________________________Milli Kitabxana________________________
29
DAN YILDIZI
Öpərkən gecələr dəsti-səbahi
*
Duyurdum hərəkət namütənahi
†
...
Çəməndə bir gözəl xeyli ilahi,
Üzündə zülfünü tarimar gördüm.
Titrəyirdi çəmən, titrəyirdi gül,
Oxurdu nəğmələr sabaha bülbül,
Bükmüşdü boynunu saralmış sünbül,
Qoxladım o yeri, laləzar gordüm.
Uçurdu dağlara quş kimi ceyran,
Boylana-boylana səmada tərlan,
Oxurdu türkülər səmiə
‡
pünhan,
Birləşin! - dedilər, bir şüar gördüm.
Buludlar dağılıb doğdu bir pəri,
O sevda yerinin doğma dilbəri,
Göz atdım gözünə, himlədim bəri,
Dayandı şir kimi, pürvüqar gördüm
Ə
sirdi durmadan birbaşa yellər,
Döyürdü bağrını dağ-daşa sellər...
Gülürdü al geyib, ağlayan ellər,
Bu haqqı danamam, aşikar gördüm.
1927, yanvar
*
Sabahın əlini
†
Hüdudsuz, sonsuz
‡
Qulağa
________________________Milli Kitabxana________________________
30
B R QƏTRƏ YAŞ
Saqiya! Saqiya! Gətir gizlicə,
Görənlər olmasın divanələr var.
Nəşələr əməyim bu qəmli gecə,
Bağrına od basan pərvanələr var.
Həyatin sonuymuş bir solğun çiçək,
Qəmləri öldürən qəm olsa gərək,
Açmadı ağlayan üzləri fələk,
Cahanda göz yaşı, qəmxanələr var.
Saqiya! Dustağam zindan görməmiş
Vüsalın dadı yox, hicran görməmiş,
Bir mömin babayam quran görməmiş,
Onda da şübhələr, əfsanələr var.
Nəsibim oldusa bu ahu-vaylar,
Dün
*
gecə əl verib bahara yaylar,
Ucaldı göylərə şanli saraylar,
Düşünməz nerədə
†
viranələr var.
Saqiya! Saqiya! Yetir özünü,
Cahanı görməyim, bağla gözümü.
Şə
rqə söyləyirəm bu son sözümü:
Yavrusuz
‡
üşüyən boş lanələr
§
var.
1927
*
Dünən
†
Harada
‡
Körpəsiz, uşaqsiz
§
Yuva, ev
________________________Milli Kitabxana________________________
31
SƏYAHƏT
Ey vətən! Ey ana! Açıldı yolum,
Ümidim sənəmi, qurbanın olum?
Nədəndir demədin heç mənə - oğlum.
Dolandın nerələr
*
, de hankı yerlər?
Laçınlar yuvası, haylar ocağı,
Kəsilmiş anacan, vəhşət
†
ayağı.
Yanırkən o gecə birliyin dağı,
Titrədi Qafqazın qoynunda yellər.
Mən Ağrı dağında dayandım bir az,
Bir qaya zirvəsi oxurdu şahbaz
‡
O şiddətli qışın sonunda bu yaz
Yuyurdu tozları kükrəmiş selər...
Başdan ayağadək geymiş qırmızı,
Oxurdu türkülər bir gürcü qızı
Parladı gün kimi o dan yıldızı,
Üzündə mərcimək
§
, köksündə tellər.
Açılsın o gülün, baharım olsun,
Lalə tək qızaran bir yarım olsun.
Sonunda ömrümün məzarım olsun
Gəlinli çeşmələr, sünbüllü çöllər.
1927
*
Haralar
†
Vəhşilik, qorxu
‡
Quş adı, burada "quş kimi" mənasında
§
Bitki adı, burada "xal" mənasında
________________________Milli Kitabxana________________________
32
* * *
Sorma aqil kimsələrdən, sorma heç dünya nədir,
Böylə bir düstur qocalmış ideal olsun gərək!
"Hər kimin vicdanı pakdırsa o bir divanədir", -
Bu kəlamın barəsində qilüqal olsun gərək!
Çünki boşdur nalə qılmaq, çünki boşdur ahu-zar,
Göz yaşindan gözlənən məlhəm mahal olsun gərək!
Aqil olmaq istəyənlər bir-birindən küsməsin,
Ə
hli-haldan dəm vuran kəs əhli-hal olsun gərək!
Hər bəlaya şir tək görməkdəyəm mən sinəmi,
Vurğunun "Düşkün" adi Rüstəmi-Zal olsun gərək!
1927
________________________Milli Kitabxana________________________
33
DAĞLAR
Yenə nə durursan pəhləvan kimi,
Çirməyib qolunu mərdanə, dağlar!
Könül yenə bəhri-bipayan
*
kimi
Səslənir çalxana-çalxana, dağlar!
Mən çox istərdim ki, sənin heç zaman
Örtməsin o dilbər hüsnünü duman.
Elin zərərindən mənfəət uman
Boyansın, demişəm, al qana, dağlar!
Zirvəndəki söyüd göylərə çatır,
Kölgəsində yorğun yolçular yatır;
Maralın, ceyranın min işvə satır,
Su göndər bu yerdə yanana, dağlar!
Çox gözəl olursan ellər köçəndə,
Suyundan gəlinlər, qızlar içəndə;
Qıy vurub tərlanın yel tək keçəndə,
Bir vəlvələ düşər hər yana, dağlar!
1927
*
Ucsuz-bucaqsız, sahili görünməyən dəniz kimi
Dostları ilə paylaş: |