin hissdən və təfəkkürdən fərqli elə bir qabiliyyətidir ki, hər bir insan
onun vasitəsilə həll etmək istədiyi, lakin mövcud üsullar əsasında həll edə
bilmədiyi mürəkkəb və çətin məsələnin qəfil və dəqiq həllinə nail olur. Təbiət
alimlərinin isə intuisiyaya münasibəti filosoflarınkından fərqlidir, belə ki, hər
bir alimi hazır ideyalar, elmə məlum həqiqətlər deyil, ağır zəhmət hesabına,
böyük çətinliklər bahasına qazanılan naməlum, qeyri-dəqiq biliklər, sürətli
fraqmental əqli nəticələr daha çox maraqlandırır. Belə nəticələr isə qismən də
olsa intuisiyalar vasitəsilə qazanılır.
«İntuisiya» latın sözü olub (intuito), hərfi mənası «hisslərlə həqiqətə nail
olmaq» deməkdir (7, 5).
İntuisiya şüurun digər formalarından onunla fərqlənir ki, insan intuisiya
vasitəsilə hər hansı bir hadisəni özünün daxili orqanlarının təsirinin hərəkətini
hiss etmədən insan qrupunun, xalqların, dövlətlərin, özünün düşə biləcəyi
situasiyanı irəlicədən aydın görmək imkanı qazanır. Məsələn, məşhur bolqar
öncəgörəni Vanqa Sovetlər Birliyinin dağılacağını (1991-ci il dekabr) bu ha-
disə baş verməzdən bir ay əvvəl böyük bir dəqiqliklə söyləmişdi. Bütün elmi
mərkəzlərdən kənarda, ucqar bir kənddə yaşayan savadsız kor qadının SSRİ
kimi qüdrətli bir dövlətin ölüm tarixini böyük bir dəqiqliklə söyləməsi
intuisiyanın ecazkar sirlərindən biri idi.
Zəmanəmizin görkəmli neyrofizioloqu akad. N.P.Bexteryeva Vanqa ilə
ilk görüşünü belə xatırlayır: «Mən gəldiyim maşını Vanqanın evindən xeyli
aralı saxlayıb, tozlu kənd yolu ilə öncəgörənin mənzilinə yaxınlaşdım. Vanqa
mənim ayaq səslərimi eşidə bilməzdi. Mən Vanqanın evi qarşısında sıralanmış
adamlara yaxınlaşıb bir kişidən sonra növbəyə durdum və bu zaman Vanqanın
səsini eşitdim: «Mən sənin gələcəyini bilirdim, Natalya, kişinin arxasında giz-
lənməyə çalışma, evimin hasarına yaxınlaş» (2, 214-215). Burada bir neçə tə-
bii sual doğur: Vanqa ona tanış olmayan bir qadının adını söyləyəndə və onun
növbəyə kimdən sonra durduğunu dəqiq açıqlayanda, görəsən, hansı bəsirətə
malik idi? Vanqa daha sonra köməkçilərindən birini görkəmli alimin yanına
göndərib, onu azacıq sonra qəbul edəcəyini bildirəndə, sözsüz, insanların ək-
səriyyəti üçün bu «öncəgörənlik» bir açılmamış müəmma, qapalı bir sirr
olaraq qalırdı. Bu bir həqiqətdir ki, yalnız adi adamlar deyil, hətta tarixin
böyük mütəfəkkirləri belə bir «cadugərin» fenomenal qabiliyyəti qarşısında
çaş-baş qalmışlar.
İntuisiya problemini fəlsəfi irsi son dərəcə zəngindir. Elm tarixində çox
az problem tapılar ki, öz təkamülündə intuisiya problemi qədər məzmun və
keyfiyyət dəyişikliyinə uğramış olsun. İntuisiya problematikasının inkişaf
dinamikasını izləmiş olsaq onun ətrafında yaranıb, bəzən bir-birini istisna edən
müxtəlif konsepsiyaların, fikir çalarlarının, rasional və qeyri-rasional, şüuri və
151
qeyri-şüuri nöqteyi-nəzərlərin formalaşmasının şahidi olaraq.
Bəşəriyyətin bir çox dühaları min illər ərzində intuisiya müəmmasını
açıqlamağa çalışmışlar. Platon intuisiyanın mahiyyətinin «eydosların» mənəvi
seyrinin xatırlanmasında görür, Aristotel isə belə güman edirdi ki, yüksək tər-
tibli anlayışlar bilvasitə deyil, bilavasitə səciyyə daşıyır. Dekarta görə, intuisi-
ya insanlara bilavasitə əqillə görə bilmədiklərini təsəvvür etməyə imkan verir.
Həm də bu halda o, intuisiyanı həqiqətin daha aydın və qəti sübutu kimi əqlin
bütün formalarından yüksək tuturdu. R.Dekart yazırdı: «İntiusiya – əqlin təbii
işığı ilə yaradılan və özünün sadəliyi üzündən deduksiyadan daha səhih gö-
rünən diqqətli əqlin möhkəm anlayışıdır» (5, 86). Dekart intuisiyanı intellektlə
əlaqələndirdiyindən müasir intuisiya problematikasında filosoflar onun iki
növünü: intellektual intuisiya (məşhur sovet neyrofizioloqu P.V.Simonovun
təbirincə «yaradıcı intuisiya») və hissi intuisiya bir-birindən fərqləndirirlər.
Fəlsəfə tarixində özünə yer almış ardıcıl intellektual intuivistlərdən biri
də B.Spinoza olmuşdur. Spinozanın təbirincə intuisiya biliyin hissi və məntiqi
formalarından yüksəkdə duran ali formasıdır. Adekvat ideyaları dərk etməyə
imkan verən intuisiya həqiqətin immanent meyarı funksiyasını yerinə yetirir.
İntuisiya anlayışının idrakın əsas pillələri (hissi idrak və məntiqi idrak) ilə
bağlayan Spinoza şeylərin mahiyyətinin intuisiya vasitəsilə bilavasitə dərkini
idrakın ən yüksək səviyyəsi hesab edirdi. Spinoza görə şeylərin mahiyyətinin
adekvat və təhlükəsiz dərki yalnız intuisiya vasitəsilə baş verə bilər (15, 327-
328). Spinozanın qənaətinə görə ən ymumi anlayışların (kateqoriyaların)
yaranması da yalnız intuisiya yolu ilə mümkündür.
A.Berqsonun da intuisiya haqqında fikirlərində maraqlı məqamlar vardır.
Berqsonun fikrincə, insanın idrakı özünün tamlığını və gözəlliyini intuitiv-
cəsinə dərk etdiyi incəsənətdə tapır. Berqsona görə intuisiya şəxsiyyətdə yara-
nan spontan yaradıcılıq həvəsinin də mühüm şərtlərindən biridir. Onun dərin
inamına görə insan onun zəkasını zəiflədən qüvvələrdən nə qədər çox azad
olarsa və əksinə, onun qəlbinin dərinliklərində kök salan intiutiv anlamının eli-
tarlığı və «saflığı» nə qədər yüksək olarsa o, bədii cəhətdən bir o qədər iste-
dadlı olar (3, 240).
Rus filosofu N.O.Losski ruhun yüksək qabiliyyətini intuisiya ilə bağlayır
və yazırdı: «Bu təlimə görə (intuisiya təlimш – Q.K.) hər cür bilik mənim
məxsusi «mən»im vasitəsilə predmetin mənim baxış sferama daxil edliməsidir
(9, 234). N.O.Losski intuisiyanın üç növünü fərqləndirir: hissi intuisiya, intel-
lektual intuisiya və mistik intuisiya. Onun fikrincə, intuisiyanın bu növlərinə
uyğun olaraq gündəlik danışıqda «qabaqcadan hiss etmə, «qabaqsöyləmə»,
«nurlanma» terminlərindən istifadə olunur.
Hissi intuisiya və ya qabaqcadan hissetmə ətraf aləmdə inamla istiqamət
götürməyi bacaran, xoş və kədərli hadisələri irəlicədən söyləməyi bacaran az
sayda insanların yüksək hissiyyatının ifadəsidir. Bir çox alimlər belə insanların
hissiyyatını «ifrat hissiyyat» adlandırır.
«Qabaqsöyləmə» daha tez-tez hesablamanın elmi metodlarına əsaslanır.
152
Məsələn, XVII əsrin görkəmli alman astronomu və riyaziyyatçısı İ.Kepler
riyazi hesablamalar yolu ilə sübut etmişdir ki, ulduzların orbitləri çevrə olma-
yıb, elliptik xarakterlidir. Bu qabaqsöyləmə zamanı onun nümayiş etdirdiyi
intuisiyanı intellektual intuisiya adlandırmaq olar.
Nurlanma intuisiyası adətən əlverişsiz situasiyalarda: yuxuda olarkən,
kitab mütaliyə edərkən, teatrda tamaşaya baxarkən, meşədə gəzişərkən baş
verə bilir. Musiqi tarixində belə hadisələr tez-tez baş verir, musiqi fikri bəstə-
kara gözləmədiyi halda, məsələn, yuxuda gələ bilir. Məsələn, italyan bəstəkarı
Cüzeppe Tartini bir dəfə yuxuda şeytanın musiqi aləminə məlum olmayan
heyranedici bir melodiyanı skripkada ifa etdiyini görmüş və yuxudan oyan-
dıqdan sonra onu nota köçürərək özünün məşhur əsərlərindən biri olan
«Şeytan zəngulələri» skripka sonatasına daxil etmişdir.
N.A.Berdyayev «Özünüdərketmə» adlı avtobioqrafik kitabında bu faktı
aşağıdakı misallar ildə təsdiqləyir: nurlanma filmə tamaşa edərkən, hər hansı
bir kənar şəxslə söhbət zamanı, hər hansı bir qəbul zamanı və i.a. baş verə
bilər. O, bir dəfə dilxorçuluq vəziyyətində özündə nurlanmaya və yaradıcı
yüksəlişə keçid kimi bir hadisəni qeydə almışdı: «Hadisə yayda kənddə baş
vermişdi. Mən çarpayıda uzanmışdım, səhərə yaxın bədənim yaradıcılıq yük-
səlişi ilə titrəməyə başladı və bu zaman güclü bir işıq şüası məni nurlandırdı...
Bu anlarda yaşadığım yaradıcılq nurlanması sonralar öz ifadəsini mənim
«Yaradıcılığın mənası. İnsanın özünə haqq qazandırmaq təcrübəsi» kitabında
tapdı. Bu kitab böyük bir ruh yüksəkliyi ilə, demək olar ki, ekstaz vəziyyətdə
yazılmışdı. Bu kitabda mənim əsas mövzum, insan haqqında ilkin intuisiyam
öz əksini tapdı» (1, 190).
Berdyayev II Dünya müharibəsinin qaçılmazlığını da irəlicədən söyləmiş
və göstərmişdi ki, müharibədən yalnız onu doğuran səbəbləri aradan qaldır-
maq yolu ilə yaxa qurtarmaq olar. Berdyayev intuisiyaya hərəkətsiz bir şey
kimi deyil, ruhun durmadan inkişaf edən və yeni-yeni nurlanmalarla zən-
ginləşməsi halı kimi baxırdı. Həm də bu nurlanmalar, bir qayda olaraq, birdən-
birə deyil, şüurun insan marağını cəlb edən hər hansı bir mövzu üzərində uzun
sürən, üzücü işindən sonra yaranırdı. Ani nurlanmanın baş verdiyi andan
etibarən insanda yaradıcı ekstaz başlanır.
Görkəmli sovet neyrofizioloqu P.V.Simonov kimyəvi elementlərin dövrü
cədvəli ilə əlaqədar D.İ.Mendeleyevə yuxuda nazil olmuş nurlanmaya aydınlıq
gətirərək qeyd edir ki, «Mendeleyevin yuxuda kimyəvi elementlərin dövrü
cədvəlini görməsi, heç də təsadüfi olmamışdır. Əgər bundan əvvəl Mendele-
yevin kimya sahəsində diqqətçəkən işləri olmasaydı, Mendeleyev bu sahədə
zəngin bilik toplamasaydı, bu nurlanma da baş verməzdi» (13, 300).
XX əsr görkəmli hind filosofu və siyasi xadimi S.Radhakrişnanın intui-
siyaya dair baxışları xüsusi maraq kəsb edir. Bu böyük alimin intuisiyanın
şərhində nümayiş etdirdiyi mövqe dünyanın ən qədim fəlsəfi sistemlərindən
olan zəngin və çoxaspektli hind fəlsəfəsinin bütün tarixi gedişatına əsaslanır.
Əqidəli filosof və bəsirətli insan olan Radhakrişnan belə güman edirdi ki,
153
elmdə həqiqətə aparan yol «ideya və reallığın dualizminə aparan yolun aradan
qaldırılmasından keçir. Məhdud məntiqi təfəkkürün kateqoriyaları vasitəsilə
insanın və ilahi varlığın qovuşmasını dərk etmək istədikdə biz hökmən fikir-
lərin, əksliklərin, antinomilərin toqquşmasının sərhədlərindən kənara çıxmalı-
yıq. Fikrimiz intuisiya vasitəsilə təkmilləşəndə biz reallıq haqqında təsəv-
vürlərə sahib oluruq» (12, 146).
Bütün əzəmətinə baxmayaraq fikrimizcə böyük hind filosofu burada iki
mühüm yanlışlığa yol verir: əvvəla o, insan ilə ilahi idrakın bir-birinə qovuş-
masını mümkün sayır, halbuki, bu sintez yalnız o halda mümkün ola bilərdi ki,
insan idrak prosesində hüdud hala çatmış olaydı, bu isə mümkün deyil, zira
dünya bu intensivliyinə və ekstensivliynə görə sonsuz, idraki-qnoseoloji
baxımdan hüdudsuzdur. İkincisi, Radhakrişnan belə güman edir ki, idrakın
mükəmməlləşməsi yalnız intuisiya vasitəsilə baş verə bilər. Bu halda unudulan
cəhət odur ki, intuisiya da sonsuzluğun sirlərinə nüfuz etməkdə acizdir, belə
ki, intuisiya insan beynində yaranır, beyin isə ali əsəb orqanı olmaq etibarilə
sonlu və məhduddur. Nəzərə almaq lazımdır ki, dünyanın məkan və zaman
etibarilə sonsuzluğu və hüdudsuzluğu üzündən nəinki ayrıca bir fərd, hətta
bütün bəşəriyyət belə öz zəngin ictimai praktikası və dolğun idrak nəzəriyyəsi
ilə dünya haqqında mütləq biliklər qazana bilməz.
Radhakrişnan dünya mistiklərinin nüfuzuna ürəkdən inanmış, idrak və
şüur məsələlərinin həllində onların dini-idealist dünyagörüşünə söykənmişdir.
O, yazırdı: «Bu fakt (insanın allaha qovuşması) bütün dünya mistikləri tərə-
findən təsdiqləyir. İnsana əqli məsələlərin həllinə imkan verən ilahi nurlanma
və ya mistik intuisiya xasdır, insan bu intuisiya sayəsində intellektin fərqlən-
dirilməsindən kənara çıxaraq əqli məsələləri həll edir. Seçilmiş ruhlar fikri və
intellektual reallığın yüksəkliklərini fəth edir, məhz bu intuitiv şüurun sayə-
sində eşidilməzlər eşidilənlərə, qavranılmayanlar qavranılanlara, naməlumlar
məlumlara çevrilir. Əqlin irəli sürdüyü problemlər yalnız o hallarda öz-özünə
həll edilir ki, biz mülahizələr xaricinə çıxıb ilahi həyat sürməyə başlayırıq»
(12, 148). Lakin tarixdən məlumdur ki, heç bir dini mütəfəkkir və ya dini
xadim ilahi kamillik kəsb etməmiş, dünyanın dərkində və şüurunun inkişa-
fında ilahiyə qovuşmağa nail olmamışdır.
Göründüyü kimi, Radhakrişnanın intuisiya haqqında düşüncələri sələf-
lərinin düşüncələrindən fərqlənmir: intuisiya birbaşa idrak, bilavasitə hisslərlə
qazanılan əqli nəticədir. Bu halda insanın ruhu dünyanın dərki içərisində, onun
canlı seyrində əriyir. Dünyanın intuisiya formasında görünməsi insanı şəhvət
və ehtraslardan, əzab və əziyyətlərdən azad edir. Ruh ekstaz vəziyyətdə özünü
gördüyü obyektlə birləşməsi halda hiss edir. İnsan ruhunun bütün cəhdləri,
onun bütün intellektual tələbləri, emosional arzuları, iradə idealları həyata
keçir (12, 149-152). Böyük filosof burada artıq dünya dini olmaq etibarilə
buddizmin mövqeyini dərindən dərk edir. Lakin burada bir tarixi həqiqəti də
nəzərə almaq lazımdır ki, buddizmin banisi öz fəaliyyətində yalnız dünyəvi
nurlanmanı dərk etdikdən sonra Buddaya çevrilmişdir. Halbuki, açıq etiraf-
154
larına görə şahzadə Şakyamuninin şəxsi taleyi o qədər də ürək açan olmamış,
bu böyük insanın həyatı əzab və əziyyətlər içərisində keçmişdir. Yaşı 80-ə
çatdıqda onun təfəkkürü və fikirləri öz saflığını qoruyub saxlasa da, bədəni öz
təravətini, gücünü itirərək ölgün vəziyyətə düşmüşdür. Özü bunu aydın görür,
tələbəsi Anandaya etirafını belə səsləndirirdi: «Mən artıq qoca və gücsüzəm,
Ananda; yer həyatım sona çatmaq üzrədir, axı mənim artıq 80 yaşım var. Mən
qırılmış araba kimiyəm, həyatın tozlu-torpaqlı yollarında cırıldaya-cırıldaya
sürünürəm» (6, 120-121).
Yer üzərində yaşamış ən müdrik insanlardan birinin, mədəniyyət tarixinə
buddizm adı ilə daxil olmuş dünya dininin banisinin bu etirafı Radhakrişnanın
belə bir fikrini təkzib edir ki, guya intuisiya vasitəsilə nurlanma insanı hər cür
əzab və əziyyətlərdən azad edir.
S.Radhakrişnan oxucusunu inandırmağa çalışır ki, mistik nurlanma digər
insanlara verilə bilməyən «təcrübi qavrayış» səviyyəsində durur. Burada artıq
biz, cavablandıra bilmədiyimiz belə bir sualla qarşılaşırıq: əgər mistik nurlan-
ma insanlara verilə bilməyən «təcrübi qavrayışdırsa», bəs o halda nurlanma
kimi çıxış edən din insanlar arasında necə yayılmışdır? Burada böyük filosof
etiraf etməyə məcbur olur ki, «biz bu təcrübəni yalnız metafora vasitəsilə
təsvir edə bilərik. Təklif olunan ixtiyari metafora haqqında isə biz deyə bilərik
ki, bu o deyil, bu o deyil» (12, 148).
Ümumiyyətlə, Radhakrişnanın intuisiya haqqında baxışlarının başlıca
nöqsanı bundan ibarətdir ki, o da bir sıra digər filosoflar kimi təbiətşünaslığın,
o cümlədən, fiziologiyanın, biologiyanın, kibernetikanın, genetikanın, infor-
matikanın materiallarına deyil, sırf fəlsəfi və dini mənbələrə söykənir. Bununla
da Radhakrişnan idrakın digər növləri ilə müqayisədə intuisiyanın səviyyə
yüksəkliyini sübuta çalışarkən heç də bütün suallara cavab verə bilmir.
Təbiətşünaslığa müraciət intuisiyanın dərkində yeni imkanlar açaraq
onun mahiyyətini, şüurun və altşüurun strukturunda yerini və rolunu açıq-
lamağa əsas verir.
Məlumdur ki, böyük rus fizioloqu İ.P.Pavlov şərtsiz və şərti reflekslər
haqqında təlim yaratmışdır. Şərtsiz reflekslər anadangəlmədir. İtin aclıq duy-
ması orqanizmin qidaya olan tələbatıdır. V.M.Bexterev şərtsiz reflekslərin
mövcudluğunu «beyin hüceyrələrində orqanizmin qida məhsulları isə təchiz
edilməsində enerji çatışmazlığı ilə» izah edir. Belə hallarda heyvan da, insan
da qida axtarır. Onların orqanizmində qidaya dövrü tələbat yaranır.
Şərti refleks isə orqanizmdə təlim vermək, öyrətmək, tərbiyə etmək yolu
ilə yaradılır. Aclıq duyğusu yaşayan it ona yemək gətirən laborantın addım
səslərini eşitdikdə və nəhayət onu eksperiment otaqında gördükdə, qəbul
edəcəyi qidanı görmədikdə belə onda qidaya qarşı mədə şirəsi ifraz olunur.
Belə hallarda şərti refleks intuisiyanı xatırladır. Qapının çırpılması, tanış ad-
dımlar, tanış adamın görünməsi – itin bütün əvvəlki təcrübəsi onun arzu etdiyi
bir şeydən – ona yemək gətirilməsindən xəbər verir. Pavlovun təcrübələri sü-
but etmişdir ki, intuisiyanın əsasında insanın və heyvanın real təcrübəsi durur
155
(10, 22-23). O, buradan intuisiyanın canlı orqanizmlərin həyatında əhəmiyyəti
haqqında çox mühüm nəticə çıxarmışdır: intuisiya determinə olunmuşdur.
Tədqiqatlar göstərir ki, intuisiyanın da yaranma mexanizmi eynilə şüu-
run formalarının yaranma mexanizmi kimidir: determinatorların elektromaqnit
rəqsləri əsəb cərəyanına çevrilərək orqanizmin periferik reseptorlarını yaradır.
Bu cərəyan afferent (yüksələn) naqillərlə hərəkət edərək beynin müvafiq
sahələrinə çatdırıldıqda yaratdıqları boşalmalarla əsəb cərəyanını efferent və-
ziyyətə gətirirlər. Efferent vəziyyət müxtəlif hərəkətetdirici əsəblərə, o cüm-
lədən nitqə doğru istiqamətlənərək təfəkkürü, səsli nitqi, yəni şüuru, o
cümlədən intuisiyanı yaradırlar.
Fizioloqlar intuisiyanın yaranmasının daha ümumi səbəblərini də aşkar
etmişlər: Canlı orqanizmlərin yaşayış şəraitinin dinamiki dəyişməsi və onların
tədricən bu şəraitə uyğunlaşması. Pavlov «İnsan beyninin böyük yarımkürə-
ciklərinin fəaliyyəti haqqında mülahizələr» əsərində qeyd edirdi ki, «tamamilə
aydındır ki, orqanizmin bütün fəaliyyəti qanunauyğun olmalıdır. Əgər heyvan-
lar xarici aləmə dəqiq uyğunlaşa bilməsəydilər onların mövcudluğu tezliklə və
tədricən kəsilərdi... Orqanizm yalnız o vaxtadək mövcud ola bilir ki, o hər an
ətraf şəraitlə tarazlaşmış olsun. Bu tarazlıq pozulan kimi orqanizm bir sistem
kimi mövcudluğunu başa vurur» (10, 22-23).
Afrika faunasının tədqiqatçıları hər il on minlərlə heyvanın kontinentin
Mərkəzi rayonlardan şimal rayonlarına miqrasiya etməsini müşahidə edirlər.
Onları miqrasiyaya məcbur edən səbəb Mərkəzi Afrikada qida məhsullarının
çatışmaması və heyvanlarda əsrlərdən bəri mövcud olan belə bir intuisiya
əsrlərdən bəri mövcud olan belə bir intuisiyanın mövcud olmasıdır ki, Şimali
Afrikada yem həmişə vardır. Bütün vəhşi heyvanlar yaxşı bilirlər ki, insan on-
ların düşmənidir. Lakin aclıq illərində onlar yaşayış məntəqələrinə hətta böyük
şəhərlərə belə yaxınlaşırlar, çünki intuitivcəsnə anlayırlar ki, düşmənlə qon-
şuluqda yem tapa bilərlər.
İ.P.Pavlovun şərtsiz və şərti reflekslər təlimi sonralar onun şagirdləri və
ardıcılları P.K.Anoxin, P.V.Simonov, N.P.Bexteryeva və b. tərəfindən qəbul
edilib, yaradıcılıqla inkişaf etdirilmişdir.
Tədqiqatlar göstərir ki, bir sıra şərtsiz reflekslər də intuitiv səciyyə da-
şıyır. Paflov dəfələrlə qeyd etmişdir ki, heyvanlar da azadlıq və tədqiqatçılıq
refleksinə malikdir: bir çox heyvanlar və xüsusilə yırtıcılar azadlıqlarının iti-
rilməsinə sərt müqavimət göstərir, qəfəsdən qopmağa, itirilmiş azadlıqlarını
qaytarmağa çalışırlar. Ovçular tez-tez belə bir faktla üzləşirlər ki, tələyə düş-
müş tülkü və ya canavar azadlığa çıxmaq naminə öz pəncələrini gəmirməli
olurlar. Qeyd edək ki, belə hallarda azadlığın şərtsiz refleksi intuisiya ilə üzvi
surətdə birləşir.
Heyvanlarda tədqiqat refleksləri də intuitiv xarakter daşıyır. Yad mənzilə
düşmüş ev pişiyi özünü çox ehtiyatlı aparır, tanış olmayan əşyalara diqqətlə
baxır, bütün künc-bucağı iyləyir, yad səslər eşitdikdə gizlənməyə çalışır. Onun
həyat təcrübəsi göstərir ki, özünə yad şəraitdə o, həyatı üçün heç bir təhlü-
156
kənin olmadığına əmin olana qədər özünü tam ehtiyatlı aparır. Belə hallarda
şərtsiz refleks intuisiya ilə birləşir.
İnsan şüurunda intuisiya ilə qohum olan şüuraltı və fövqəlşüur səviy-
yələri fərqləndirilir. Bu problemlə sovet neyrofizioloqu P.V.Simonov xüsusilə
ciddi məşğul olmuşdur. O, elmi dairələrdə yaxşı tanınan «Əsaslandırılmış
beyin. Ali əsəb fəaliyyəti və ümumi psixologiyanın təbii-elmi əsasları» adlı
məşhur əsərində o, şüuraltı və fövqəlşüur səviyyələri fərqləndirərək, onların
nisbi müstəqilliyini və şüurda əhəmiyyətini tutarlı dəlillərlə əsaslandırır. O,
yazır: «Psixi dərk olunmamışın psixikaya münasibətinə gəldikdə isə qeyd et-
məliyik ki, onun şüuraltı və ya fövqəlşüur olmasından asılı olmayaraq funksi-
yalaşması şüurun fəaliyyəti ilə qırılmaz bağlıdır. İnsanın təkamülü və onun
sonrakı mədəni-tarixi inkişafı prosesində şüuraltı və fövqəlşüur fenomenləri
şüur ilə eyni vaxtda yaranıb, onunla daima qarşılıqlı təsirdədir. Onlar şüursuz
sadəcə mövcud deyildir (13, 295). Simonov sözünə davam edərək yazır: «Psi-
xikanın geniş əhatəli dərk olunmamış sferasında iki qrup hadisəni fərqlən-
dirmək vacibdir. Bu birinci qrupa dərk olunmuş və ya müəyyən şəraitdə dərk
oluna biləcək hadisələr daxildir. Bu qrupa, hər şeydən əvvəl, yaxşı avtomatlaş-
dırılmış və buna görə də, dərk olunmayan vərdişlər və şüur sferasından sıxış-
dırılıb çıxarılan və mahiyyətləri yalnız psixoterapevt-həkimin xüsusi səyləri
sayəsində ayrılan hadisələr daxildir. Şüuraltı sferaya həmçinin subyektin də-
rindən mənimsəmədiyi, tənzimləyici funksiyası «vicdanın səsi», «ürəyin çağı-
rışı», «vəzifə borcu» kimi anlayışlarda səslənən sosial normalar da daxildir...
Biz şüuraltı sferaya həmçinin informasiyaların yaradılması ilə əlaqəsi olma-
yan, lakin indiyədək toplanmış təcrübədən istifadə edən təzahürlərini aid edi-
rik» (13, 296). Təcrübəli pianoçu barmağı ilə hansı klavişi basacağını fikirləş-
mədən müəyyən edir və bütün əməliyyatları avtomatik həyata keçirir. Görün-
düyü kimi bu halda praktiki təcrübə intuisiyanın yaranmasının əsasını təşkil
edir. Müşahidə etdiyi ulduzların orbitinin yaranması prinsipinə yaxından bələd
olan astronom bu orbitin riyazi hesablanması təcrübəsinə söykənərək intuitiv-
cəsinə yeni ulduzlar kəşf edir. Tanış marşrut üzrə hərəkət edən insan gedəcəyi
istiqamət barəsində əsla düşünmür. Bu hərəkət intuitiv xarakter daşıyır. Zə-
hərli həşəratların və sürünənlərin sancdığı heyvan saysız-hesabsız otlar içəri-
sindən xəstəlik törədən zəhərli mikrobları məhv edən bitkini asanlıqla tapa
bilir.
Praktiki təcrübə canlı varlıqların genlərində möhkəmlənib, sonradan gə-
ləcək nəsillərə ötürülərək sanki onlara hansı otların faydalı, hansıların zəhərli
olması barədə məlumat verir.
Simonov insan fəaliyyətində şüuraltının rolunu bunda görür ki, bu hadisə
«şüuru əlavə itdən, daşınması mümkün olan yükdən azad edir. Avtomatlaş-
dırılması vərdiş və ya sosial norma olmasından asılı olmayaraq şüuraltı həmişə
insanın əldə etdiyi və yaxşı mənimsədiyi hadisənin keşiyində durur. Fərdi
mənimsənilmiş hadisələr məhz şüuraltı hesabına şərtsiz reflekslər üçün səciy-
yəvi olan imperativlik və sərtlik xüsusiyyətləri kəsb edirlər (13, 297-299).
157
Şüuraltı ilə şüur arasında sərhəd o dərəcə nazikdir ki, insan hər hansı bir
hərəkəti avtomatik, düşünmədən icra etdikdə elə güman edir ki, belə hallarda
onun şüuru tam fəaliyyətsizlik nümayiş etdirir. Halbuki belə düşüncə tərzi
yanlış olub, qəbuledilməzdir: belə bir yanılma ilə insanlar konkret bir şəxsin
«möcüzə» göstərdiyi və ya təbiət və ya cəmiyyətin fundamental bir qanununu
kəşf etdiyi hallarda rastlaşır və belə qənaətə gəlirlər ki, insan (sehrbaz, dahi
təbiətşünas) öz möcüzəsini və ya kəşfini ilahi qüvvənin və ya şeytanın (zərərli
hərəkətlər və ya kəşflər) təsiri altında reallaşdırır.
«Fövqəlşüur» anlayışı da həmçinin şüurun xarakteristikası olub, onun
struktur elementini təşkil edir. M.Q.Yaroşevski fövqəlşüuru «şüurüstü» adlan-
dırır (16, 72-81).
Fövqəlşüuru adətən ya insanların ifrat dərəcədə həssas olan fəaliyyəti ilə,
ya da elmi yaradıcılıqla bağlayırlar. Məs.: öncəgörən Vanqanın fəaliyyəti,
Eynşteynin, Paulinin və b. alimlərin fəaliyyəti fövqəlşüura misal ola bilər.
Alimlər belə güman edirlər ki, ifrat-şüurun sferasına ixtiyari yaradıcılığın ilkin
mərhələləri, o cümlədən hipotezlərin, fərziyyələrin, gümanların yaradılması,
yaradıcılq nurlanması da aid edilə bilər. Əgər şüuraltı şüuru əlavə işdən, öh-
dəsindən gəlmək mümkün olmayan yükdən qoruyursa, yaradıcı intuisiyanın
dərkolunmazlığı şüuru əvvəllər toplanmış təcrübənin vaxtsız müdaxiləsindən,
onun yüksək təzyiqindən qoruyur (11, 112-118).
Kəşflərin, ixtiraların baş verməsində yaxından iştirak edən fövqəlşüur
eyni zamanda miflərin, inancların, əfsanələrin, xurafatın müxtəlif növlərinin
yaradılmasında da mənbə rolunu oynayır. Fövqəl-şüurun burada rolu ondan
ibarətdir ki, o insanlara dünya haqqında təcrübə və eksperimentlərdə öz təsdi-
qini tapmayan biliklərini, habelə onlara məlum olan və məlum olmayan
situasiyalarda sosial davranış normalarını nizamlamağa imkan verir. Fövqəl-
şüurun əsasını insanların əvvəllər toplamış olduğu təcrübə təşkil edir. Bura
insanların arzularında ifadə olunan tələbatları (quş kimi uçmağı öyrənmək
cəhdi, insanların günəşə uçması haqqında miflər, əfsanələr, insanların xalça
üzərində uçması, danışan sandıq – telefon, cisimləri özündə əks etdirən güzgü
– televizor və s.), habelə təbiətin öyrənilməsi prosesində böyük kəşflərin,
ixtiraların reallaşdırılması üçün alimlərin, ixtiraçıların bir araya gətirilməsi də
daxildir. Buna misal olaraq guya Nyutona ümumdünya cazibə qanunu açmağa
imkan vermiş almanı, D.İ.Mendeleyevə elementlərin dövrü qanununu kəşf et-
məyə əsas vermiş məşhur yuxunu və s. göstərmək olar.
Alimlərin həyatından gətirilən faktlar onları kəşflərə aparan elmi axtarış-
ların heç də asan olmamasından, üzücü olmasından xəbər verir. P.V.Simonov
bu münasibətlə yazır: «Kimyəvi elementlərin xassələri haqqında dərin və geniş
biliklərə yiyələnmədən heç bir «generator ideya» dövrü qanunun kəşfinə
gətirib çıxardı» (14, 231).
Qeyd edək ki, yaşadığımız günlərdə fövqəlşüur özünü heç də yuxarıda
qeyd etdiyimiz kimi əfsanəvi formalarda nümayiş etdirmir. Fövqəlşüur hazırda
təfəkkür və şüurun yeni səviyyəsinə doğru can atır. Məsələn, hazırda Mosk-
158
vada prof. V.M.Bronnikovun başçılıq etdiyi İnsan inkişafının Beynəlxalq Aka-
demiyası fəaliyyət göstərir. Bronnikov və əməkdaşları insanın fizioloji və psi-
xoloji aspektlərinin inkişaf etdirilməsi üzərində intensiv iş aparır və ümid
edirlər ki, onların fəaliyyəti elə bir bioloji insan növü yaratmağa imkan verə-
cək ki, o telepatik qabiliyyətlərə, virtual görmənin yeni formalarına, məkan və
zamanca daha geniş sərbəstliyə malik yaddaşa yiyələnəcəklər (11, 112-120).
Deyilənlərdən belə qənaətə gəlmək olar ki, intuisiya, heç də şüurun xü-
susi bir təbəqəsi deyil. İntuisiya şüuru yuxarıdan aşağıya keçərək bir sıra hal-
larda onun müxtəlif təbəqə və formaları ilə qovuşan xüsusi mənəvi feno-
menidir.
İntuisiyanı müxtəlif əsaslara görə bir neçə növə ayırmaq olar. Yuxarıda
biz intuisiyanın hissi, intellektual və mistik formalarını nəzərdən keçirdik.
Əməyin fiziki və əqli növlərinə uyğun olaraq intuisiyanı fiziki və intellektual
növlərə də ayırmaq olar. İntellektual intuisiyanı da, öz növbəsində, iki qrupa:
a) reallaşdırılması xüsusi fiziki gərginlik tələb edən intellektual intuisiyaya
(müasir təyyarələrin uçuşları zamanı havada müxtəlif fiqurlar nümayiş etdirən
as təyyarəçinin nəzarət etdiyi yüzlərlə cihazların onda yaratdığı ağır fiziki
gərginliyi və b.) razılaşdırılması, xüsusi fiziki güc tələb etməyən intellektual
intuisiya (məs.: kompyuterlə işləmə).
Digər bir məntiqi prinsipə görə intuisiyanı fərdi intuisiyaya, kollektiv
intuisiyaya və ictimai intuisiyaya ayırmaq olar.
P.V.Simonov şüurun strukturunun yeni interpretasiyasını verir. A.İ.Ya-
kovlev onu şüurun qnoseoloji-psixi interpretasiyası adlandırır. O, insanın ali
əsəb fəaliyyətini üç səviyyəyə ayırır: şüuraltı, şüuri və fövqəlşüuri. P.Simonov
yazır: «Əgər şüuraltı müəyyən ölçüdə K.Yunqun «fərdi qeyri-şüuri»si və
Z.Freydin «Fövqəl-Mən»i ilə müqayisə oluna bilərsə, fövqəlşüurun dərk
olunmanın psixika hissəsinin əvvəllər təklif olunmuş təsnifatında analoqu
olmamışdır» (14, 230-240).
İntuisiya haqqında elmi axtarışlarımızı məqalə həcmində yekunlaşdı-
rarkən qeyd etməyi vacib bilirik ki, yaşadığımız günlərdə biz intuisiya haq-
qında müəyyən gümanlarla danışsaq da, əminik ki, yaxın gələcəkdə onu da
reflekslər, əsəb cərəyanı, orqanizmin fiziki, kimyəvi və digər reaksiyaları kimi
dərindən öyrənmək imkanı əldə edəcəyik. Hələlik intuisiya haqqında elmi ax-
tarışlar davam edir.
ƏDƏBİYYAT
1.
Бердяев Н.А. Опыт философской автобиографии. М.: Наука, 624 с.
2.
Бехтерева Н.П. Магия мозга и лабиринты жизни. М., СПБ, 2007, с.207-232.
3.
Блауберг И.И., Бергсон А.Л. // АФЕ в 4-х т. Т. I. М.: ЮНИТА, 2000, 724 c.
4.
Бунга М. Интуиция и наука. М.: Прогресс, 1967, 214 с.
5.
Декорт Р.//Избранные произведения М.: Мысль, 1955, 628 с.
6.
Икэда. Мой Будда. Земной путь Шакьямуна. М.: Прогресс, 1994, с.422.
7.
Интуиция и научное творчество. Аналитический сборник. М.: ЮНИОН, 1981, с.362.
8.
Ирина В.Р., Новиков А.А. В мире интуиции. М.: Наука, 1978, 174 с.
159
9.
Лосский. Умозрение как метод философствования // На переломе. Философские
дискуссии 20-х годов. Философия и мировоззрение. М.: Прогресс, 528 с.
10.
Павлов И.П. Лекции о работе больших полушарий головного мозга//Поли.собр. соч.
в 6-ти т. Т. IV, М-Л, 1947, 642 с.
11.
Петров А.Н. Ключ к сверхсознанию. М.: ИНФАА, 1999, 264 С.
12.
Радхакришнан С. Индейская философия. В 2-х т., Т. I. М.: Наука, 652 с.
13.
Симонов П.В. Мотивированный мозг. Высшая нервная деятельность и естествен-
нонаучные основы общей психологии. Изб. Труды. В 2-х т. Т. I, М.: ИНФРА, 2004,
576 с.
14.
Симонов П.В. Созидающий мозг. Нейробиологические основы творчества. Изб.
Труды. В 2-х т. Т. I, М: ИНФРА, 2004, 558 с.
15.
Спиноза Б. Этика//Избр.произв в 2-х т. Т.I, М.: Прогресс, 1957, 568 с.
16.
Ярошевский М.Г. Категориальная регуляция научной деятельности // Вопросы в
философии, 1973, №11, с.72-81.
ИНТУИЦИЯ: ИНТЕЛЛЕКТУАЛЬНЫЙ ПОТЕНЦИАЛ
И ПОЗНАВАТЕЛЬНЫЕ ВОЗМОЖНОСТИ
К.Н.ГАХРАМАНОВА
РЕЗЮМЕ
Статья посвящена одной из самых спорных проблем науки и философии – про-
блеме интуиции. Данная проблема сложна и многогранна, но статья посвящена именно
анализу ее гносеологического аспекта. Общеизвестно, что проблеме интуиции посвя-
щено много книг и статей, но пока что данная проблема остается окрытой. Несмотря на
то, что существует определенное научное представление об интуиции, проблема о том,
является ли интуиция подсознательной или она сверхсознательна, пока что, научно не
определена. Цель статьи заключается в позитивном рассмотрении данной проблемы.
Вопреки установленной точке зрения в философии автор, опираясь на самые по-
следние исследования, стремился установить, что феномен интуиции подвергал анализу
не только в области подсознательной сферы, а также в процессах сознательных и сверх-
сознательных процессах. Автор дает классификацию интуиции и разделяет ее на чувст-
венную, интеллектуальную и мистическую интуиции. В статье дается системный анализ
каждой из этих форм интуиции.
Ключевые слова: интуиция, сознание, подсознание, бессознательное, системный
анализ, самосознание.
INTUITION: INTELLECTUAL LOAD AND CONSCIOUSNESS ABILITIES
K.N.GAHRAMANOVA
SUMMARY
The article is devoted to the problem of intuition in gnoseological aspect which is
considered to be one of the disputable problems in the philosophical outlook of the contem-
porary scientific intellect. Certain achievements have been gained in the study of the problem
of intuition, but there is some truth yet to be disclosed. Firstly, intuition is an underconscious
process. The other problem is whether this process belongs to consciousness or extracons-
ciousness. The main task of the article is to investigate this problem positively.
160
Basing on the recent investigations, the author studies the essence of the intuition phe-
nomenon not only as an underconscious process, but also as an interconsciousness and over-
consciousness process. Acting from the carried out investigations, the author gives a new
classification of intuition such as sensual, intellectual and mythic intuition. All three kinds are
systematically analyzed in the article.
Key words: consciousness, intuition, self-consciousness, underconsciousness,
systematic analysis
Dostları ilə paylaş: |