olmuşdur. Aliminium,sink,manqan,tutan və bismut çirkləndirici elementlərə
Oxçuçayda daim rast gəlinir.
Arazın qolları Gilən,Naxçıvan və Paraqa çaylarının sularında misin (10-11
BHK) və fenolların(2-4 BHK) yüksək konsentrasiyası müşahidə olunur. Odur
ki,Araz çayının suyu bütün məntəqələrdə (Xudafərin,Culfa,Saatlı) çirklənmiş və
çirkli kimi qiymətləndirilərək sularda misin və fenolların miqdarı mütəmadi
olaraq 10-22 və 4-14 BHK səviyyəsində qeydə alınır.Manqanın konsentrasiyası
2-4 dəfə normadan artıq müşahidə olunur. Culfa və Saatlı məntəqələrində neft
məhsullarının miqdarı çay sularında 0,11 və 0,21 mq/l, yəni normadan 2 və 4
dəfə artıqdır. Son dərəcə çirklənməyə (zəhərlənməyə) məruz qalan bu çayda heç
bir canlı yaşamır.Onun suyundan suvarmada istifadə edildiyindən torpaq da
zəhərlənmişdir. Oxçuçay qarışandan sonra Arazın zəhərlənməsi Beyləqan-
Sabirabada qədər təsirini itirmir. Orta illik su balansı Arazdan 20 dəfə az olan
Oxçuçay Araza qarışandan sonra ,Araz suyunda olan mikroflora 65-80% azalır.
Ermənistan AES-nin fəaliyyəti bilavasitə Araz çayı ilə əlaqədardır, hər
sutka ərzində Araza 12-16 min m
3
çirkab axıdılır, onun gələcəkdə Araz və onun
qolları üçün fəlakətlər törətməsi ehtimalı böyükdür.
Kür boyu yerləşən Yevlax,Zərdab,Sabirabad,Şirvan,Salyan,Neftçala və b.
yaşayış məntəqələri Kürə ilboyu aramsız çirkab axıdırlar. Ona görə bu sahələrdə
Kür sularında sanitar-gigiyenik normalardan on min dəfədən yüksək koliform
qrupuna aid bakteriyalar aşkar edilmişdir. Öz ərazisində Kür,Araz və onların
yüzlərlə qolları amansız çirklənir. Hövzədə yerləşən yaşayış məntəqələrinin heç
birində müasir bioloji təmizləmə qurğusu yoxdur.
Antropogen amillərin təsirinin güclənməsi ilə əlaqədar olaraq Kür və Araz
çayları və onların qollarının suyunun kimyəvi tərkibində xeyli dəyişikliklər baş
vermişdir. Son 40 il ərzində Salyan şəhəri yanında Kür çayı suyunun minerallığı
3 dəfədən çox artaraq 1020 mq/l olmuşdur. Bu dövr ərzində Araz çayının Saatlı
məntəqəsində suyun minerallaşması 400 mq/l-dən 1300 mq/l-ə qədər artmışdır.
Ə
vvəllər çayların suyu hidrokarbonat sinfinə və kalsium qrupuna mənsub
olduğu halda , hazırda sulfatlı-natriumludur.Suyun kimyəvi tərkibinin və
keyfiyyətinin dəyişməsinin əsas səbəbi Kür-Araz ovalığında suvarılan
sahələrdən qayıdan suların və kollektor drenaj sularının Kür çayına və onun
qollarına daxil olmasıdır.
Son zamanlar Kür-Araz hövzələri ilə əlaqədar olmayan və birbaşa Xəzər
dənizinə tökülən çaylarda da (Böyük Qafqazın şimal-şərq hissəsi və Lənkəran
təbii vilayəti çayları) çirklənmə müşahidə olunur.
Quba-Xaçmaz bölgəsində yerləşən Qusarçay,Qudyalçay, Vəlvələçay,
Qaraçay,Ataçay,Gilgilçay,Lənkəran bölgəsində yerləşən Lənkərançay,Viləşçay
və b. çaylar yaşayış məntəqələri və aqrar-sənaye təsərrüfatları tərəfindən aramsız
çirklənməyə məruz qalır.
3.2.Də niz sahillə rinin və daxili də nizlə rin ekoloji problemlə ri.
Dəniz sahilləri antropogen təzyiqlərə daha çox məruz qalan və bu
təzyiqlər durmadan artan şəraitdə quru,okean və atmosferin qarşılıqlı əlaqədə
olan Yer səthinin bir hissəsidir. Bu üç geosferin qarşılıqlı əlaqəsi nisbətən enli
olmayan zonası olmaqla,həm də spesifik sahilyanı təbii təsərrüfat sistemi
fəaliyyət göstərən enli zolaqdır.
Dəniz sahilboyu ərazi dedikdə adətən şərti olaraq dəniz səviyyəsindən 200
m-ə qədər izogips və dəniz səviyyəsindən 200 m qədər izobat arasındakı ərazi
başa düşülür.Dəniz sahilboyu təbii-təsərrüfat sistemi-ekosferin olduqca mühüm
komponenti olub həm dünya təsərrüfatına,həm də qlobal təbii proseslərə təsir
göstərir.
-200 m ilə + 200 m arasında yerləşən dəniz sahili zonası aşağıdakı əsas
xüsusiyyətləri ilə seçilərək ekosferdəki olduqca mühüm rolunu göstərir.
-Bu zonada dünya əhalisinin 60%-ə yaşayır.
-Bu Yer səthinin 18%-ni təşkil edir.
-Burada dünya əhalisinin 2/3-si yaşayır (1,7 milyard)
-Burada dünyanın ilkin bioloji məhsulunun 25%-ə qədəri formalaşır.
-Dünyada ovlanan balığın 90%-ə qədəri bura düşür. Sahil zonası Dünya
okeanının cəmi 8%-ni tutur və onun həcmi 0,5 %-ə qədər təşkil edir. Lakin
burada okeanın bioloji məhsulunun 18-33%-i formalaşır. Sahil zonası çayların
gətirmə axınlarının çirkləndirici maddələrlə birlikdə 75-90%-ni qəbul
edir(udur).Burada düyadakı müasir yumşaq(ovulan) çöküntülərin 90%-
iakkumulyasiya olunur. Burada həmçinin karbon qazının qlobal siklinin aktiv
hissəsindən ayrılan üzvi maddələrin 80%-i toplanır.
Yuxarıdakı məlumatlar sahil zonasının mühüm ümumdünya əhəmiyyəti
olduğunu göstərir.
qlimin dəyişməsilə əlaqədar okeanın səviyyəsinin qalxmasının sahilyanı
zolağa təsiri aşağıdakı kimi göstərilir.
-Dənizin çoxillik orta səviyyəsinin qalxmasi nəticəsində bir başa su basan
zonalar.
-Sahillərin dağılması nəticəsində sahil xəttinin geri çəkilməsinin ölçüsü.
-Fırtına vaxtı su basan zona.
Dünya okeanının səviyyəsinin 2100-cü ilə qədər 20-86 sm, orta hesabla
50 sm qalxması gözlənilir.Bu isə sahilyanı zonaya arzuolunmaz təsir
göstərəckdir.Artıq XX əsr dövründə suyun səviyyəsinin qalxması dünyanın qum
sahillərinin 70%-i dağılma vəziyyətindədir.
Sahilyani ekosistemlər bioloji müxtəlifliyi baxımından dünyada ən zəngin
ekositemlərdən olub dünya sahillərinin demək olar ki,yarısı dağılmaq,hətta
məhv olmaq təhlükəsi qarşısındadır.
Dostları ilə paylaş: |